ايماقتار • 22 ناۋرىز، 2019

اتىراۋدا ناۋرىز مەرەكەسىن تويلاۋ كەزىندە الەمدىك رەكورد ورناتىلدى

860 رەتكورسەتىلدى

قازاقستاندىق بالۋان سەرگەي تسيريۋلنيكوۆ 57 سەكۋندتا 32 بلوكنوتتى جىرتتى.

اتىراۋدا ناۋرىز مەيرامىنا ارنالعان شارالار جالعاسۋدا. بەس مىڭعا جۋىق كورەرمەن سۇلتان بەيبارىس الاڭىنداعى مۋزىكالىق-تەاترلاندىرىلعان قويىلىمدى تاماشالادى.

اتىراۋ وبلىسىنىڭ اكىمى نۇرلان نوعاەۆ قۇتتىقتاۋ ءسوزىن وتكەن تۇندە قازا تاپقان پوليتسيا سەرجانتى شالقار اقىمبەكوۆتى ەسكە الۋمەن باستادى.

-پوليتسيا قىزمەتكەرىنىڭ وتباسى ءۇشىن بۇل ورنى تولماس قازا. قايتىس بولعان جىگىتتىڭ اناسى جاقىندا وتاعاسىنان ايىرىلدى، كەشە سۇيىكتى ۇلى اجال قۇشتى. وكىنىشكە قاراي، الدىمىزدا نە كۇتىپ تۇرعانىن بىلمەيمىز، سوندىقتان ءبىر-ءبىرىمىزدى باعالايىق. ناۋرىزدا رەنجىسكەن ادامدار تاتۋلاسىپ، جاقسىلىق تىلەگەن. بارشاڭىزعا دەنساۋلىق، ءوزارا تۇسىنىستىك پەن وتباسى جىلۋىن، بەرەكەسىن تىلەيمىن،-دەگەن ايماق باسشىسى جينالعاندارعا پوليتسەيدى ءبىر مينۋت ۇنسىزدىكپەن ەسكە الۋدى ۇسىندى.

سونىمەن قاتار، وبلىس اكىمى اتاپ وتكەنىندەي، ەلباسى ءوزىنىڭ وكىلەتتىگىن توقتاتۋ جونىندەگى جاۋاپتى شەشىمدى وسى ناۋرىز مەرەكەسى قارساڭىندا قابىلدادى.

تاۋەلسىزدىك جىلدارى نۇرسۇلتان ءابىش ۇلى مەملەكەتىمىزدىڭ حالىقارالىق ارەناداعى بەدەلىن ارتتىردى، قوعامداعى تۇراقتىلىق پەن بىرلىكتى نىعايتتى، رەسپۋبليكانىڭ قالىپتاسۋىنداعى ونىڭ ءرولى ولشەۋسىز، - دەدى نۇرلان نوعاەۆ.- الەمدىك قاۋىمداستىق ءۇشىن ەلىمىز ارۋاقىت قازاقستاننىڭ ءبىرىنشى پرەزيدەنتىنىڭ جەتىستىكتەرىمەن ەگىز اتالا بەرەدى.

مەرەكەنىڭ قۇرمەتتى قوناعى – قازاقستاندىق بالۋان سەرگەي تسيريۋلنيكوۆ الەمدىك رەكورد ورناتىپ، 57 سەكۋندتا 32 بلوكنوت جىرتتى.

ناۋرىز مەرەكەسىنە ارنالعان شارالار كەشكە دەيىن جالعاسادى. ن.ءجانتورين اتىنداعى وبلىستىق فيلارمونيا وركەسترىنىڭ كونتسەرتى، ەڭ ادەمى كيىز ءۇي بايقاۋى، ۇلتتىق سپورت تۇرلەرىنەن جارىستار وتەدى.

ايتا كەتەيىك، سۇلتان بەيبارىس الاڭىندا وڭىردەگى مەكەمەلەر مەن كومپانيالار 22 اعاش ءۇي تىككەن. قالا بويىنشا 45 كيىز ءۇي تىگىلدى. 21 ناۋرىزدا قالا ماڭىنداعى ەلدىمەكەندەرگە مادەني-كوپشىلىك شارالار ۇيىمداستىرىلدى. بۇگىن، 22 ناۋرىزدا مەرەكە 12 الاڭدا ءوتىپ جاتىر.

ساعات 20.00-دە سۇلتان بەيبارىس الاڭىندا جەرگىلىكتى جانە قازاقستاندىق ەسترادا جۇلدىزدارىنىڭ قاتىسۋىمەن گالا-كونتسەرت بولادى. 23.00-دە اتىراۋلىقتار مەرەكەلىك وتشاشۋدى تاماشالايدى.

باقىتگۇل باباش،

«Egemen Qazaqstan».

اتىراۋ

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار