2007-2014 جىلدار ارالىعىندا تۇركيا پرەزيدەنتى بولعان ابدۋللاح گۇل مەن ەلباسى نۇرسۇلتان نازارباەۆ اراسىنداعى جىلى قارىم-قاتىناس بارشامىزعا ءمالىم. وسى كەزەڭدە باۋىرلاس ەكى ەلدىڭ بايلانىسى تەرەڭدەي ءتۇسىپ, قوس باسشىنىڭ رەسمي ساپارلارى ءجيى بولۋىمەن ەرەكشەلەندى. ولاردىڭ اراسىنداعى دوستىق ابدۋللاح گۇلدىڭ پرەزيدەنتتىك قىزمەتىنەن كەتكەننەن كەيىن دە جالعاسىن تاپتى.
گۇل مىرزا قازاق ەلىندە ۇيىمداستىرىلعان حالىقارالىق جيىندارعا قاتىسىپ وتىرعان. نۇرسۇلتان ءابىش ۇلىنىڭ تاريحي شەشىمى قازاق ەلىن عانا ەمەس, تۇركى الەمىن دە تولعاندىردى. تۇركيانىڭ بەلدى ساياساتكەرلەرىنىڭ قاتارىندا ابدۋللاح گۇل مىرزا دا ەلىمىزدەگى وزگەرىستەرگە وراي ءوز پىكىرىن ءبىلدىردى.
ابدۋللاح گۇل, تۇركيا رەسپۋبليكاسىنىڭ 11-پرەزيدەنتى:
– نۇرسۇلتان نازارباەۆتىڭ كوكەيىندەگى قازاقستان تەك ماتەريالدىق تۇرعىدان باي ادەمى قالالارى, ادەمى جولدارى بار ەل ەمەس, دەموكراتيالىق-قۇقىقتىق, زاڭدارى ۇستەم, ەركىن نارىق ەرەجەسىمەن جۇرەتىن جەتىستىگى تولاسسىز جاڭا بەلەستەرگە جەتەلەيتىن مەملەكەت ەدى. وسى ماقساتقا جەتۋ ءۇشىن تۇڭعىش پرەزيدەنت رەتىندە 30 جىل تىنباي ەڭبەك ەتتى. 10 مىڭداعان قازاق جاسىنىڭ شىعىس پەن باتىستىڭ الدىڭعى قاتارلى وقۋ ورىندارىندا ءبىلىم الۋىنا مۇمكىندىك بەردى. قازاقستاننىڭ دۇرىس باعىتتا دامۋىن جالعاستىرا بەرۋ ءۇشىن جاڭا بۋىنعا, ءىزباسارلارىنا بيلىكتى بەردى. ابدۋللاح گۇلدىڭ ايتۋىنشا, جاڭا باسشى رەتىندە تاعايىندالعان قاسىم-جومارت توقاەۆ وسى سەنىمگە لايىقتى. بۇل وتە ماڭىزدى.
ابدۋللاح گۇل, تۇركيا رەسپۋبليكاسىنىڭ 11-پرەزيدەنتى:
– كەيبىر كوشباسشىلار ءوز باقىلاۋىندا ۇستاپ وتىراتىن ادامداردى ءىزباسار رەتىندە تاعايىندايدى. بۇل جاعدايدا بيلىكتىڭ الماسۋى ءىس جۇزىندە جۇزەگە اسپاعان بولادى. ال قازاقستان جاعدايىندا بيلىكتىڭ ءىس جۇزىندە اسقاندىعى كورىنىپ تۇر. مەن دە ءوز باسىم قاسىم-جومارت توقاەۆتى جاقسى تانيمىن ءارى قۇرمەتتەيمىن. قازاقستان نۇرسۇلتان نازارباەۆ مۇرات ەتكەن ەلگە اينالادى دەگەن سەنىمدەمىن. قازىر دە الەمدە دامىعان 50 ەلدىڭ قاتارىندا. مۇنىمەن ۇزدىك وتىزدىقتىڭ قاتارىندا ەنۋى دە الىس ەمەس. تۇركى الەمىندەگى ىنتىماقتاسۋ ۇردىسىندە نۇرسۇلتان نازارباەۆتىڭ ماڭىزى زور. ابدۋللاح گۇلدىڭ بايانداۋىنشا, ەلباسى ءتۇبى ءبىر تۇركى جۇرتىنىڭ ەرتەڭىن باياندى ەتۋگە باعىتتالعان بىرقاتار جۇمىستى جۇزەگە اسىردى.
ابدۋللاح گۇل, تۇركيا رەسپۋبليكاسىنىڭ 11-پرەزيدەنتى:
– ن. نازارباەۆ قازاق جاستارىندا تۇركى الەمى ساناسىن قالىپتاستىردى. سونداي-اق ەلباسى ەكەۋمىزدىڭ باستامامىزبەن تۇركى كەڭەسى قۇرىلدى. تۋىس حالىقتاردىڭ عىلىمي قاۋىمداستىعىنىڭ عىلىم مەن ءبىلىمىنىڭ دامۋىنا جاعداي جاساۋ ءۇشىن تۇركى اكادەمياسىنىڭ نەگىزى قالاندى. ءتۇبى ءبىر تۇركى جۇرتىنا ەلەۋلى ۇلەسى ءۇشىن ەلباسىنى تۇركى الەمىنىڭ دانا اقساقالى دەپ اتادىق. ايتا كەتكەن ءجون, تۇرىك ەلىنىڭ 11-پرەزيدەنتى بىرنەشە جىلدان بەرى تەلەارنالارعا ارنايى سۇحبات بەرۋدەن باس تارتقان بولاتىن. ونىڭ وزىندىك سەبەپتەرى بار. الايدا گۇل مىرزا ءبىزدىڭ ءوتىنىشىمىزدى جەرگە تاستامادى. بۇل دا – ءبىر قازاقستانعا دەگەن قۇرمەتتىڭ بەلگىسى.
