ولار ءوڭىر ەكونوميكاسىنىڭ قارىشتاپ دامىپ, جاڭا كاسىپورىنداردىڭ ىسكە قوسىلۋىندا ەلباسىنىڭ اتقارعان ەڭبەگى ولشەۋسىز ەكەندىگىن ايتادى. ن.نازارباەۆتىڭ ستراتەگيالىق جوسپارىنىڭ ارقاسىندا وبلىستا جاڭا اۆتوموبيل, تەمىرجولدار مەن تەڭىز پورتتارى سالىنىپ, ەۋروپاعا تىكەلەي جول اشىلدى. مىڭداعان جاڭا جۇمىس ورىندارى قۇرىلدى.
ەلباسىنا العىستارىن جەتكىزگەندەردىڭ قاتارىندا مۇنايشىلار, قۇرىلىسشىلار, تەمىرجولشىلار, كاسىپكەرلەر مەن زاۋىت جۇمىسشىلارى بار. «وزەنمۇنايگاز», «ماڭعىستاۋمۇنايگاز», «قاراجامباسمۇناي», «قاراقۇدىقمۇناي», «بوزاشى وپەرەيتينگ لتد» سىندى ءىرى مۇنايگاز كومپانيالارىنىڭ 20 مىڭداي ەڭبەككەرى ەلورداعا ەلباسىنىڭ ەسىمىن بەرۋدى قۇپتايتىندارىن جەتكىزدى. «اليانس لتد», «وڭداسىن ستروي, «اقجول قۇرىلىس», «اس قۇرىلىس», «ماكس كم», «اقتاۋ ستروي», «كەزبي», «كاسپي تسەمەنت», «قاز ازوت», «اقتاۋ نش», «ايكوم», «سمك» قۇرىلىس مەكەمەلەرى مەن ءوندىرىس وشاقتارىنىڭ ۇجىمى دا ەلىمىز ءۇشىن ماڭىزى زور تاريحي شەشىمدى قولداپ وتىر.
«ماڭعىستاۋ قۇرىلىس سالاسىندا 2018 جىلى رەكوردتىق كورسەتكىشكە قول جەتكىزىپ, 1 ميلليون 200 مىڭ شارشى مەتر تۇرعىن ءۇي بوي كوتەردى. بۇل ەلباسىنىڭ باستاماسىمەن ىسكە اسىرىلعان «نۇرلى جەر» مەن «نۇرلى جول» باعدارلاماسىنىڭ جەمىسى»,-دەيدى قۇرىلىسشىلار. ال, بيزنەس وكىلدەرى كيەلى ماڭعىستاۋ وڭىرىندەگى ورتا جانە شاعىن كاسىپكەرلىكتىڭ وركەندەۋى مەملەكەت تاراپىنان جاسالعان قولداۋ شارالارىنىڭ ناتيجەسىمەن بايلانىستى ەكەنىن ايتادى. «اتامەكەن» ۇكپ ماڭعىستاۋ وبلىسىنداعى فيليالىنىڭ 7 مىڭ وكىلى دە استانامىزدىڭ «نۇر-سۇلتان» بولىپ وزگەرۋىن وڭ شەشىم دەپ باعالاپ وتىر. «قازاقستان تەمىر جولى» ۇك ايماقتاعى 5 مىڭعا جۋىق قىزمەتكەرى دە تۇڭعىش پرەزيدەنتتىڭ ەرەن ەڭبەگىنە العىستارىن جەتكىزدى.
