يرانعا ۋلتيماتۋم قويمايدى
سارسەنبى, 12 قىركۇيەك 2012 7:37
اقش-تىڭ مەملەكەتتىك حاتشىسى حيللاري كلينتون ءوز ەلىنىڭ يرانعاەشقانداي ۋلتيماتۋم قويمايتىنىن جاريا ەتتى. اقش ديپلوماتياسىنىڭباسشىسى يرانعا «قىزىل سىزىق» ورناتۋ تۋرالى تالاپ قويعان يزرايلپرەمەر-ءمينيسترى بينيامين نەتانياحۋدىڭ مالىمدەمەسىنە وسىلايشاجاۋاپ بەردى.
سارسەنبى, 12 قىركۇيەك 2012 7:37
اقش-تىڭ مەملەكەتتىك حاتشىسى حيللاري كلينتون ءوز ەلىنىڭ يرانعاەشقانداي ۋلتيماتۋم قويمايتىنىن جاريا ەتتى. اقش ديپلوماتياسىنىڭباسشىسى يرانعا «قىزىل سىزىق» ورناتۋ تۋرالى تالاپ قويعان يزرايلپرەمەر-ءمينيسترى بينيامين نەتانياحۋدىڭ مالىمدەمەسىنە وسىلايشاجاۋاپ بەردى.
«قىزىل سىزىق» ورناتۋ دەگەن ءسوز تەھرانعا قاتىستى سوعىس اشۋ دەگەندى بىلدىرەدى. «ءبىز ەشقانداي «قىزىل سىزىق» پەن سوڭعى مەرزىم بەلگىلەمەيمىز. كەلىسسوز ۇستەلىنە وتىرىپ, ءتۇسىنىستىككە قول جەتكىزۋ قازىرگى تاڭداعى ەڭ ۇتىمدى تاكتيكا بولماق», دەپ ءمالىمدەدى ح.كلينتون. وسىنىڭ الدىندا يزرايل پرەمەرى اقش پەن يزرايل بىرلەسىپ يرانعا تالاپ قويۋ ءۇشىن جۇمىس ىستەپ جاتقانىن حابارلاعان ەدى.
ءىجو-لەرىندە قۇلدىراۋ بار
ەۋروايماقتىڭ ەكى ءىرى ەكونوميكاسى كەشە ءىجو-لەرى قىسقارعانى تۋرالىجاريالادى. ماسەلەن, فرانتسيا ەكونوميكاسى, جەرگىلىكتى ورتالىق بانكتىڭحابارلاۋىنشا, ءۇشىنشى توقساندا 0,1 پايىزعا قىسقارۋى ءتيىس.
ەگەر ورتالىق بانكتىڭ بولجامى شىندىققا اينالاتىن بولسا, فرانتسيانىڭ ەكونوميكاسىنداعى تەجەلۋ سوڭعى ءۇش جىلداعى العاشقىسى بولادى. فرانتسيا پرەزيدەنتى فرانسۋا وللاند قازىرگى كەزدە ۇكىمەتتىڭ 2013 جىلى ءىجو-ءنىڭ تومەندەۋىن بولجانعان 1,2 پايىزدىڭ ورنىنا 0,8 پايىزعا دەيىن ازايتۋ بويىنشا جۇمىس جۇرگىزۋدە ەكەنىن اتاپ ءوتتى. يتاليادا دا ءىجو 0,8 پايىزعا قىسقارىپ وتىر.
يراكتاعى تەراكتىلەر سەرياسى
جەكسەنبى كۇنى كەشكىسىن يراكتىڭ استاناسى باعداد قالاسىندا بىرنەشەجارىلىس جاسالدى. قالانىڭ شيتتەر قونىستانعان اۋداندارىنداعىلاڭكەستىكتەن كەم دەگەندە 118 ادام قازا تاپتى. 102 ادام ءتۇرلى دەنە جاراقاتىن السا, بارلىعى 400-دەن استام ادام زارداپ شەككەن.
شاھاردا جارىلعىشتار قويىلعان 5 ماشينەنىڭ ك ۇلى كوككە ۇشتى. ءبىر بومبا بازاردا جارىلعان. مۇنىڭ الدىندا يراك سوتى ەلدىڭ بۇرىنعى ۆيتسە-پرەزيدەنتى تاريك ءال-حاشەميگە تاعىلعان 150 ايىپتاۋ ءىسىنىڭ العاشقىسىن قاراعان بولاتىن. ول ەكى ولىمگە سوقتىرعان قاستاندىق ۇيىمداستىردى دەپ ايىپتالىپ, ءولىم جازاسىنا كەسىلگەن ەدى. ءال-حاشەمي قازىر شەتەلدە باس ساۋعالاپ ءجۇر.
