ەرتەڭ, 21 ناۋرىزدا استانالىقتار جانە قالا قوناقتارى ۇلتتىق مۋزەيگە تەگىن كىرە الادى. ول ءۇشىن قازاقتىڭ ۇلتتىق كيىمىنىڭ نەمەسە اشەكەيىنىڭ ەلەمەنتتەرى بولۋى شارت.
«ەلوردا تۇرعىندارى مەن قوناقتارىنا سىيلىق جاساۋدى ۇيعاردىق. قازاقتىڭ ۇلتتىق اتريبۋتتارى بار كيىم, اشەكەي, ويۋ-ورنەگى بار وبرازداعى كەلۋشىلەرگە كىرۋ تەگىن», – دەلىنگەن قازاقستاننىڭ ۇلتتىق مۋزەيىنىڭ حابارلاماسىندا.
سونىمەن قاتار, مۋزەي ەكسپوزيتسيالارىن تەگىن تاماشالاۋدى قالايتىن ادامدار الەۋمەتتىك جەلىدەگى ۇلتتىق مۋزەيدىڭ پاراقشاسىنا تىركەلىپ, #ۇلتتىقمۋزەي حەشتەگىن بەلگىلەۋى كەرەك.
