ناۋرىز مەرەكەسىن تويلاۋ تۇڭعىش پرەزيدەنت ساياباعىنان باستاۋ الادى. وسى جەردە “قوش كەلدىڭ, مەرەيلىك ناۋرىز” اتتى اۋقىمدى باعدارلاما ۇيىمداستىرىلدى. جيىندا وبلىس اكىمىنىڭ ورىنباسارى ماديار قوجاحمەت بىرلىگى مەن دوستىعى جاراسقان ءوڭىر جۇرتشىلىعىن شىعىس حالىقتانىنىڭ جاڭا جىلىمەن قۇتتىقتاپ, ورتاق قۋانىشقا رەسەيدىڭ ومبى, قورعان, تۇمەن وبلىستارىنانا ارنايى دەلەگاتسيالار ورتاقتاسىپ وتىرعانىن جەتكىزدى. ەلىمىزگە تىنىشتىق, قازاقستاندىقتارعا بەرەكە تىلەدى.
تەاترلاندىرىلعان قويىلىم ءان شاشۋعا ۇلاستى. ءبىر جەردە بالۋاندار بەلدەسىپ جاتسا, ەندى ءبىر جەردە اسىق اتۋدان, قوي كوتەرۋدەن, جىلىك سىندىرۋدان سايىس قىزىپ سالا بەردى. ەلباسىنىڭ ۇلى دالانىڭ جەتى قىرى ماقالاسىنا ورايلاستىرىلا قۇرىلعان 7 كيىز ءۇي ساناۋلان تاقىرىپتىق مازمۇندىلىعىمەن كەلۋشىلەردىڭ نازارىن اۋداردى.“قازاقستان – الما مەن قىزعالداقتىڭ وتانى” اتتى كورمە, مەتاللۋرگيانى, اتقا ءمىنۋ مادەنيەتىن سۋرەتتەيتىن دەرەكتەر ۇسىنىلدى. «شەبەرلەر اۋىلى» اتتى فەستيۆالدا قولونەر شەبەرلەرىنىڭ قولمەن جاساعان دۇنيەلەرى تاماشالاندى. تەمىرتاۋدان ارنايى كەلگەن ىسمەرلەر ءوز تاجىريبەلەرىمەن ءبولىستى.
بەلگىلى ءانشى نۇرلان ءابدۋليننىڭ قاتىسۋىمەن كونتسەرت قويىلىپ, قىزعالداقتار فەستيۆالى اياسىندا “بوگاتىرسكي پرودۋكت” سەرىكتەستىگى تۇرعىندارعا 10 مىڭ دانا لوتەرەيالىق گۇلدەر بويىنشا جالپى قۇنى 500 مىڭ تەڭگە بولاتىن سىيلىقتار ويناتتى.
وسى كۇنى 3 توننا پالاۋ, 700 كيلو باۋىرساق, 300 ليتر قىمىز ازىرلەنىپ, از قامتىلعانا, تۇرمىسى تومەن وتباسىلارعا تەگىن ۇلەستىرىلدى.
ناۋرىز مەرەكەسىن كوپقاباتتى ۇيلەردىڭ اۋلالارىندا اتاپ ءوتۋ ءداستۇرى بيىل دا جالعاسىپ, 300-دەي نىساندى قامتىدى.
ۇلىستىڭ ۇلى كۇنى اۋىلدىق جەرلەردە دە كەڭىنەن اتاپ ءوتىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
