«بۇل كۇنى رەنجىسكەن ادامدار تابىسىپ, ءبىر داستارحاننان ءدام تاتىپ, ءبىر-بىرىنە ىرىس-نەسىبە تىلەگەن. ءبىز ءۇشىن ناۋرىز مەيرامى - وتكەندى سارالاپ باعامدايتىن, بولاشاعىمىزعا باستاۋ الاتىن ەرەكشە كەزەڭ. سونىڭ بىردەن-ءبىر دالەلى – كەشەگى ەلوردادا وتكەن تاريحي ءسات. تاۋەلسىز ەلىمىزدىڭ نەگىزىن قالاۋشى, تۇڭعىش پرەزيدەنت, ەلباسى نۇرسۇلتان ءابىش ۇلى نازارباەۆ ءوز وكىلەتتىگىن توقتاتۋ تۋرالى شەشىم قابىلدادى. بۇل ءسات ءبىزدىڭ تاۋەلسىز ەلىمىزدىڭ, حالقىمىزدىڭ دۇنيەدەگى جوعارى ابىرويىن تاعى دا بيىككە كوتەردى, ەلدىڭ بىرلىگى مەن ىنتىماعىنىڭ دالەلى, ساياسي تۇراقتىلىق پەن مادەنيەتتىڭ ۇلگىسى بولدى دەۋگە ابدەن بولادى. وسى مۇمكىندىكتى پايدالانا وتىرا ەلباسىنىڭ سوزىمەن «الاشتىڭ اناسى» اتاعان سىر حالقىنىڭ اتىنان نۇرسۇلتان ءابىش ۇلى نازارباەۆقا مىڭ دا ءبىر راحمەت ايتىپ, ۇزاق عۇمىر, جاسامپاز ەڭبەگىنىڭ جەمىسىن كورە بەرىڭىز دەگەن جۇرەكجاردى تىلەگىمىزدى ايتۋعا رۇقسات ەتىڭىزدەر! جاڭا پرەزيدەنتىمىز قاسىم-جومارت كەمەل ۇلى توقاەۆقا ءوزىنىڭ ۇستازى – ەلباسىنىڭ سارابدال ساياساتىن پارمەندى جالعاستىرۋدا قازاقستاندىقتارمەن بىرگە جاڭا جەتىستىكتەرگە جەتۋىنە تىلەكتەپسىز» دەدى ول.
قىرىمبەك كوشەرباەۆ ەلباسى سىندارلى ساياساتىنىڭ ارقاسىندا وبلىستىڭ رەسپۋبليكادا بىرقاتار ماڭىزدى كورسەتكىشتەر بويىنشا, سونىڭ ىشىندە ينۆەستيتسيا تارتۋ, وڭدەۋ ونەركاسىبىن دامىتۋ جانە كاسىپكەرلىكتى قولداۋدا كوشباسشى بولىپ كەلە جاتقانىن اتاپ ءوتتى.
باقتيار تايجان,
«Egemen Qazaqstan»
قىزىلوردا وبلىسى
