«ەلباسىنىڭ قاجىرلى ەڭبەگىنىڭ ارقاسىندا حالقىمىز ءتول تاريحىندا تۇڭعىش رەت ءوزىن تۋعان جەردىڭ زاڭدى يەسى سەزىندى, بارشامىزدىڭ جۇرەگىمىزدى وتان ءۇشىن ماقتانىش سەزىمى كەرنەدى. «قازاقستان-2050» ستراتەگياسى, «نۇرلى جول» جاڭا ەكونوميكالىق ساياساتى, «100 ناقتى قادام» ۇلت جوسپارى ەلىمىزدى جاڭعىرتۋعا, قازاقستاننىڭ ەكونوميكالىق الەۋەتىن ودان ءارى نىعايتۋعا باعىتتالعان» دەدى قازاقستان پرەزيدەنتى.
سونىمەن قاتار قاسىم-جومارت توقاەۆ مۇنداي قادامنىڭ حالىقارالىق ارەناداعى تۇراقسىزدىق پەن داعدارىستار جاعدايىندا اسا ماڭىزدى ەكەنىن اتاپ ءوتتى.
«قازىرگى قازاقستان – نارىقتىق ەكونوميكاسى قالىپتاسقان, دەموكراتيالىق ءارى زايىرلى مەملەكەت. ەلىمىزدە جەكەمەنشىك ينستيتۋتى ورنىعىپ, ورتا تاپتىڭ جاعدايى جاقساردى جانە كاسىپكەرلىك قارقىندى دامي ءتۇستى. بارلىق وزەكتى الەۋمەتتىك-ەكونوميكالىق ماسەلەلەر ۋاقىتىلى شەشىمىن تاۋىپ كەلەدى» دەدى ق.توقاەۆ.
