ءار ءبىر كيىز ءۇيدىڭ الدىندا ۇلتتىق تاعامداردان مەرەكەلىك داستارحان جايىلىپ, كوپشىلىككە ۇسىنىلعان. كيىز ۇيلەر شاعىن اۋىل تۇرىندە قويىلعان. ءار كيىز ءۇيدىڭ وكىلدەرى قالا تۇرعىندارى مەن قوناقتارى ءۇشىن تەاترلاندىرىلعان قويىلىمدار كورسەتىلدى. ءاز-ناۋرىزدى اتاپ وتۋگە جاعالاۋعا ءجۇز مىڭعا جۋىق ادام جينالدى.
مەرەكەلىك شارا 500-دەن استام ادام قاتىسقان ء«از – ناۋرىز-تاتۋلىق مەرەكەسى!» اتتى تەاترلاندىرىلعان قويىلىمنان باستالدى. ماڭعىستاۋ ارتىستەرى ءوز قويىلىمدارىندا ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسىندا ايتىلعان قازاق دالاسىندا ءومىر سۇرگەن ەجەلگى كوشپەلى حالىقتاردىڭ جەتى قازىناسىن كورسەتتى. قويىلىم ءۇش اكتىدەن تۇراتىن ۇلى جىبەك جولى كەرۋەنى كورسەتىلدى. جاعالاۋدا ات, تۇيە, قازاقتىڭ تازى يتتەرى مەن بۇركىتتەرى ءجۇرىپ ءوتتى.
وبلىس اكىمى ەرالى توعجانوۆ بارلىق جينالعان قاۋىمدى ناۋرىز مەيرامىمەن قۇتتىقتادى. ايماق باسشىسى تۇڭعىش پرەزيدەنت نۇرسۇلتان نازارباەۆتىڭ تاپسىرماسى بويىنشا ماڭعىستاۋدا مۇگەدەكتەردى, جەتىم بالالاردى, كوپ بالالى از قامتىلعان وتباسىلاردى قولداۋعا باعىتتالعان «باقىتتى وتباسى» جوباسىن جۇزەگە اسىرۋ باستالعانىن اتاپ ءوتتى. ەرالى توعجانوۆ جاعدايى تومەن 10 وتباسىعا 100 مىڭ تەڭگە كولەمىندە ءبىر رەتتىك كومەك تابىس ەتتى.
«19 ناۋرىزدا بۇكىل الەم جۇرتشىلىعى اسا ماڭىزدى تاريحي وقيعانىڭ كۋاسى بولدى. قازاقستان رەسپۋبليكاسىنىڭ نەگىزىن قالاۋشى, ۇلت كوشباسشىسى, تاريحي تۇلعا, تۇڭعىش پرەزيدەنتى نازارباەۆ مەملەكەت باسشىسى وكىلەتتىگىن توقتاتتى. وسىناۋ ماڭىزدى شەشىم ەلباسىمىزدىڭ جاھاندىق دەڭگەيدە ۇلىلىعى مەن دانالىعىن كورسەتتى دەپ ويلايمىن. نۇرسۇلتان ءابىش ۇلى ەل تىزگىنىن قولعا قولعا العان ساتتەن باستاپ, كۇنى بۇگىنگە دەيىن مەملەكەتىمىزدىڭ وركەندەۋى مەن گۇلدەنۋى جولىندا ايانباي ەڭبەك ەتتى. ءبىز بارلىق جەتىستىگىمىزگە تۇڭعىش پرەزيدەنتىمىزدىڭ قاجىرلى ەڭبەگىنىڭ ارقاسىندا قول جەتكىزدىك», -دەپ اتاپ ءوتتى ەرالى توعجانوۆ.
سونداي-اق, "ناۋرىز – جاڭعىرۋ مەن جاڭارۋدىڭ, ەڭسەسى بيىك ەلدىكتىڭ, تاتۋلىق پەن بىرلىكتىڭ, ىرىس پەن مولشىلىقتىڭ بەلگىسى.ماڭعىستاۋدا ناۋرىز ايى قايىرىمدىلىق ايى بولىپ جاريالاندى. اقپان ايىنان باستاپ وڭىردە ءبىر قاتار قايىرىمدىلىق اكتسيالار ۇيىمداستىرىلدى. قالالار مەن اۋدانداردا جەرگىلىكتى كاسىپورىندار باسشىلارىنىڭ, كاسىپكەرلەردىڭ قولداۋىمەن 1842 مۇقتاجعا, سونىڭ ىشىندە كوپ بالالى وتباسىلارعا 32 ملن تەڭگە كولەمىندە كومەك كورسەتىلدى. سونىمەن قاتار, قازاقستان حالقى اسسامبلەياسى حالىقتىڭ الەۋمەتتىكوسالتوپتارىن قولداۋعا باعىتتالعان «قايىرىمدىلىق كەرۋەن» اكتسياسىنا باستاۋ الىپ, ول 2019 جىل بويى وتكىزىلەتىن بولادى», دەدى اكىم.
سونداي-اق, جاعالاۋدا قالانىڭ الەۋمەتتىك - ەكونوميكالىق دامۋىنا ەلەۋلى ۇلەس قوسقان قۇرمەتتى ازاماتتار مەن ەڭبەك ارداگەرلەرىنە قۇرمەت كورسەتىلدى جانە « ۇلىس كۇنى – ۇلىكوش» مادەنيەت مەكەمەلەرى ۇجىمدارىنىڭ شەرۋى جەرگىلىكتى قول ونەرشىلەردىڭ جارمەڭكەسى, «باۋىرساق» جارمەڭكەسى ۇيىمداستىرىلدى, سونداي-اق, قالا كاسىپكەرلەرى قوناقتاردى تاتتىلەر جارمەڭكەسىمەن قۋانتتى. قالا تۇرعىندارى مەن قوناقتارى«اسىق اتۋ», ارقانتارتۋ, ارمرەستلينگ, دارتس, شاحمات, قازاقشاكۇرەس, گىركوتەرۋ, توعىز قۇمالاق سياقتى ءارتۇرلى سپورت تۇرلەرىنەن جارىسقا قاتىستى. ءىس-شارا مەرەكەلىك باعدارلامامەن جانە وبلىستىڭ شىعارماشىلىق ۇجىمدارىنىڭ كونتسەرتىمەن جالعاستى. سونداي-اق, جاعاجايدا «جىر عۇمىر» اتتى انشىلەر-تەرمەشىلەردىڭ قالالىق بايقاۋى ءوتتى.
