- بۇگىندە ەگەمەن ەلىمىزدىڭ كوپ ۇلتتى حالقىنا تاۋەلسىزدىك تاڭىن تارتۋ ەتكەن ەلباسىمىز نۇرسۇلتان ءابىش ۇلى نازارباەۆتىڭ ەسىمى ارالدىقتار ءۇشىن اسا قىمبات.
ارالدىقتار سىرداريا وزەنىنىڭ سۋىن پايدالانىپ وتىرعان ۋاقىتتا ءىش اۋرۋلارى كوپتەپ تارالعان بولاتىن. وسىنداي تۇيتكىلدى ماسەلەنى نازاردان تىس قالدىرماعان نۇرسۇلتان ءابىش ۇلى 2005 جىلى 27 ءساۋىر كۇنى ارالدا ارنايى جۇمىس ساپارىمەن بولىپ, تۇرعىنداردىڭ تازا اۋىز سۋعا قول جەتكىزگەن قۋانىشىمەن ورتاقتاستى. بۇل ءبىز ءۇشىن تاريحي كۇن بولدى.
ارالعا كەلگەن اۋىز سۋدان العاش ءدام تاتقان پرەزيدەنتىمىز: – مىناداي تازا دا ءدامدى سۋ قازاقستاندا جوق, «ەڭ تازا سۋ ارالدىقتاردا»– دەگەن بولاتىن. سول تازا سۋ قازىر ءاربىر ۇيگە تارتىلىپ تۇر. سونداي-اق, سول كەزدەگى «مەن ارالعا كومەكتەسەمىن دەگەن ارمانىما جەتكەنىمە قۋانىشتىمىن» دەگەن ءسوزى بۇگىندە ءاربىر ارالدىقتىقتىڭ ەسىندە.
بۇدان باسقا دا تۇرعىنداردى تولعاندىرعان ءبىراز ماسەلەلەر ەلباسىمىزدىڭ سارابدال ساياساتىنىڭ ارقاسىندا ءوز شەشىمىن تاۋىپ كەلەدى. بىرنەشە جىلدان بەرى ارالدىقتار كوگىلدىر وتىننىڭ يگىلىگىن كورۋدە. تۇرعىنداردىڭ ءوز ۇيلەرىن گازداندىرۋ مۇمكىنشىلىكتەرىن ارتتىرۋعا بارلىق جاعدايلار جاسالدى.
ەلباسىمىزدىڭ ءار جىلعى حالىققا ارناعان جولداۋىندا اتاپ كورسەتكەن باعىتتار بويىنشا اۋقىمدى ىستەر اتقارىلىپ, جالعاسىن تابۋدا.
تۇڭعىش پرەزيدەنتىمىزدىڭ ەگەمەن ەلىمىزدىڭ قالىپتاسۋى مەن دامۋى جولىنداعى ولشەۋسىز ەڭبەگىنە ريزاشىلىعىمىز شەكسىز,-دەيدى ول.
باقتيار تايجان,
«Egemen Qazaqstan»
قىزىلوردا وبلىسى