ۇشاقسىز قالدى
رەسپۋبليكالىق پارتيادان اقش پرەزيدەنتتىگىنە كانديدات ميتت رومني ءوزىنىڭ سايلاۋالدى تۋرنەسى شەڭبەرىندە پايدالانىپ جۇرگەن ارنايى ۇشاقتىڭ تەحنيكالىق اقاۋىنا بايلانىستى ۆيردجينيا شتاتىنداعى ريچموند قالاسى اۋەجايىنان ۇشىپ شىعا المادى.
رومنيگە, سونداي-اق ونىڭ سايلاۋالدى شتابى قىزمەتكەرلەرى مەن جۋرناليستەرگە كانديدات-رەسپۋبليكاشىل تۇراتىن ماسساچۋسەتس شتاتىنا قايتا ورالۋ ءۇشىن باسقا ۇشاق جالداۋعا تۋرا كەلدى. فيۋزەلياجى رومنيدىڭ سايلاۋالدى ناۋقانى ۇرانىمەن بەزەندىرىلگەن MD-83 ۇشاعى جۇرتشىلىققا 31 تامىزدا, ياعني رومني رەسمي تۇردە كانديدات بولعان كۇننىڭ ەرتەڭىنە تانىستىرىلعان ەدى.
ۇستالسا, دارعا اسىلادى
يراك سوتى ەلدەن قاشىپ كەتكەن ۆيتسە-پرەزيدەنت تاريك ءال-ءحاشيميدى دارعا اسۋ ارقىلى ءولىم جازاسىنا كەستى. ول مۇنداي جازاعا ادامدار ولىمىنە سوقتىرعان قاستاندىقتار ۇيىمداستىرعانى ءۇشىن كەسىلىپ وتىر. بۇل جونىندە سوت وكىلىنە سىلتەمە جاساعان «رەيتەر» اگەنتتىگى حابارلادى.
«فرانس-پرەسس» اگەنتتىگى ءوزىنىڭ تىلشىسىنە سۇيەنە وتىرىپ انىقتاپ وتكەنىندەي, ءال-حاشەمي ادۆوكاتتى جانە بريگادا گەنەرالىن ولتىرگەنى ءۇشىن ايىپتى دەپ تانىلعان. مامىر ايىندا باستالعان سوت ۆيتسە-پرەزيدەنتكە تاعىلعان 150 ءىستى قاراپ شىعۋى ءتيىس. ءولىم جازاسىنا, ءال-حاشەميدەن باسقا, ونىڭ حاتشىسى بولعان كۇيەۋ بالاسى احمەت كاحتان دا كەسىلىپ وتىر. ال ءال-حاشەميدى تۇتقىنداۋعا وردەر وتكەن جىلدىڭ جەلتوقسان ايىندا بەرىلگەن-ءتىن.
تاۋەلسىزدىگىن سەنبىلىكتەرمەن اتايدى
تۇركىمەنستاندا تاۋەلسىزدىكتىڭ كەزەكتى جىلدىعى جاقىنداپ كەلەدى. وسىعان وراي ەلدە سەنبىلىكتەر سەرياسىن وتكىزۋ تۋرالى شەشىم قابىلدانعان. مۇنداي شەشىم ۇكىمەت ماجىلىسىندە الىنعان. بۇل يدەيانى بيلەۋشى دەموكراتيالىق پارتيا ساياسي كەڭەسىنىڭ ءبىرىنشى حاتشىسى كاسىمكۋلي باباەۆ ۇسىنسا كەرەك.
دەموكراتيالىق پارتيا تۇركىمەن كسر-ءى كوممۋنيستىك پارتياسى نەگىزىندە قۇرىلعانىن ەسكە سالا كەتەيىك. كەڭەس وداعى ىدىراعاننان كەيىن دەموكراتيالىق پارتيانىڭ كوش باسىنا رەسپۋبليكا پرەزيدەنتى (تۇركىمەنيا كپ وك-ءنىڭ بۇرىنعى ءبىرىنشى حاتشىسى) ساپارمۇرات نيازوۆ كەلگەن ەدى. ول ولگەن سوڭ پارتياعا جەتەكشىلىكتى جاڭا پرەزيدەنت گۋربانگۋلى بەردىمۋحامەدوۆ قولىنا العان-تىن. ال ەلدەگى سەنبىلىكتەر قازان ايىنىڭ سوڭىنا دەيىن جالعاسپاق. ەلدىڭ تاۋەلسىزدىك كۇنى – 27 قازان.
ينتەرنەت ماتەريالدارى نەگىزىندە ازىرلەندى.
