حالىقارالىق اسكەري ىنتىماقتاستىقتى جانە اسكەري-تەحنيكالىق سەرىكتەستىكتى نىعايتۋ, اسكەري قىزمەتتىڭ مارتەبەسىن ءوسىرۋ, جاۋىنگەرلىك دايارلىقتاعى باسەكەلەستىكتى ارتتىرۋ جانە اسكەري-ارنايى تەحنيكالاردىڭ مۇمكىندىكتەرىن كورسەتۋ ماقساتىنداعى «دالالىق اسحانا» بايقاۋىندا اسكەري اسپازدار شەبەر اسپازدىعىن, ءارى ۇزدىك اسكەري قابىلەتىن كورسەتۋگە مۇمكىندىك الدى.
«اتىس دايارلىعىنان جارىس» كەزەڭى بارىسىندا اسكەري اسپازداردىڭ مەرگەندىگى سىنالسا, «ازىق-ت ۇلىك ونىمدەرىنەن مازىرگە سايكەس تاعام مەن نان دايىنداۋ», سونداي-اق ء«وز قالاۋى بويىنشا بەرىلگەن ازىق-ت ۇلىك ونىمدەرىنەن تاعام مەن نان دايىنداۋ» كەزەڭدەرىندە ولاردىڭ ءبىرىنشى, ەكىنشى جانە ءۇشىنشى تاماقتاردىڭ, سالقىن تىسكەباساردىڭ, ءنارسۋدىڭ رەتسەپتىگە وراي دايىندالۋى مەن ونىڭ ساپاسى باعالاندى. دالا توسىندە سايىسقا تۇسكەن اسپازداردىڭ مازىرىندە ۆينەگرەت سالاتى, جازعى سالات, بورشش, سوليانكا, كۇرىش بوتقاسى بار قۋىرىلعان گوربۋشكا, كارتوفەل قوسىلعان لانگەت, مۇكجيدەك مورسى, قۇرعاق جەمىستى كومپوت بولدى. سونىمەن قوسا, اسكەريلەر نان مەن نان-بولىشكە ونىمدەرىن بەكىتىلگەن رەتسەپتىگە ساي دايىندادى. تاماق جانە نان ونىمدەرىن ازىرلەۋ ءۇشىن اسكەري اسپازدار مەن ناۋبايشىلار دالالىق جاعدايدا پپ-40 تاسىمالدايتىن پليتاسىن, كپ-30 تاسىمالداناتىن اسحاناسىن, كپ-130 پريتسەپتى اسحاناسىن جانە پريتسەپتى نان ازىرلەۋ بلوكتارىن قولداندى.
«باتىس» وڭىرلىك قولباسشىلىعى كومانداسىنىڭ قۇرامىنا اقتوبەلىك 30238 اسكەري ءبولىمى مەن اقتاۋداعى 75488 اسكەري بولىمىنەن 2 اسپاز بەن 2 ناۋبايشى كىردى. بۇگىنگى كۇنى كوماندا مۇشەلەرى قارۋلى كۇشتەردىڭ ىرىكتەۋ جارىسىنا قىزۋ دايىندالۋدا.
حالىقارالىق ارميالىق ويىنداردىڭ ازىق-ت ۇلىك قىزمەتى ماماندارىنا اراسىندا وتكىزىلەتىن ەرەكشە قىزىقتى كونكۋرس بولىپ تابىلاتىن اتالمىش «دالالىق اسحانا» سايىسى رەسەي فەدەراتسياسىنىڭ ماسكەۋ وبلىسى «الابينو» پوليگونىندا «جاقسى اۋقاتتانساڭ – ۇرىستا جەتىستىككە جەتەسىڭ» ۇرانىمەن وتەتىن بولادى.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
