كەنتاۋلىق جۇمىسشىلاردىڭ پىكىرىنشە, ۇلت كوشباسشىسى نۇرسۇلتان نازارباەۆ پرەزيدەنتتىك وكىلەتتىلىگىن توقتاتۋ جونىندە تاريحي شەشىم قابىلدادى. تاۋەلسىزدىگىمىزدىڭ ىرگەتاسىن قالاپ, قارىشتاپ دامۋ جولىنا تۇسكەن قۋاتتى ەلگە اينالدىرعان ەلباسىمىزدىڭ بۇل قادامى دا دانالىق شەشىم دەپ سانايدى. «نۇرسۇلتان ءابىش ۇلى وسى شەشىمى ارقىلى دەموكراتيالىق قۇندىلىقتاردى جوعارى قوياتىنىن كورسەتتى. ۇلت كوشباسشىسى جاستارعا سەنىم ارتاتىنىن ايتتى. «جاس قازاقستاندىقتارعا ايتارىم: تاۋەلسىز قازاقستانىمىزدى, ورتاق وتانىمىزدى, ماڭگىلىك ەلىمىزدى ساقتاي بىلىڭىزدەر. بۇل - ءبىزدىڭ حالقىمىز, ءبىزدىڭ ۇلى بابالارىمىزدىڭ جەرى. وتانىمىز دا, جەرىمىز دە ءبىر», - دەيدى ترانسفورماتور زاۋىتىنىڭ جۇمىسشىلارى.
ايتا كەتەيىك, بۇگىندە «كەنتاۋ ترانسفورماتور زاۋىتى» اق-نىڭ ۇجىمىندا 1300 ادام جۇمىس ىستەيدى. ولاردىڭ اراسىندا وتانشىل ءارى جالىندى جاس ماماندار بار. ەلباسى جۇرگىزگەن ساياساتتىڭ ارقاسىندا بۇل كاسىپورىنعا مەملەكەت تاراپىنان ءتۇرلى قولداۋلار كورسەتىلدى. ناتيجەسىندە زاۋىت وندىرگەن ءونىمدى تەك قازاقستان ەمەس, شەتەل نارىعىنا دا شىعارۋعا مۇمكىندىك تۋدى. سوندىقتان اتالعان ۇجىم نۇرسۇلتان ءابىش ۇلىنا شەكسىز العىسىن ايتادى. ء«وز جولداۋلارىندا, «نۇر وتان» پارتياسىنىڭ سەزدەرىندە كاسىپكەرلىككە, وتاندىق كاسىپورىندارعا قولداۋىن اياماعان ۇلت كوشباسشىسى الداعى ۋاقىتتا دا قازاقستاننىڭ وركەندەۋىنە ۇلەس قوسا بەرەدى دەپ سەنەمىز»,-دەيدى «كەنتاۋ ترانسفورماتور زاۋىتى» اق-نىڭ ۇجىمى.
