شاراينا
سەنبى, 20 قازان 2012 7:58
ستۋدەنتتەر نارازىلىعى
الەمدىك قارجى داعدارىسى يسپانيانىڭ الەۋمەتتىك سالاسىن تاعى داتىعىرىققا تىرەي باستادى. بيۋدجەت تاپشىلىعىنىڭ 5 ميلليارد اقشدوللارىن قۇراۋى دا بۇل جاعدايدى ۋشىقتىرا ءتۇستى. ماسەلەن, ەلدىڭ 40 قالاسىندا ستۋدەنت جاستار ەرەۋىلگە شىعۋعا ءماجبۇر بولدى.
سەنبى, 20 قازان 2012 7:58
ستۋدەنتتەر نارازىلىعى
الەمدىك قارجى داعدارىسى يسپانيانىڭ الەۋمەتتىك سالاسىن تاعى داتىعىرىققا تىرەي باستادى. بيۋدجەت تاپشىلىعىنىڭ 5 ميلليارد اقشدوللارىن قۇراۋى دا بۇل جاعدايدى ۋشىقتىرا ءتۇستى. ماسەلەن, ەلدىڭ 40 قالاسىندا ستۋدەنت جاستار ەرەۋىلگە شىعۋعا ءماجبۇر بولدى.
بۇلاي دەپ وتىرعان سەبەبىمىز, يسپانيادا جوعارى وقۋ ورىندارىندا وقيتىن ستۋدەنتتەر ءۇشىن تولەۋ اقىسى ەكى ەسە ءوسىپ كەتكەن. وعان كەرىسىنشە, ستيپەنديالار تۋرا ەكى ەسەگە قىسقارعان. وسىنىڭ سالدارى ستۋدەنت جاستاردى كوشەلەرگە الىپ شىقتى. بۇدان وڭ ناتيجە شىعا قويۋى دا ەكىتالاي. ويتكەنى, ەلدە داعدارىس تەرەڭدەپ بارادى. جانە يسپانيا ەۋروپا وداعىنداعى جۇمىسسىز جاستار ەڭ كوپ مەملەكەت بولىپ وتىر.
بومبالاۋ سالدارى اۋىر
سيريانىڭ ب ۇلىكشىلەر باقىلاۋىنداعى ماارەت ءال-نۋمان قالاسىنا ۇكىمەتتىك اسكەري-اۋە كۇشتەرىنىڭ سوققىسى سالدارىنان 44 ادام قازا تاپقان. زىمىراندىق-بومبالىق سوققى كەزىندە ەكى تۇرعىن ءۇي مەن مەشىت تولىقتاي قيراعان. ىشىندە ادامدار بولعاندىقتان, كوز جۇمعاندار سانى كوبەيۋى ابدەن مۇمكىن دەلىنىپ وتىر.
قيراندىلاردى ارشىپ جاتقان جۇمىسشىلاردىڭ ايتۋىنشا, قۇلاعان ۇيلەر مەن مەشىتكە كوپتەگەن بەيبىت تۇرعىندار تىعىلسا كەرەك. جالپى, اتالعان قالا سوڭعى بىرنەشە كۇن بويى سيرياداعى باستى ۇرىستاردىڭ نەگىزگى ورنى بولىپ قالىپ وتىر. ال ەلدىڭ سولتۇستىگىندەگى بۇل قالاعا باقىلاۋ ورناتپاي, ۇكىمەت اسكەرلەرى قاجەتتى جابدىقتاردى مەرزىمىندە الا المايدى.
توي قوناقتارى قازا تاپتى
اۋعانستاننىڭ سولتۇستىگىندە جول جيەگىنە جاسىرىلعان مينا ۇيلەنۋ تويىنان كەلە جاتقان قوناقتاردىڭ اجالىنا سەبەپ بولدى. بۇل تۋرالى BBC News حابارلادى. جارىلىس سالدارىنان كەم دەگەندە 18 ادام مەرت بولسا, تاعى 15-ءى ءتۇرلى دەڭگەيدە دەنە جاراقاتىن العان.
