«كوكشەتاۋ مينەرال سۋلارى» اق وبلىسىمىزداعى ءىرى ءوندىرىس وشاقتارىنىڭ قاتارىنا كىرەدى ءارى ساپالى الكوگولدى جانە الكوگولسىز ونىمدەردى ءوندىرۋ كولەمى جاعىنان قازاقستان نارىعىنىڭ ليدەرلەرىنىڭ ءبىرى. ءارى 1991 جىلى سالىنعان كاسىپورىن تاۋەلسىزدىكتىڭ قۇرداسى.
وتكەن ونجىلدىقتا تۇڭعىش پرەزيدەنتتىڭ باسشىلىعىندا ەلىمىز اسا وتكىر الەۋمەتتىك ماسەلەلەردى ءساتتى شەشىپ, ەكونوميكانىڭ قۇلدىراۋىن توقتاتتى, بارلىق باعىتتاردا سەرپىندى دامىپ كەلەدى. وسى جەتىستىكتەر قازاقستاننىڭ پوستكەڭەستىك كەڭىستىكتىڭ داۋسىز ليدەرى بولىپ, ەلىمىز تۇرعىندارىنىڭ ءال-اۋقاتىن ايتارلىقتاي ارتتىرۋعا مۇمكىندىك بەردى. بۇگىندە دامىعان كاسىپكەرلىك سەكتورى مەن جايلى ىسكەرلىك رەجيمى بار باسەكەگە ءتوزىمدى ەكونوميكا مودەلى قالىپتاستى. تۇڭعىش پرەزيدەنتتىڭ ارقاسىندا بىرگە تاۋەلسىزدىك جىلدارى كاسىپورىن تمد سۋسىن يندۋسترياسىنىڭ ليدەرىنە اينالدى. نۇرسۇلتان ءابىش ۇلى ەڭبەك ەتۋگە جانە ءومىر سۇرۋگە جايلى تاماشا مەملەكەت قۇرعانىن ماقتان ەتەمىز.
بۇگىنگى تاڭدا «كوكشەتاۋ مينەرال سۋلارى» اق - جالپى كوپشىلىك مويىنداعان برەند. وسىنىڭ بارىنە زاڭدى تۇردە ۇلت ليدەرى اتانعان مەملەكەت قايراتكەرىنىڭ دانالىعى مەن تاجىريبەسىنىڭ ارقاسىندا قول جەتتى. جۇرەگىمىزدە ن.ءا. نازارباەۆ تۇڭعىش پرەزيدەنت - ۇلت ليدەرى, زاماناۋي قازاقستاننىڭ نەگىزىن قالاۋشى بولىپ قالا بەرەدى. بۇگىنگى تاڭداعى باستى مىندەت تاۋەلسىز قازاقستاننىڭ جەتىستىكتەرىن ساقتاپ, مولايتۋ, جاڭعىرتۋدىڭ داڭعىل جولىنا ءتۇسۋ, ەلىمىزدىڭ قۇبىلمالى الەمدەگى لايىقتى ورنىن جىلدام تابۋ بولىپ وتىر», - دەلىنگەن ۇندەۋدە.
