جارىس قورىتىندىسى بويىنشا اسكەريلەردىڭ ورتالىق سپورت كلۋبىنىڭ (اوسك) وكىلى, كىشى سەرجانت تالعات امىرەنوۆكە تەڭ كەلەر ەشكىم تابىلمادى. 30 جاستاعى شىعىس قازاقستان وبلىسى تۋماسىنىڭ دزيۋدو كۇرەسىنەن وتكەن تالاي ءدۇبىرلى دودادا توپ جارعانىن جانكۇيەرلەر جاقسى بىلەدى. سامبونى دا ول جەتىك مەڭگەرگەن. قازاق كۇرەسىنەن وتكەن «اسكەر بارىسى» تۋرنيرىندە امىرەنوۆتىڭ بۇرىندارى دا توپ جارعان. بيىلعى دودانىڭ اقتىق سىنىندا تالعات مەملەكەتتىك كۇزەت قىزمەتىنىڭ اسكەري قىزمەتكەرى, لەيتەنانت الىبەك زەكەنوۆتى ۇتتى. ال ءۇشىنشى ورىنعا اوسك-ءنىڭ وكىلدى, قاتارداعى سارباز ءادىل ورازباەۆ تابان تىرەدى.
ايتۋلى جارىستا جەڭىسكە جەتۋ وڭاي بولمادى. قارسىلاستارىمنىڭ بارلىعى دا جاقسى دايارلىقپەن كەلگەن ەكەن. دەسەك تە مەن بارىمدى سالىپ, كوزدەگەن ماقساتىما قول جەتكىزدىم. ەندى «قازاقستان بارىسى» تۋرنيرىنە تىڭعىلىقتى دايارلانامىن. سول جارىستا ەلىمىزدىڭ قارۋلى كۇشتەرىنىڭ نامىسىن قورعاۋ مەن ءۇشىن ۇلكەن ماقتانىش, – دەيدى تالعات امىرەنوۆ.
عالىم سۇلەيمەن,
«Egemen Qazaqstan»
