اڭگىمەلەسۋ بارىسىندا تاراپتار ەكى ەل اراسىنداعى ىنتىماقتاستىقتى نىعايتۋ ماسەلەلەرىن تالقىلاپ, پارلامەنتارالىق ءوزارا ءىس-قيمىلدىڭ وزەكتى ماسەلەلەرى تۋرالى پىكىر الماستى.
كەزدەسۋدە گۇلميرا يسيمباەۆا كەڭەسشىلەر پالاتاسىنىڭ توراعاسىنا وسى جىلدىڭ 23-24 قىركۇيەگى ارالىعىندا نۇر-سۇلتان قالاسىندا وتەتىن ەۋرازيا ەلدەرىنىڭ پارلامەنتتەرى سپيكەرلەرى IV وتىرىسىنا قاتىسۋ ءۇشىن رەسمي شاقىرۋ حاتىن تابىس ەتتى.
ءوز كەزەگىندە چۋيچي داتە جاپونيا قازاقستانمەن جان-جاقتى ىنتىماقتاستىقتى دامىتۋعا ۇلكەن ءمان بەرىپ وتىرعانىن اتاپ ءوتىپ, 2016 جىلى جاپونيا پارلامەنتى قوس پالاتاسىنىڭ دەپۋتاتتارى الدىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ جاساعان تاريحي بايانداماسىنا نازار اۋداردى.
سونىمەن قاتار جاپونيا پارلامەنتىنىڭ دەپۋتاتى ەلباسى نۇرسۇلتان نازارباەۆتىڭ ءوز ەلىن جاڭعىرتۋ جولىندا تابىستى جەتىستىكتەرگە قول جەتكىزگەن حالقىنىڭ شىنايى كوشباسشىسى ەكەنىنە توقتالدى.
چۋيچي داتە جاڭا پرەزيدەنت قاسىم-جومارت توقاەۆتىڭ باسشىلىعىمەن قازاقستاننىڭ ودان ءارى دامي بەرەتىنىنە سەنىم ءبىلدىردى.
