قازاقستان • 20 ناۋرىز، 2019

ماۋلەن اشىمباەۆ: تاريحي ساتتە حالقىمىز بىرلىك پەن ىنتىماقتا بولۋى ءتيىس

975 رەتكورسەتىلدى

«Nur Otan»پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ وتپەلى كەزەڭدە حالىقتى ىنتىماق پەن بىرلىككە شاقىردى. بۇل تۋرالى ول فەيسبۋك پاراقشاسىندا جازدى.

«مەن دە بارشا قازاقستاندىقتار سەكىلدى ارالاس سەزىمدى باستان كەشىپ وتىرمىن. ءبىر جاعىنان تۇڭعىش پرەزيدەنتىمىزدىڭ وكىلەتتىگىن توقتاتقانىنا وكىنىش بولسا، ەكىنشى جاعىنان ۇلت كوشباسشىسىنىڭ ەرلىگى مەن دانالىعىنا ولشەۋسىز قۇرمەت سەزىمى بار» دەپ جازدى ماۋلەن اشىمباەۆ فەيسبۋكتەگى رەسمي پاراقشاسىندا.

سونداي-اق ول مالىمدەمەنىڭ ءبىر مينۋتتىق شەشىم ەمەستىگىن اتاپ ءوتتى.

«نۇرسۇلتان ءابىش ۇلىنىڭ بۇل ماڭىزدى قادام جونىندە نەشە كۇن، نەشە ساعات ويلانعانىن بىلمەيمىز. بىراق بىزدىڭ ەلباسى ۇنەمى حالىق پەن ەل مۇددەسىنە قاجەت شەشىم قابىلدايدى. سوندىقتان تۇڭعىش پرەزيدەنت ساياساتىنىڭ جالعاسۋىن قامتاماسىز ەتۋ قاجەت. بۇل تۇڭعىش پرەزيدەنتكە جانە ونىڭ قىزمەتىنە دەگەن ولشەۋسىز قۇرمەتتى بىلدىرەدى. سونىمەن بىرگە، ەلباسى قاۋىپسىزدىك كەڭەسىنىڭ توراعاسى، پارتيا توراعاسى جانە كونستيتۋتسيالىق كەڭەس مۇشەسى رەتىندە ەل دامۋىندا ماڭىزدى ءرول اتقارا بەرمەك» دەپ ءوز ءسوزىن تولىقتىردى م. اشىمباەۆ.

ونىڭ ايتۋىنشا، نۇرسۇلتان نازارباەۆ ۇلت كوشباسشىسى بولىپ قالا بەرەدى. كەڭەس يمپەرياسى قۇلاعان سوڭ، ول قارقىندى ەكونوميكاسى بار تۇراقتى الەۋمەتتىك مەملەكەتتىڭ نەگىزىن قالادى.

«حالىقتىڭ ءال-اۋقاتىن جاقسارتۋ - نازارباەۆتىڭ باستى جەتىستىكتەرىنىڭ ءبىرى. تۇڭعىش پرەزيدەنت ۇنەمى حالىقتىڭ ءومىر ءسۇرۋ ساپاسىن جاقسارتۋعا، جاستاردى قولداۋعا، كوپبالالى جانۇيالارعا كومەكتەسۋگە، ءبىلىم مەن دەنساۋلىق ساقتاۋ سالالارىن دامىتۋعا ەرەكشە كوڭىل ءبولدى. مىڭداعان جاس «بولاشاق» باعدارلاماسىمەن الەمنىڭ ۇزدىك وقۋ ورىندارىن ءتامامدادى. بۇل - ەلباسىنىڭ زاماناۋي قازاقستاندى قۇرۋعا دەگەن باعاسىز ۇلەسى» دەپ ءوز ءسوزىن جالعاستىردى م. اشىمباەۆ.

پارتيا وكىلى جاس ۇرپاقتىڭ بەيبىتشىلىك پەن كەلىسىم ءۇشىن، ەكونوميكالىق ءوسىم مەن ساياسي تۇراقتىلىق ءۇشىن، باقۋاتتى ەلدە ءومىر ءسۇرىپ، دامىعانى ءۇشىن تۇڭعىش پرەزيدەنتكە العىس ايتاتىنىن جەتكىزدى.

«بۇگىنگى تاريحي ساتتە حالقىمىز بىرلىك پەن ىنتىماقتا بولۋى ءتيىس. ءبىزدى الدا ەلىمىزدىڭ دامۋى مەن تۇرعىنداردىڭ ءومىر ءسۇرۋ ساپاسىن جاقسارتۋعا باعىتتالعان كوپتەگەن مىندەتتەردى جۇزەگە اسىرۋ كۇتىپ تۇر. بارلىق قازاقستاندىقتاردى بىرلىك پەن كەلىسىمگە شاقىرامىز. ءوز كۇشىمىز بەر ارەكەتىمىزگە سۇيەنىپ، بۇل كەزەڭنەن بىرگە ءوتۋىمىز كەرەك. قازاقستاندىق جولدىڭ جالعاستىعى مەن وتانىمىزدىڭ ءارى قاراي گۇلدەنۋى - وزىمىزگە بايلانىستى» دەپ ءوز ءسوزىن تۇيىندەدى ماۋلەن اشىمباەۆ.

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار