ەلباسىنىڭ بۇگىنگى جاريالاعان شەشىمىن تىكەلەي ەفيردەن تىڭداپ, تاريحي وقيعانىڭ كۋاگەرى بولعانىمىزعا تولقىپ وتىرعان جايىم بار. ءيا, ءبىز ءومىرىمىزدىڭ جارقىن ساتتەرىن نۇرسۇلتان نازارباەۆ ۋىعىن شانشىپ, شاڭىراعىن كوتەرگەن ورتاق قازاقستاننىڭ بەيبىتشىل, ەڭبەكسۇيگىش تۇرعىنى بولىپ وتكەردىك. وتانىمىزدى الەم تانىپ, قازاقتىڭ مادەنيەتىن, ونەرىن مويىندادى. وسى وتكەن 30 جىل ىشىندە ۇلتتىق ونەر دۇنيە وركەنيەتىنە سەنىممەن, وزىندىك بەت-بەينەسىمەن قوسىلدى دەپ ايتۋعا تولىق حاقىمىز بار.
ەلىمىزدە ونەردى قولداۋعا ۇلكەن ماڭىز بەرىلگەنىنە ءوزىم كۋامىن. ءبىزدىڭ الماتى وبلىسىندا جاس تالانتتاردى, ونەرپازداردى جۇمىسپەن قامتۋعا, باسپانالى بولۋىنا ۇنەمى جاعداي جاسالىپ كەلەدى. وسىنىڭ ارقاسىندا قازاق ونەرىن, ءانىن بولاشاققا جالعايتىن جاڭا بۋىن ءوسىپ, جەتىلدى. مۇنىڭ ءبارى ەلىمىزدەگى تۇراقتىلىقتىڭ ارقاسى دەپ بىلەمىن. ونەر ورەسى جوعارى تىڭدارمانىمەن, كورەرمەنىمەن وسەدى. ال ول ءۇشىن رۋحانياتقا جاعداي جاسالۋى كەرەك. مەملەكەتىمىزدىڭ قالىپتاسۋ جولىندا كەزدەسكەن قيىندىقتاردى ەڭسەرۋ كەزىندە نۇرسۇلتان ءابىش ۇلى مادەنيەت سالاسىنا كوڭىل ءبولۋدى ەشقاشان ەكىنشى ورىنعا قويعان ەمەس. ۇلت ونەرىن ۇلىقتادى. ءبىز, ونەر قايراتكەرلەرى ەلباسىنا وسى ءۇشىن قارىزدارمىز.
بۇگىنگى شەشىم – تاريحي ءسات. بۇل – ەل ءومىرىنىڭ التىن داۋىرىنە بەرىلگەن باعا. بايسالدى شەشىمدى تىڭداپ تۇرىپ, كەمەل كەلەشەكتىڭ بەينەسىن كورگەندەيمىن. ۇزاعىنان بولسىن!
ءالي الپىسباەۆ,
قازاقستاننىڭ مادەنيەت قايراتكەرى, ديريجەر, كومپوزيتور
