«اتىراۋ قالاسىنداعى قاپىدا بولعان قايعىلى وقيعا بارشا قازاقستاندىقتاردىڭ كوڭىلىن قۇلازىتىپ كەتتى. ارىستاي ازامات شالقار كوشكىنباي ۇلىنىڭ وقىستان بولعان قازاسىن ءبارىمىز دە اۋىر كۇيزەلىسپەن قابىلدادىق. وسىعان بايلانىستى شالقار باۋىرىمىزدىڭ ارتىندا قالعان اناسى مەن اعايىن-تۋىستارىنا ورنى تولماس قايعىلارىنا ورتاقتاسىپ, كوڭىل ايتامىز», دەپ جازادى م.اشىمباەۆ.
سونىمەن قاتار پارتيا توراعاسىنىڭ ءبىرىنشى ورىنباسارى شالقارداي ۇل تاربيەلەپ وسىرگەنى ءۇشىن اقىمعاليەۆتەر اۋلەتىنە قۇرمەتىن ءبىلدىردى.
«شالقاردىڭ بۇل ەرلىگى ونىڭ انتىنا ادالدىعىن, ەڭ باستىسى, ادامگەرشىلىك قاسيەتىنىڭ جوعارى بولعانىن كورسەتەدى. قىزمەتىنە اسقان جاۋاپكەرشىلىكپەن قاراپ, وزگە ءۇشىن ءوز ءومىرىن قيۋعا دايىن بولعان شالقارداي ۇل تاربيەلەپ وسىرگەنى ءۇشىن اقىمعاليەۆتەر اۋلەتىنىڭ الدىندا باسىمىزدى يەمىز.
الداعى ۋاقىتتا شالقاردىڭ باتىل ارەكەتىن بارشا قازاقستاندىق جاس بۋىن ۇلگى تۇتىپ, ەلگە قىزمەت ەتۋگە تالپىنعان جاستاردىڭ قاتارى كوبەيەدى دەپ سەنەمىز. وسى رەتتە «Nur Otan» پارتياسىنىڭ شالقاردىڭ ەرلىگىن ەلگە دارىپتەپ, ونىڭ وتباسىنا كومەك قولىن سوزۋعا ءوز ۇلەسىن قوساتىنىن اتاپ وتكىم كەلەدى», دەلىنگەن فەيسبۋكتەگى جازبادا.
