پروموۋتەرلىك ساۋدادا جەڭىسكە جەتكەن شۇمەنوۆتىڭ پروموۋتەرى دون كينگ وسى جەكپە-جەكتى قازاقستاندا وتكىزۋگە قۇلشىنىپ وتىر. ەگەر ءبىزدىڭ مەملەكەت تاراپىنان قولداۋ بولسا, بۇل باسەكە مامىر ايىندا وتەدى دەپ جوسپارلانۋدا. ەستەرىڭىزگە سالا كەتەيىك, ءوزىنىڭ سوڭعى جەكپە-جەگىن قانداسىمىز بىلتىرعى جىلدىڭ 7 شىلدەسىندە استانادا وتكىزىپ, گەرمانيادا تۇرىپ جاتقان تۇرىك بوكسشىسى حيزني التىنقايدى نوكاۋتقا جىبەرگەن.
1987 جىلى ارمەنيادا تۋىپ-وسكەن ارسەن گۋلاميريان كەيىننەن فرانتسيانىڭ ازاماتتىعىن الدى. 2011 جىلدان بەرى كاسىپقوي رينگتە كۇش سىناسىپ جۇرگە ول سول ارالىقتا 24 كەزدەسۋ وتكىزىپ, بارلىعىندا جەڭىسكە جەتتى. 16 باسەكەنى مەرزىمىنەن بۇرىن اياقتادى. سوڭعى ايقاسىن بىلتىرعى جىلدىڭ 20 قازاندا اۆستراليالىق مارك فلەناگەندى توعىزىنشى راۋندتا ەسىنەن تاندىردى.
35 جاستاعى شىمكەنت قالاسىنىڭ تۋماسى بەيبىت شۇمەنوۆ 2007 جىلدان بەرى كاسىپقويلار اراسىندا جۇدىرىقتاسىپ ءجۇر. سول ارالىقتا 20 كەزدەسۋ وتكىزىپ, 18 رەت جەڭىس تويىن تويلادى. 12 قارسىلاسىن ەسىنەن تاندىردى.
عالىم سۇلەيمەن,
«Egemen Qazaqstan»
