قالالىق اكىمدىك تۇرعىن ءۇي قۇرىلىس جيناق بانكىنىڭ جەرگىلىكتى فيليالى جانە كوكشەتاۋلىق قۇرىلىس كومپانياسىمەن كەلىسىم-شارتقا قول قويىپ, كوپقاباتتى ۇيلەردىڭ قۇرىلىسىن باستاۋعا ۋاعدالاستى. العاشقى باسپانالار بيىل سالىنادى. تۇرعىنداردى قولجەتىمدى باسپانامەن قامتۋ ماقساتىمەن 5 جىلدىڭ ىشىندە 9 قاباتتى 27 ء ۇي تۇرعىزىلادى.
«پانەلدى ۇيلەر فين تەحنولوگياسى بويىنشا سالىنادى. جازدا سالقىن, قىستا جىلى. پاتەرلەردىڭ اۋماعى ارقيلى, 40, 60, 84 شارشى مەتردى قۇرايدى. كوكشەتاۋ, ورال, قاراعاندى قالالارىنىڭ تاجىريبەسىنە سۇيەنەمىز», دەيدى «سق رەگيونستروي» جشس ديرەكتورىنىڭ ورىنباسارى قانات لۇقپانوۆ.
باسپانالار كەزەڭ-كەزەڭمەن تاپسىرىلىپ, سالىمشىلار اراسىندا ۇلەستىرىلەدى.تۇرعىن ءۇي قۇرىلىس جيناق بانكى اق سقوف بيزنەستى دامىتۋ ءبولىمىنىڭ جەتەكشىسى ءامىر نۇرمۇقانوۆتىڭ ايتۋى بويىنشا ءۇش جاقتى مەموراندۋم اياسىندا 3200-دەن استام پاتەر سالىنادى. ءار شارشى مەترى 150-دەن 180 مىڭ تەڭگەگە دەيىن.
بۇگىندە وڭىردە 41 مىڭ سالىمشى بار. ولاردىڭ دەپوزيتتەردەگى ساقتاۋلى قاراجاتى 16,7 ميلليارد تەڭگەدەن اسادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
