تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ پرەزيدەنتتىك وكىلەتتىگىن توقتاتۋ جونىندەگى مالىمدەمەسىن ۇلكەن تولعانىسپەن تىڭدادىم. بۇل مالىمدەمە تاۋەلسىز ەلىمىز ءۇشىن ۇلكەن تاريحي وقيعا بولدى.
قازاقستاننىڭ تاۋەلسىزدىك جىلدارىندا قول جەتكىزگەن بارلىق تابىستارى, اسقان اسۋلارى, شىققان بەلەستەرى نۇرسۇلتان نازارباەۆتىڭ تىكەلەي باسشىلىعىمەن جۇزەگە اسىرىلدى دەپ سەنىممەن ايتا الامىن. ناقتىلاي ايتقاندا, اتا زاڭىمىزدىڭ قابىلدانۋى, قارۋلى كۇشتەرىمىزدىڭ قۇرىلۋى, شەكارامىزدىڭ شەگەندەلۋى, جاڭا استانانىڭ سالىنۋى, ەكونوميكامىزدىڭ وركەندەۋى, شەتتەگى قانداستارىمىزدىڭ اتاجۇرتقا ورالۋى جانە باسقا دا شەشىمىن تاپقان يگىلىكتى ىستەر تۋرالى ءسوز قوزعاعاندا سانامىزدا نۇرسۇلتان نازارباەۆتىڭ ەرەن ەڭبەگىنە توقتالماۋ مۇمكىن ەمەس.
بۇدان بولەك, ەلىمىزدىڭ يادرولىق قاۋىپسىزدىكتى نىعايتۋ سالاسىندا كوشباسشى ەل رەتىندە تانىلۋى, حالىقارالىق جانە ايماقتىق ۇيىمداردىڭ جۇمىسىنا بەلسەندى ارالاسۋى, ەقىۇ-عا, يىۇ-عا توراعالىق ەتۋىمىز, تمد-دا العاشقى بولىپ ەكسپو-2017 كورمەسىنىڭ وتكىزىلۋى تۇڭعىش پرەزيدەنتىمىزدىڭ تىكەلەي باستامالارىمەن جۇزەگە اسىرىلعانى انىق.
تاۋەلسىزدىك جىلدارىندا قازاقستاننىڭ باسەكەگە قابىلەتتى 50 ەلدىڭ قاتارىنا قوسىلۋى, ەل ەكونوميكاسىنا قىرۋار ينۆەستيتسيا قۇيىلعانى, حالىقتىڭ ءال-اۋقاتىنىڭ ارتۋى, جۇمىسسىزدىقتىڭ قىسقارۋى, جاس ۇرپاقتى ۋاقىت تالابىنا ساي تاربيەلەپ, ءبىلىم نارىمەن سۋسىنداتۋ, اۋىلداردى قولداۋ شارالارى نۇرسۇلتان نازارباەۆ جۇرگىزگەن ساياساتتىڭ ارقاسىندا جۇزەگە اسىرىلدى.
شەتتەگى قانداستارىمىزدى اتامەكەنگە شاقىرۋى ناتيجەسىندە 1 ميلليوننان استام قازاقتىڭ ەلگە قونىس اۋدارۋىن تاۋەلسىزدىك تابىستارىنىڭ بىرەگەيى دەسەك, قاتەلەسپەيمىز. نۇرسۇلتان نازارباەۆتىڭ وسى جۇمىستى ۇيىمداستىرۋداعى ەڭبەگىن بارشا قازاق بىلەدى.
ارينە تۇڭعىش پرەزيدەنتىمىزدىڭ قازاقستان ءۇشىن, ءوزىنىڭ تۋعان حالقى ءۇشىن اتقارعان قىزمەتىن شاعىن ماقالادا قامتىپ شىعۋ قيىن. نۇرسۇلتان نازارباەۆتىڭ ءوز ەلىنە جاساعان قىزمەتى تاۋەلسىز ەلىمىزدىڭ جاسامپاز تاريحىنىڭ اجىراماس بولىگى بولىپ قالاتىنى ءسوزسىز.
الەمنىڭ ەڭ دامىعان 30 ەلىنىڭ قاتارىنا قوسىلۋدى ماقسات ەتكەن قازاقستاننىڭ ودان ءارى دامۋىنا بارلىق العىشارتتاردى قالىپتاستىرعان ەلىمىزدىڭ تۇڭعىش پرەزيدەنتى – ەلباسى الداعى ۋاقىتتا دا ءوز حالقى ءۇشىن ايانباي ەڭبەك ەتە بەرمەك. بۇل بارشا قازاقستاندىقتار ءۇشىن وتە ماڭىزدى.
قۋانىش ايتاحانوۆ,
قوعام قايراتكەرى