بيلىكتەگىلەردىڭ دەرەكتەرى بويىنشا, قازا تاپقاندار قاتارى ارتۋى ىقتيمال. وسى ارالىقتا «Associated Press» اگەنتتىگى جەرگىلىكتى پوليتسياعا سىلتەمە جاساي وتىرىپ, 15 ادام قازا تاپسا, 18-ءى جاراقاتتاندى دەگەن اقپار تاراتتى. قوناقتار بالح پروۆينتسياسىنداعى داۆلاتاباد وكرۋگىندەگى ۇيلەنۋ تويىنان كەلە جاتقان ەكەن. لاڭكەستەردىڭ ناقتى سولاردى كوزدەگەنى نە كوزدەمەگەنى بەلگىسىز.
پاراقشاعا وقپەن جاۋاپ بەرەدى
سولتۇستىك كورەيا ەگەر وڭتۇستىكتەگى كورشىلەرى كحدر-گە قارسى ناسيحات سوزدەر جازىلعان پاراقشالار جەتكىزۋدى جالعاستىراتىن بولسا, وندا وڭتۇستىك كورەيا اۋماعىنا سوققى جاسايتىندارى تۋرالى مالىمدەدى. مۇنداي ەسكەرتۋ جاسالعانى تۋرالى, كحدر ارمياسى وكىلىنە سىلتەمە جاساي وتىرىپ, مەملەكەتتىك اقپارات اگەنتتىگى جاريا ەتتى.
پحەنيانعا بەلگىلى بولعانىنداي, ءوڭتۇستىكتەگى بەلسەندىلەر توبى سولتۇستىك كورەيا اۋماعىنا جەرگىلىكتى بيلىكتى سىن تەزىنە العان پاراقشالار لاقتىرۋدى جوسپارلاسا كەرەك. پاراقشالار دىتتەگەن جەرىنە قالاي جەتكىزىلمەك دەگەن ماسەلەگە كەلسەك, بەلسەندىلەر ولاردى شەكارالاس پروۆينتسياعا اۋە شارلارى ارقىلى جىبەرمەك بولعان. كحدر جاعى مۇنداي اكتسيا وڭتۇستىك كورەيا پرەزيدەنتى لي مەن باكپەن كەلىسىلگەن دەسە, كەيبىر دەرەك كوزدەرى بۇعان پرەزيدەنتتىڭ قاتىسى جوق, پاراقشالاردى وڭتۇستىككورەيالىق بەلسەندىلەر ۇيىمداستىرىپ وتىر دەگەندى كولدەنەڭ تارتادى.
تاتارلار بوسقىندار ەمەس
ۋكراينا پرەمەر-ءمينيسترى نيكولاي ازاروۆ وكىلدەرى 1940-جىلدارى قىرىمنان جاپپاي كۇشتەپ كوشىرىلگەن قىرىم تاتارلارىن وزدەرىن دەپورتاتسيالانعاندار دەپ اتاۋدى توقتاتۋعا شاقىردى. بۇل جونىندە ۇكىمەت باسشىسى سيمفەروپولدە ازاماتتارمەن كەزدەسكەن كەزىندە مالىمدەگەن.
«سىزدەر وزدەرىڭىزدى دەپورتاتسيالانعاندارمىز دەپ اتاۋدى دوعاراسىزدار, ويتكەنى, سىزدەر كادىمگى ءبىزدىڭ ازاماتتارسىزدار, سىزدەر ءبىزدىڭ قالاعا, ءبىزدىڭ حالىققا ءسىڭىسىپ كەتتىڭىزدەر, ءسويتىپ, ءبىزدىڭ تولىققاندى بولشەگىمىز بولىپ وتىرسىزدار», دەپ اتاپ كورسەتكەن ن.ازاروۆ. سونىمەن قاتار, ول قىرىم تاتارلارىنىڭ بىرقاتار شەشىلمەگەن الەۋمەتتىك پروبلەمالارىنىڭ بار ەكەنىن دە جاسىرماي ايتىپ, ولاردى شەشۋگە كۇش-جىگەر جۇمسالاتىنىن جەتكىزگەن.
