شاراينا
سەيسەنبى, 30 قازان 2012 7:11
ايت كۇندەرى دە وق اتىلدى
سيريا بيلىگى مەن ب ۇلىكشىلەردىڭ ءوزارا كەلىسىمىنە قاراماستان, قۇربان ايتمەيرامىنىڭ ءۇشىنشى كۇنى اتىس سالدارىنان كەم دەگەندە 99 ادام مەرتبولعان. بۇل جونىندە كەشە «فرانس-پرەسس» اگەنتتىگى حابارلادى.
سەيسەنبى, 30 قازان 2012 7:11
ايت كۇندەرى دە وق اتىلدى
سيريا بيلىگى مەن ب ۇلىكشىلەردىڭ ءوزارا كەلىسىمىنە قاراماستان, قۇربان ايتمەيرامىنىڭ ءۇشىنشى كۇنى اتىس سالدارىنان كەم دەگەندە 99 ادام مەرتبولعان. بۇل جونىندە كەشە «فرانس-پرەسس» اگەنتتىگى حابارلادى.
اتالعان اگەنتتىكتىڭ اقپاراتتارىنا قاراعاندا, قازا تاپقانداردىڭ 35-ءى ۇكىمەتتىك ارميانىڭ اسكەريلەرى, 34-ءى كوتەرىلىسشىلەر, 30-ى بەيبىت تۇرعىندار ەكەن. قازا بولعان بەيبىت تۇرعىنداردىڭ كوپشىلىگى ۇكىمەتتىك اۆياتسيانىڭ يدليب پروۆينتسياسىنىڭ سولتۇستىك-باتىسىنداعى ءبىر ەلدى مەكەنگە اۋەدەن شابۋىل جاساۋى كەزىندە اجال قۇشقان-مىس. جۇما مەن سەنبى كۇندەرى قاقتىعىستار سالدارىنان 175 ادام قۇربان بولدى دەگەن مالىمەتتەر دە بار.
باسىلىمدى سوتقا بەرمەك
قىتاي پرەمەر-ءمينيسترى ۆەن تسزياباو وتباسىنىڭ مۇددەسىن قورعايتىنادۆوكاتتار «نيۋ-يورك تايمس» باسىلىمىندا پرەمەر-ءمينيستردىڭتۋعان-تۋىستارى 2,7 ميلليارد دوللار كولەمىندەگى دۇنيە-م ۇلىككە يەلىكەتەتىندىگى تۋرالى جاريالانعان دەرەكتەردى جوققا شىعاردى.
ادۆوكاتتار گونكونگتىك «Sunday Morning Post» گازەتىندە اعىلشىن تىلىنە اۋدارىلىپ باسىلعان جاريالانىمدى «امەريكالىق باسىلىمدا اتالعان ۆەن تسزياباونىڭ وتباسى مۇشەلەرى جيناعان قۇپيا بايلىق اتىمەن جوق» دەپ اتاپ كورسەتكەن. سونداي-اق ولار پرەمەردىڭ بيزنەسپەن اينالىساتىن تۋىستارى زاڭناما تالاپتارىن بۇزباعاندىعىن جانە ولاردىڭ قانداي دا ءبىر كومپانيانىڭ اكتسيالارىنا يەلىك ەتپەيتىندەرىن مالىمدەگەن. بۇلاردان بولەك پرەمەر وتباسىنىڭ وكىلدەرى ۆەن تسزياباونىڭ جەكە ءوزى ەشقانداي كومپانيالارمەن بايلانىس جاساماعانىن جازىپ بەرگەن. پرەمەر-ءمينيستردىڭ ادۆوكاتتارى شىندىققا سايكەس كەلمەيتىن ماقالا باسقانى ءۇشىن «نيۋ-يورك تايمس» گازەتىن سوتقا بەرەتىنىن دە اتاپ ءوتىپتى. بۇل ماقالا وتكەن جۇما كۇنى جاريالانعان بولاتىن.
قىسقا قايىرىپ ايتقاندا:
رەسەيدىڭ تەرگەۋ كوميتەتى ءىىم كولىكتەگى تەرگەۋ باسقارماسىنىڭ بۇرىنعى باستىعى, پولكوۆنيك ەدۋارد ساندرۋكيانعا قاتىستى قىلمىستىق ءىستى تەرگەۋدى اياقتادى. وعان 900 مىڭ دوللار كولەمىندە پارا الدى دەگەن ايىپ تاعىلىپ وتىر.
ءۇندىستاننىڭ سىرتقى ىستەر ءمينيسترى بولىپ 59 جاستاعى سالمان حۋرشيد تاعايىندالدى. بۇعان دەيىن ول ادىلەت ءمينيسترى قىزمەتىن اتقارعان.
باعدادتا بىرنەشە جەردە بولعان تەررورلىق ارەكەتتەر سالدارىنان 30-دان استام ادام قۇربان بولدى. سونداي-اق مۇسىلماندىق پارىزىن وتەۋشى يراندىقتار مىنگەن اۆتوبۋس تا جارىلعان.
