جيىنعا قازاقستان حالقى اسسامبلەياسى توراعاسىن+ىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ, قازاقستان حالقى اسسامبلەياسىنىڭ مۇشەلەرى, ەتنومادەني بىرلەستىكتەردىڭ, عىلىمي-ساراپشىلىق كەڭەستىڭ, قوعامدىق كەلىسىم كەڭەسىنىڭ, انالار كەڭەسىنىڭ, «جاڭعىرۋ جولى» رەسپۋبليكالىق جاستار قوزعالىسىنىڭ وكىلدەرى قاتىستى.
استاناعا قازاقستاننىڭ تۇڭعىش پرەزيدەنتىنىڭ ەسىمى بەرىلۋى – ەلباسىنىڭ تاۋەلسىز قازاقستاندى قۇرۋداعى وراسان زور ەڭبەگىن مويىنداپ, تانۋ ەكەندىگىن اتاپ ايتقان جانسەيىت تۇيمەباەۆ: «ناۋرىز ايى – جاڭا جىلدى ەلوردامىز تاريحي نۇر-سۇلتان
اتاۋىمەن باستاپ وتىر. ەل باستاعان ۇلىلاردىڭ ەسىمىن ۇلىقتاۋ – الەمدىك وركەنيەتتە ەجەلدەن كەلە جاتقان ءۇردىس. ال قازاقستاننىڭ سول الەمدىك وركەنيەت كەرۋەنىنە تەڭ قۇقىلى مەملەكەت رەتىندە قوسىلىپ, كوك بايراعىن جەلبىرەتكەن, بۇۇ مۇشە بولعان جانە قازاقستان حالقى اسسامبلەياسىن قۇرعان تۇڭعىش پرەزيدەنتىمىزدىڭ اتىن ەلدىڭ استاناسىنا بەرگەنىمىزدى – قازاقستان حالقىنىڭ ەلباسىنا دەگەن العىسى دەپ بىلەمىز», دەدى.
ول سونىمەن قاتار قحا مۇشەلەرى, ەتنومادەني بىرلەستىكتەردىڭ وكىلدەرى, قحا عىلىمي-ساراپتامالىق كەڭەسى, قحا كافەدراسىنىڭ قاۋىمداستىعى, قوعامدىق كەلىسىم كەڭەسى, انالار كەڭەسى, قحا جۋرناليستەر كلۋبى, مەدياتورلار كەڭەسى, كاسىپكەرلەر قاۋىمداستىعى, «جاڭعىرۋ جولى» جاستار قوزعالىسى مۇشەلەرى استاناعا قازاقستاننىڭ تۇڭعىش پرەزيدەنتىنىڭ ەسىمى بەرىلۋىن قولدايتىنىن اتاپ ءوتتى.
ء«بىز استاناعا نۇر-سۇلتان اتاۋى بەرىلۋىن تولىقتاي قولدايمىز. بۇل قادام ەلباسىنىڭ تاۋەلسىز قازاقستاندى قۇرۋداعى ەرەن ەڭبەگىن باعالاۋ ءۇشىن جاسالىپ وتىر. استانانى كوشىرۋ – نۇرسۇلتان ءابىش ۇلى نازارباەۆتىڭ ستراتەگيالىق جوباسى جانە باستاماسى بولىپ تابىلادى. ەلباسى ەلىمىزدىڭ تاريحىنىڭ جاڭا پاراعىن اشتى. بۇگىندە استاناعا قازاقستاننىڭ تۇڭعىش پرەزيدەنتىنىڭ ەسىمىن بەرۋ – بار الەمگە نىشاندى بەلگى بولماق. قازاقستاننىڭ ەگەمەندى, دەموكراتيالىق, قۇقىقتىق جانە الەۋمەتتىك مەملەكەت رەتىندە دامۋىنداعى نۇرسۇلتان نازارباەۆتىڭ باعىتىنىڭ وزگەرمەيتىندىگى مەن ساباقتاستىعى تۋرالى بەلگى. ساياسي كوشباسشىلىقتىڭ جانە ساياسي ەرىك-جىگەردىڭ ارقاسىندا ەلباسى حالىقارالىق قاتىناستاردىڭ جوعارى ادامگەرشىلىك ستاندارتتارىن قۇردى. ول ەلىمىزدىڭ بەيبىتسۇيگىش كوپۆەكتورلى سىرتقى ساياساتىن دامىتۋعا قوسقان ۇلەسى ءۇشىن حالىقارالىق قوعامداستىقتىڭ زور قۇرمەتى مەن العىسىنا يە بولدى», دەدى قحا حاتشىلىعىنىڭ مەڭگەرۋشىسى.
قحا توراعاسىنىڭ ورىنباسارى اتاپ وتكەندەي, نۇرسۇلتان نازارباەۆتىڭ تاريحي ەڭبەگى ۇلى دالا ەلىنىڭ كەيىنگى ۇرپاقتارى ءۇشىن ۇلگى بولۋى ءتيىس.
ول زاماناۋي قازاقستاننىڭ قالىپتاسۋىنداعى ونىڭ ءرولىن, وتپەلى كەزەڭدەگى قيىندىقتاردى جەڭۋدەگى جانە جاڭا استانانى قۇرۋداعى ەڭبەگىن ەرەكشە اتاپ ءوتتى.
«بۇل – ەركىندىك پەن تاۋەلسىزدىك مۇراتتارىنا بەرىلگەن حالىققا شەكسىز قىزمەت ەتۋ ۇلگىسى», دەدى اسسامبلەيا توراعاسىنىڭ ورىنباسارى.
جانسەيىت تۇيمەباەۆ استانانىڭ اتاۋىن تۇڭعىش پرەزيدەنتتىڭ ەسىمىنە وزگەرتۋ – ءبىزدىڭ ازاماتتىق بورىشىمىز ەكەنىن, سونىمەن قاتار نۇر-سۇلتان اتاۋى كيەلى قازاق جەرىندە بىرلىك, بەيبىتشىلىك پەن گۇلدەنۋدىڭ نىشانى بولىپ ساقتالۋى ءۇشىن بارلىعىن جاساۋعا ءتيىس ەكەنىمىزدى جەتكىزدى.
