اتالعان ساياباقتا « ۇلى دالا ۇلاندارى» ستەللاسى, ء«بىلىم» الاڭى, «Jastar» قابىلەت ورتالىعى, «كىتاپ» ەسكەرتكىشى جانە «ساحنا» الاڭشاسى بار. اتالعان جوبالار وبلىس اكىمىنىڭ تاپسىرماسىمەن قىسقا مەرزىم ىشىندە پايدالانۋعا بەرىلىپ وتىر. اللەيا اۋماعى رەتكە كەلتىرىلىپ, قازىرگى كەزدە قالا تۇرعىندارى مەن جاستاردىڭ سەرۋەندەيتىن ورتالىعىنا اينالدى. سونىمەن قاتار, مۇندا «Wi-fi» جەلىسىمەن قامتاماسىز ەتىلگەن زاماناۋي ورىندىقتار قويىلعان.
جاڭا اشىلعان «جاستار» اللەياسىنداعى «ماحاببات» بۇرىشى دا كوپشىلىكتىڭ قىزىعۋشىلىعىن تۋدىردى. بۇل جەرگە ءوزارا ايقاسىپ تۇرعان قوس نەكە ساقيناسى بەدەرلەنگەن ءتورت زاماناۋي سۋبۇرقاقتار ورناتىلىپ, ونىڭ ورتاسىنا اققۋ قۇسى بەينەلەنگەن كومپوزيتسيا قويىلعان. اللەيانىڭ ۇزىندىعى 840 مەتر بولسا, جالپى اۋماعى 6 گەكتار. ال اللەياعا قويىلعان LED ەكران ساياباقتىڭ كوركىن ارتتىرىپ تۇر. بۇدان بىلاي جاڭا ورتالىقتا ءتۇرلى مادەني شارالار ۇيىمداستىرىلىپ تۇرادى.
حاميت ەسامان,
«Egemen Qazagstan»
جامبىل وبلىسى