شۆەيتساريانىڭ اسا ءىرى UBS بانكى 10 مىڭ جۇمىس ورنىن قىسقارتاتىندىعى تۋرالى شەشىم قابىلدادى. بۇل – بانك قىزمەتكەرلەرىنىڭ التىدان ءبىرىن قۇرايدى.
ءومىر بويى تۇرمەدە وتىرادى
قىرعىزستان سوتى رەسەي ازاماتى شامشيدين نيازاليەۆتى ءومىر بويى تۇرمەدە وتىرۋ جازاسىنا كەستى. اقپاراتتارعا قاراعاندا, ول 2010 جىلدىڭ 12-13 ماۋسىمىندا جالالاباد وبلىسىندا ورىن العان قاندى وقيعاعا بەلسەنە قاتىسقان.
بۇل وقيعا اتالعان وبلىس اۋماعىنداعى «سانپا» ماقتا تازالاۋ زاۋىتىنىڭ ماڭايىندا بولعان. ولار جولعا مازۋت توگىپ, اۆتوكولىكتەردى توقتاتقان. كولىكتەر ىشىندەگى ادامدارعا وق جاۋدىرعان. سونىڭ كەسىرىنەن 16 بەيبىت تۇرعىن كوز جۇمىپتى. 2010 جىلدىڭ قاراشاسىنداعى سوتتا قاندى وقيعاعا قاتىسقان 19 قىلمىسكەردىڭ 17-ءسى ءومىر بويى تۇرمەدە وتىرۋ جازاسىنا, ەكەۋى 25 جىلعا كەسىلگەن ەدى. ال نيازاليەۆ وسى جىلدىڭ باسىندا ۇستالىپ, قىرعىزستاننىڭ قۇقىق قورعاۋ ورگاندارىنا تاپسىرىلعان بولاتىن.
بيلىك پارتياسى الدا كەلەدى
ۋكراينانىڭ ورتالىق سايلاۋ كوميسسياسى جوعارعى رادا سايلاۋىندا داۋىس بەرۋدىڭ 40 پايىز حاتتاماسىنىڭ الدىن الا ناتيجەسىن جاريا ەتتى.بۇل مالىمەتتەر پارتيالىق ءتىزىم بويىنشا داۋىس بەرۋگە قاتىستى.
ورتالىق سايلاۋ كوميسسياسىنىڭ اقپاراتتارىنا قاراعاندا, قازىرگە بيلىكتەگى «ايماقتار پارتياسى» («پارتيا رەگيونوۆ») سايلاۋشىلاردىڭ 36,49 پايىز داۋىسىنا يە بولعان. ەكىنشى ورىندا 21,08 پايىز داۋىس جيناعان «باتكيۆششينا» وپپوزيتسيالىق پارتياسى, ءۇشىنشى ورىندا 15,26 پايىز داۋىسپەن ۋكراينا كومپارتياسى كەلەدى. پارلامەنتكە, سونداي-اق كاسىبي بوكسشى ۆيتالي كليچكونىڭ ۋدار پارتياسى دا وتپەك, قازىرگە بۇل پارتيا 12,67 پايىز داۋىسپەن ءتورتىنشى ورىندا تۇر. اتاپ وتەيىك, پارلامەنتكە 5 پايىزدىق كەدەرگىنى باعىندىرعان ساياسي كۇشتەر عانا وتەدى.
«سەندي» داۋىلىنىڭ سالدارى
«رەيتەر» اقپارات اگەنتتىگىنىڭ حابارلاۋىنشا, اقش-تىڭ اۆياكومپانيالارى ەلدىڭ شىعىس جاعالاۋىنا جاقىنداپ قالعان «سەندي» داۋىلىنا بايلانىستى 28-29 قازانعا جوسپارلانعان 7100-دەن استام اۆيارەيستى كەيىنگە قالدىرۋعا ءماجبۇر بولدى.
كەيبىر مالىمەتتەر كەيىنگە قالدىرىلاتىن رەيستەر سانى 8 مىڭعا جەتەتىندىگىن العا تارتادى. ويتكەنى, Delta Airlines اۆياكومپانياسى جەكسەنبىدە 180 رەيستى كەيىنگە قالدىرعان, ال دۇيسەنبى كۇنى ونىڭ قاتارى بۇدان ەكى ەسەگە ارتۋى مۇمكىن. ەلدەگى وزگە دە اۆياتاسىمالداۋشى ءىرى كومپانيالار كوپتەگەن رەيستى كەيىنگە قالدىرۋدا. جولاۋشىلارعا وتەماقى تولەۋدەن باس تارتقان كومپانيالار دا بار. وسىنداي جاعداي بۇل ەلدە وتكەن جىلدىڭ تامىزىندا بولعان ەدى. وندا 10 مىڭعا جۋىق رەيس ءوز ۋاقىتىندا ۇشپاعان ەدى. نيۋ-يوركتىڭ 400 مىڭ تۇرعىنى قالانى تاستاپ شىعۋعا ءماجبۇر بولدى.
ينتەرنەت ماتەريالدارى نەگىزىندە ازىرلەندى.
