«رەسپۋبليكالىق بيۋدجەت تۇسىمدەرىنىڭ ناقتىلانعان بولجامى 821 ملرد تەڭگەگە ۇلعايۋىمەن 10 ترلن 569 ملرد تەڭگەنى قۇرايدى. بۇل تۇسىمدەر كەدەندىك اكىمشىلەندىرۋدى كۇشەيتۋ ناتيجەسىندەگى 200 ملرد تەڭگە كولەمىندەگى قوسىمشا كىرىستەر, ۇلتتىق قوردان كەپىلدەندىرىلگەن ترانسفەرتتى 250 ملرد تەڭگەگە ۇلعايتۋ, تىكەلەي ينۆەستيتسيالار قورىن قۇرۋعا ۇلتتىق قوردان 370 ملرد تەڭگە سوماسىندا نىسانالى ترانسفەرت تارتۋ ناتيجەسىندە قامتاماسىز ەتىلەدى», –قارجى ءمينيسترى ءاليحان سمايىلوۆ.
ء مينيستردىڭ ايتۋىنشا, 2019 جىلى رەسپۋبليكالىق بيۋدجەتتىڭ شىعىستارى 1 ترلن 168 ملرد تەڭگەگە ۇلعايا وتىرىپ, ناقتىلاۋدىڭ ناتيجەسىندە 11 ترلن 895 ملرد تەڭگەنى قۇرايدى. بيۋدجەتتى ناقتىلاۋدىڭ نەگىزگى باعىتى «الەۋمەتتىك قامقورلىق» جاڭا الەۋمەتتىك شارالاردى ىسكە اسىرۋعا ارنالىپتى. اتقارىلۋى ءتيىس ءىس-شارالار بويىنشا 444,3 ملرد تەڭگە بولىنەدى.
« قاراجات اتاۋلى الەۋمەتتىك كومەك تولەمدەرىن ۇلعايتۋعا, مۇگەدەك بالانى تاربيەلەپ وتىرعان اتا-انالارعا, قامقورشىلارعا جاردەماقى, سونداي-اق بالا كۇنىنەن ءبىرىنشى توپتاعى مۇگەدەككە كۇتىم جاساۋ جونىندەگى جاردەماقىلار مولشەرىن ۇلعايتۋعا جانە بيۋدجەت سالاسىنىڭ اقىسى تومەن قىزمەتكەرلەرىنىڭ جالاقىسىن ارتتىرۋعا باعىتتالاتىن بولادى», – دەپ ناقتىلادى پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى. قارجى جاعىنان قامتاماسىز ەتىلۋى ناقتىلانعان بيۋدجەت جوباسىندا كورىنىس تاپقان ءىس-شارالاردىڭ تاعى ماڭىزدى بلوگى – «جاستار جىلى». بۇل باعىت بويىنشا رەسپۋبليكالىق بيۋدجەتتەن قوسىمشا 24,6 ملرد تەڭگە بولىنەتىن بولادى. ودان كەيىنگى ماڭىزدى باعىت – «قازاقستان ينۆەستيتسيالىق دامۋ قورى» تىكەلەي ينۆەستيتسيالار قورىن قۇرۋ. «قور شيكىزاتتىق ەمەس سەكتوردا شەتەلدىك ينۆەستورلارمەن بىرلەسىپ ينۆەستيتسيالاۋ نەگىزىندە ءىرى سەرپىندى جوبالاردى ىسكە اسىرۋ ءۇشىن قۇرىلادى», – دەدى ءاليحان سمايىلوۆ.
بيۋدجەتتى ناقتىلاۋ اياسىندا بۇرىن ايتىلعان باستامالاردى ىسكە اسىرۋ جالعاستىرىلاتىن بولادى. تۇركىستان وبلىسى مەن استانا قالاسىن دامىتۋدىڭ كەشەندى جوسپارلارىن ىسكە اسىرۋعا قوسىمشا تۇردە تيىسىنشە 42,3 ملرد تەڭگە جانە 21,8 ملرد تەڭگە باعىتتاۋ ۇسىنىلادى. وڭىرلىك ينفراقۇرىلىمدى دامىتۋعا تۇركىستان وبلىسىنىڭ نىسانالى ترانسفەرتتەرىنىڭ جالپى كولەمى 60 ملرد تەڭگە, استانا قالاسىنا 140 ملرد تەڭگەنى قۇرادى. «بيىل وڭىرلەرگە نىسانالى ترانسفەرتتەردىڭ جالپى كولەمى 1 ترلن 562,7 ملرد تەڭگەنى نەمەسە شىعىستاردىڭ جالپى كولەمىنىڭ 13,1 پايىزىن, ال سۋبۆەنتسيالاردى ەسەپكە العاندا 26,5 پايىزدى قۇرايدى», – دەدى مينيستر.
گۇلبارشىن ساباەۆا,
«ەqemen Qazaqstan»
الماتى
