«تاۋەلسىزدىكتىڭ 28-ءشى كوكتەمىندە ەلباسىمىز ءوز وكىلەتتىلىگىنەن باس تارتتى. تۇڭعىش پرەزيدەنتىمىزدىڭ توسىن شەشىمى قازاقستاندىقتار ءۇشىن كۇتپەگەن جاعداي بولعانى راس. وتكەن عاسىردىڭ توقسانىنشى جىلدارىنداعى قيىندىقتان ەلدى قۇتقارىپ, قوي ۇستىنە بوزتورعاي جۇمىرتقالاعان بۇگىنىمىزگە جەتكىزگەن ەلباسىنىڭ جاساعان ەڭبەگىنە قازاق حالقى عانا ەمەس, الەم جۇرتى دا جوعارى باعا بەردى.
تاۋەلسىزدىك جىلدارى ىشىندە ەلىمىز تالاي شىڭدى باعىندىرىپ, تالاي بەلەستەن ءوتتى. ەلىمىز ورتا ازيا مەن تمد-داعى كوشباسشى ەلگە اينالدى. ارقا توسىندە ساۋلەتى كەلىسكەن جاڭا استانامىز بوي كوتەردى. بۇنىڭ بارلىعى - تۇڭعىش پرەزيدەنتىمىزدىڭ ەڭبەگى. وعان ەشكىم تالاسپاسى انىق.
بيىلعى جىلدىڭ 20 ناۋرىزدا ەل پرەزيدەنتى قاسىم-جومارت توقاەۆ استانامىزعا تۇڭعىش پرەزيدەنت – ەلباسى نۇرسۇلتان نازارباەۆتىڭ ەسىمىن بەرۋ تۋرالى ۇسىنىس جاسادى. باتىس قازاقستان وبلىسىنىڭ «اقجايىق» فۋتبول كلۋبى بۇل ۇسىنىستى تولىعىمەن قولدايدى. ويتكەنى ەلباسى - قازاقستاندى قۇلدىراۋدان قۇتقارعان تۇلعا. سونداي-اق ەلىمىزدەگى تاتۋلىق پەن بىرلىك - تۇڭعىش پرەزيدەنتىمىزدىڭ ساليقالى ساياساتىنىڭ ارقاسى.
ەلىمىزدە سپورتتىڭ, سونىڭ ىشىندە فۋتبولدىڭ دامۋىنا دا ەلباسى سۇبەلى ۇلەس قوستى. ەلىمىزدە تالاي سپورتتىق نىساندار سالىنىپ, ءبىرازى جوندەلدى. سپورت ينفراقۇرىلىمى جاقسارىپ, سپورتشىلارىمىزدىڭ ناتيجەلەرى ءوستى. نۇرسۇلتان نازارباەۆ تاۋەلسىز قازاقستاننىڭ دامۋىنا وراسان زور ۇلەسىن قوستى. ونىڭ ىشىندە سپورت سالاسىنىڭ وركەندەۋىنە ۇلكەن قولداۋ جاساپ كەلدى. ەلباسى باسقارعان كەزەڭدە قازاقستاندىق سپورتشىلار ەڭ مارتەبەلى سپورتتىق دودالاردا جەڭىسكە جەتىپ, وزدەرىنىڭ جەڭىستەرىن تاۋەلسىز قازاقستان مەن نۇرسۇلتان ءابىش ۇلىنا ارناعانىنا كۋاگەر بولدىق. بۇل دەگەنىمىز - ەلباسىنىڭ سپورتقا ۇلكەن كوڭىل بولەتىنىنىڭ كورىنىسى.
مەملەكەتتى قۇرعان ادامنىڭ ەسىمىمەن قالانى اتاۋ تاجىريبەسى بار. ماسەلەن, ۆاشينگتون قالاسى بارشاعا ءمالىم. نۇرسۇلتان اتىنداعى قالانىڭ بولعانى تاۋەلسىزدىكتىڭ سيمۆولى ىسپەتتەس. تاۋەلسىز قازاقستان مەن نازارباەۆتىڭ اتى - سينونيمدەر! استاناعا نۇرسۇلتان نازارباەۆتىڭ ەسىمىن بەرۋ - ناقتى ءارى تالاس تۋدىرماس شەشىم جانە ەل-حالقىنىڭ ەلباسى ەڭبەگىنە بەرگەن باعاسى! «اقجايىق» فۋتبول كلۋبىنىڭ ۇجىمى» دەلىنگەن حابارلامادا.
