الماعايىپ كەزەڭدە تاۋەلسىز قازاقستاننىڭ نەگىزىن قالاپ, الەمدىك كەڭىستىكتە وزىندىك ورنىن ايشىقتاپ بەرگەن نۇرسۇلتان نازارباەۆتىڭ ەڭبەگى قانشالىقتى زور ەكەنى بارشاعا بەلگىلى. مەنىڭ جانە زامانداستارىمنىڭ باقىتتى بالالىق شاعى, قامسىز جاستىعى نۇرسۇلتان ءابىش ۇلىنىڭ پرەزيدەنتتىك كەزەڭىمەن تۇسپا-تۇس كەلدى. بۇل – زور ماقتانىش ءارى مەرەي.
مەن مۇنايلى ايماق اتىراۋدا تۋىپ-ءوستىم. بالا كۇنىمنەن مۇنايشى بولۋدى ارماندادىم. مەكتەپ بىتىرگەننەن كەيىن قالاعان ماماندىعىم بويىنشا ءبىلىم الىپ, ەڭبەككە ارالاستىم. قازىر وتاندىق «ەمبىمۇنايگاز» مەكەمەسىندە جۇمىس ىستەيمىن. ەلباسى جىل سايىنعى جولداۋلارىندا, مەملەكەتتىك باعدارلامالاردا ەنەرگەتيكا سالاسىن دامىتۋدىڭ باسىم باعىتتارىن اتاپ كورسەتەدى. اتىراۋعا كەلگەن ساپارىندا ءبىزدىڭ كاسىپورىنعا ارنايى كەلىپ, جۇمىس بارىسىمەن تانىسقان بولاتىن. وسىنىڭ ءوزى مەن سەكىلدى جاس مۇنايشىلاردىڭ ەرتەڭگە دەگەن سەنىمىن نىقتاپ, جارقىن بولاشاعىنا كەپىلدىك بەردى.
بۇگىنگى اتىراۋ – ازاتتىق تاڭىمەن ارايلانعان, ەلباسىنىڭ سارابدال ساياساتىمەن جارقىن بولاشاققا نىق قادام باسقان ايماق. مۇنايلى ولكەنىڭ ءوسىپ-وركەندەۋىندە مەملەكەت باسشىسىنىڭ وراسان زور ەڭبەگى بار. نۇرسۇلتان ءابىش ۇلىنىڭ ۇيىتقى بولۋىمەن قاشاعاندا مۇناي ءوندىرۋ جۇمىستارى باستالدى. قاراشىعاناققا قاتىستى ماسەلە شەشىمىن تاپتى. تەڭىز كەن ورنىنىڭ اياسى كەڭىدى. وتاندىق كاسىپورىندار مۇناي-گاز سالاسىندا بۇرىن-سوڭدى بولماعان تابىستارعا قول جەتكىزدى.
ارينە نۇرسۇلتان ءابىش ۇلىنىڭ مالىمدەمەسىن مەن دە الاڭداۋلى كوڭىلمەن قابىلدادىم. وسىنشا ۋاقىت ىشىندە بار عۇمىرىن, دەنساۋلىعىن, ۋاقىتىن قازاق ەلىنىڭ دامۋىنا قوسقان كەمەڭگەر باسشىنىڭ بۇل قادامى دا جاقسىلىقتىڭ باستاۋى بولسىن دەگەن تىلەكتەمىن.
بيىلعى جىلدى جاستار جىلى دەپ بەلگىلەپ, جاڭا الەۋمەتتىك ساياساتتىڭ ىرگەتاسىن قالاپ, حالىققا شىن مانىندەگى جاناشىر ەكەنىن ۇقتىرعانى ءۇشىن رازىمىز.
ءبىزدىڭ جارقىن جاستىعىمىز ءۇشىن, بەيبىت اسپانىمىز بەن بەرەكەلى بىرلىگىمىز ءۇشىن مىڭ العىس سىزگە, تۇڭعىش پرەزيدەنت!
ارتۋر دىنعاليەۆ,
«جايىقمۇنايگاز» مۇناي-گاز ءوندىرۋ باسقارماسىنىڭ گەولوگى
اتىراۋ
