ايماقتار • 21 ناۋرىز، 2019

اۋليەاتاداعى اسەرلى مەرەكە

906 رەتكورسەتىلدى

جامبىل ءوڭىرىنىڭ تۇرعىندارى بيىل ەكىنشى جىل ناۋرىز مەيرامىن 9 كۇن بويى اتاپ وتۋدە. 14-22 ارالىعىنداعى ءار كۇنگە ءتۇرلى اتاۋ بەرىلىپ، سوعان سايكەس ءتۇرلى شارالار ۇيىمداستىرىلىپ كەلەدى.

بۇگىن دە اۋليەاتا حالقى ۇلىستىڭ ۇلى كۇنىن ەرەكشە سالتاناتپەن قارسى الۋدا.
  21 ناۋرىز «بەرەكە كۇنى» رەتىندە اتالىپ، كونە تاراز شاھارىندا «قوش كەلدىڭ، ءاز-ناۋرىز» مەرەكەلىك شاراسى ۇيىمداستىرىلدى. ايتۋلى شارا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسىنداعى «تۇركى الەمىنىڭ بەسىگى» ءبولىمىن ايشىقتايتىن تەاترلاندىرىلعان كورىنىسپەن اشىلدى. ۇلىستىڭ ۇلى كۇنىندە 700-گە تارتا ونەرپازدىڭ قاتىسۋىمەن «كوكتەم» حورەوگرافيالىق كومپوزيتسياسى جانە دومبىراشى، قوبىزشى جانە داۋىلپازشىلاردىڭ قاتىسۋىمەن ولاردىڭ كۇي ورىنداۋ شەبەرلىكتەرىن كورسەتەتىن كومپوزيتسيالار كوپشىلىك نازارىنا ۇسىنىلدى. 
  سونىمەن قاتار، جامبىلدىق جۇرتشىلىق باعدات سامەدينوۆا، ءادىل مەن دانا، اليشەر كاريموۆ، ءابدىجاپپار القوجا جانە كەنەن ازىرباەۆ اتىنداعى جامبىل وبلىستىق فيلارمونياسى انشىلەرىنىڭ كونتسەرتىن تاماشالادى. مەرەكە كۇنى تاراز قالاسىنداعى ى.سۇلەيمەنوۆ، اباي داڭعىلى، تولە بي جانە جەلتوقسان كوشەلەرىنىڭ قيىلىستارىن قامتيتىن اۋماق قازاق اۋىلىنا اينالىپ كەتكەندەي ەدى. اباي داڭعىلىنىڭ بويىنا توعىز كيىز ءۇي تىگىلىپ، مۇندا وڭىردەگى كوپبالالى جانە از قامتىلعان وتباسىلار جانە مۇمكىندىگى شەكتەۋلى ازاماتتارعا ارنالىپ داستارحان جايىلدى. سونىمەن قاتار، ى.سۇلەيمەنوۆ كوشەسىنىڭ بويىنا دا شاتىرلار ورناتىلىپ، اشىق اسپان استىندا داستارحان جايىلدى. بۇگىنگى «بەرەكە كۇنى» 5 مىڭعا تارتا ادامعا ناۋرىز كوجە تاراتىلدى. وسى مەزەتتە جۋىردا عانا كۇردەلى جوندەۋدەن ءوتىپ، پايدالانۋعا بەرىلگەن قايرات رىسقۇلبەكوۆ اتىنداعى ساياباقتا ۇلتتىق سپورت ويىندارىنان جارىس، التىباقان ۇيىمداستىرىلدى.

حاميت ەسامان، 
«Egemen Qazagstan»

جامبىل وبلىسى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار