نۇرسۇلتان نازارباەۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن تەلەفون ارقىلى سويلەستى
الەكساندر لۋكاشەنكو نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي شىنايى قيماستىق ءبىلدىردى.
الەكساندر لۋكاشەنكو نۇرسۇلتان نازارباەۆپەن كوپ جىلعى دوستىعىن جانە قازاقستان مەن بەلارۋس اراسىندا ورناعان تاتۋ-ءتاتتى قارىم-قاتىناستاردى جوعارى باعالايتىنىن اتاپ ءوتتى.
ەلدەر كوشباسشىلارى الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.
سونداي-اق نۇرسۇلتان نازارباەۆ قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن تەلەفون ارقىلى سويلەستى
سوورونباي جەەنبەكوۆ نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي قيماستىق نيەتىن ءبىلدىردى.
قىرعىزستان پرەزيدەنتى سوورونباي جەەنبەكوۆ نۇرسۇلتان نازارباەۆتىڭ ەكى ەل حالىقتارى اراسىنداعى باۋىرلاستىق قارىم-قاتىناستاردى نىعايتۋعا زور ۇلەس قوسقانىن اتاپ ءوتتى.
ەلدەر كوشباسشىلارى الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.
سونىمەن قاتار نۇرسۇلتان نازارباەۆ وزبەكستان رەسپۋبليكاسىنىڭ پرەزيدەنتى شاۆكات ميرزيوەۆپەن تەلەفون ارقىلى سويلەستى
شاۆكات ميرزيوەۆ نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي زور قيماستىق نيەتىن ءبىلدىردى.
وزبەكستان پرەزيدەنتى شاۆكات ميرزيوەۆ نۇرسۇلتان نازارباەۆتى «وسىنداي ماڭىزدى شەشىم قابىلداي بىلەتىن ۇلى ساياساتكەر ءارى پرەزيدەنت» دەپ اتادى.
ەلدەر كوشباسشىلارى الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.
بۇدان بولەك نۇرسۇلتان نازارباەۆ ارمەنيا رەسپۋبليكاسىنىڭ پرەمەر-ءمينيسترى نيكول پاشينيانمەن تەلەفون ارقىلى سويلەستى
نيكول پاشينيان نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىم قابىلداۋىنا وراي قيماستىق نيەتىن ءبىلدىردى.
ارمەنيا پرەمەر-ءمينيسترى نيكول پاشينيان نۇرسۇلتان نازارباەۆتىڭ ەكى ەل اراسىنداعى ءوزارا تابىستى ىقپالداستىقتى دامىتۋعا ەلەۋلى ۇلەس قوسقانىن اتاپ ءوتتى.