قىز الىپ قاشپا, قاراعىم!
قىرعىزستان پارلامەنتى ەكىنشى وقىلىمدا قىز الىپ قاشقانعا جاۋاپكەرشىلىكتى قاتاڭداتۋ تۋرالى زاڭ جوباسىن ماقۇلدادى. قىلمىستىق كودەكسكە اتالعان وزگەرىستى قولداپ, ماجىلىسكە قاتىسقان دەپۋتاتتاردىڭ 75-ءىنىڭ 63-ءى ءوز داۋىستارىن بەرگەن.
زاڭ جوباسىنا بيلەۋشى «ار-نامىس» كواليتسياسى فراكتسياسىنىڭ دەپۋتاتى اينۋرۋ التىباەۆا باستاماشىلىق جاساعان. قابىلدانعان تۇزەتۋلەرگە سايكەس, ايەلدى ماجبۇرلەپ نەكەگە وتىرعىزۋ ءۇشىن جازا 7 جىل دەپ بەلگىلەنىپ وتىر ەكەن. بۇعان دەيىن جازا 3 جىلعا دەيىنگى مەرزىمدى بەلگىلەيتىن. ەگەر كامەلەتكە تولماعان قىز بالا الىپ قاشىلاتىن بولسا, وندا كىنالى دەپ تابىلعان ادام 10 جىل باس بوستاندىعىنان ايىرىلاتىن بولادى.
قىسقا قايىرىپ ايتقاندا:
اقش پرەزيدەنتتىگىنەن ۇمىتكەرلەر – قازىرگى پرەزيدەنت, دەموكرات باراك وباما مەن رەسپۋبليكاشىل ميتت رومني اراسىنداعى تەلەدەباتتىڭ ەكىنشى كەزەڭىندە ب.وباما ءسال باسىمدىقپەن جەڭىسكە جەتتى دەلىنىپ وتىر. ارينە, قاراشا ايىندا وتەتىن پرەزيدەنتتىك سايلاۋدا كىمنىڭ اتى وزاتىنى ازىرشە بەلگىسىز.
قىرعىز باسشىلىعى ەل تاۋەلسىزدىگىنەن بەرى سىرتقا زاڭسىز جىلىستاتىلعان اكتيۆتەردى, ونىڭ ىشىندە قارجى-قاراجاتتاردى قايتارۋمەن اينالىسۋعا شەشىم قابىلدادى. بۇل ۇدەرىستە ەل بيلىگى حالىقارالىق قوعامداستىقتىڭ كومەگىنە يە ارتپاق. ءبىر ق.باكيەۆتىڭ ءوزى شەتكە 20 ميلليون دوللار جىلىستاتقان دەگەن ءسوز بار.
رەسەيدە 2020 جىلعا قاراي اراقتىڭ جارتى ءليترىنىڭ بولشەكتىك باعاسى ورتاشا العاندا 1000 رۋبلگە دەيىن قىمباتتاۋى مۇمكىن. مۇنداي بولجامدى ۇلتتىق الكوگول ساياساتى ورتالىعىنىڭ جەتەكشىسى پاۆەل شاپكين جاساپ وتىر. ونىڭ پىكىرىنشە, باعانىڭ وسىلايشا ءوسۋى ۇكىمەتتىڭ ىشىمدىك تۇتىنۋدى قىسقارتۋ تۋرالى مىندەتىمەن سايكەس كەلەدى.
ينتەرنەت ماتەريالدارى نەگىزىندە ازىرلەندى.
