مەتاللۋرگتار مەن شاحتەرلار, ەنەرگەتيكتەر مەن ماشيناجاساۋشىلار ءبىر اۋىزدان ء«بىز ۇلت ليدەرىنىڭ يگى باستامالارىن جالعاستىرامىز» دەدى. «قازاقستان ەلەكتروليز زاۋىتى» اق ۆيتسە-پرەزيدەنتى باۋىرجان سمايىلوۆ تۇڭعىش پرەزيدەنتتىڭ لاۋازىمىنان كەتەتىنى جايلى حاباردى ەستىگەندە اۋىر كۇرسىنگەنىن ايتتى. «نۇرسۇلتان نازارباەۆ تا ءبىز سەكىلدى مەتاللۋرگ. ول ءبىزدىڭ جۇمىسىمىزدىڭ قانشالىقتى اۋىر ەكەنىن جاقسى بىلەدى ءارى ۇنەمى جۇمىسشى اتاۋلىنى قولداپ كەلدى. ەلباسى ءبىزدىڭ زاۋىتتىڭ اشىلۋىنا قاتىستى, ءبىزدىڭ وعان دەگەن قۇرمەتىمىز شەكسىز. لاۋازىمىنان كەتەردە ول ەلىمىز تۇرعىندارىنان قازاقستاندى ودان ءارى جاقسارتۋدى سۇرادى. ءبىز بۇعان ءازىرمىز. ەڭبەگىمىزبەن, وتانسۇيگىشتىگىمىزبەن ەلباسىنىڭ تاپسىرماسىن مىندەتتى تۇردە ورىندايمىز», - دەيدى باۋىرجان سمايىلوۆ.
جاستار دا قاراپ قالعان جوق. سولاردىڭ بەلسەندىلىگىمەن پاۆلودار الاڭىندا الىپ «ەلباسى» جازۋى پايدا بولدى. جۇزدەگەن جاس جۇمىسشىلار بۇكىل قازاقستاندىقتارعا تۋىسىنداي بولعان ءسوزدى قۇرادى. «ەلباسى قاشاندا قازاقستان جاستارىن قولداپ كەلدى, ولاردىڭ اسا ماڭىزدى ءارى جاۋاپتى جوبالاردى ىسكە اسىرۋىنا سەنىم ءبىلدىردى. ءبىز وعان العىس ايتامىز. ول بولاشاق جاستار قولىندا ەكەنىن جاقسى تۇسىنەدى, سوندىقتان ەلدە جاستاردىڭ دامۋىنا بارىنشا جاعداي جاساپ كەلدى. بۇگىندە ءاربىرىمىز كاسىپكەرلىكپەن, قوعامدىق جۇمىستارمەن, سپورتپەن اينالىسا الامىز», - دەيدى جاستار باستامالارىن دامىتۋ ورتالىعىنىڭ ديرەكتورى تولەگەن ايتباەۆ.
ەلباسىن قولداعان فلەشموبتان كەيىن پاۆلودار جاستارى تاعى ءبىر اكتسيانى ويلاستىردى. كەشە ءماسليحات شەشىمىمەن قالا كوشەلەرىنىڭ بىرىنە نۇرسۇلتان نازارباەۆتىڭ ەسىمى بەرىلگەن بولاتىن. جىگىت-قىزدار كوممۋنالدىق قىزمەتتەرگە تۇڭعىش پرەزيدەنتتىڭ ەسىمى جازىلعان تاقتالاردى ۇيلەرگە ءىلىپ شىعۋىنا كومەكتەسۋگە بەل بۋعان.
