قازاقستان • 19 ناۋرىز، 2019

شىمكەنتتە «قاراپايىم زاتتار ەكونوميكاسى» جوبالىق القاسى ىسكە قوسىلدى

813 رەتكورسەتىلدى

شىمكەنتتە «اتامەكەن» كاسىپكەرلەر پالاتاسى جانىنان «قاراپايىم زاتتار ەكونوميكاسى» جوبالىق القاسى ىسكە قوسىلدى. كەڭسە جۇمىسى كاسىپكەرلەرگە جەڭىلدەتىلگەن كرەديت بەرۋ باعدارلاماسىنا قاتىسۋ شارتتارىن ءتۇسىندىرىپ، ءوز جوبالارىن ىسكە اسىرۋ بارىسىندا تاپ بولاتىن كەدەرگىلەردى شەشۋگە كومەكتەسەدى.  بۇل تۋرالى بۇگىن قالا اكىمدىگىنىڭ اقپاراتتىق كوممۋنيكاتسيا ورتالىعىندا وتكەن بريفينگتە ايتىلدى.

«جوبالىق كەڭسە بيزنەس جوسپاردى ازىرلەۋ كەزەڭىنەن باستاپ، قارجىلاندىرۋعا دەيىن قولداۋ كورسەتەدى. ءارى، جوبالاردى ىسكە اسىرۋعا تۇراقتى مونيتورينگ جۇرگىزەدى. كاسىپ كوزىن اشقان ازاماتتارعا «قولما-قول» كومەك بەرەدى»،   دەيدى قالالىق  كاسىپكەرلەر پالاتانىڭ ديرەكتورى نۇرلان قابىشتاەۆ.

اتالعان جوبالىق القاعا قالا اكىمدىگى مەن كاسىپكەرلىك جانە يندۋستريالدى-يننوۆاتسيالىق دامۋ باسقارماسى، اۋىل شارۋاشىلىعى باسقارماسىنىڭ باسشىلارى، ەكىنشى دەڭگەيلى بانك ديرەكتورلارى، «دامۋ»، «قازاگرو»، اگرارلىق نەسيە كورپوراتسياسىنىڭ وكىلدەرى كىرەدى.

ەستەرىڭىزگە سالار بولساق، بيىل پرەزيدەنت تاپسىرماسىمەن قازاقستان ۇكىمەتى حالىق تۇتىناتىن تاۋارلاردى، سونداي-اق شيكىزات جانە باستاپقى وڭدەۋ ونىمدەرىن ءوندىرۋدى قولداۋ ءۇشىن 600 ملرد تەڭگە ءبولدى. وسى تاپسىرما شەڭبەرىندە ەكىنشى دەڭگەيلى بانكتەردى ۇزاق مەرزىمدى تەڭگەلىك وتىمدىلىكپەن قامتاماسىز ەتۋ جونىندەگى باعدارلاما قۇرىلدى. اتاپ ايتقاندا، بۇل قاراجات وڭدەۋ ونەركاسىبى، اگروونەركاسىپ كەشەنىن دامىتۋ مەن قولداۋعا باعىتتالادى.

نەسيەلەۋ شارتتارى بويىنشا قارىز بەرۋ مەرزىمى 9 جىلدى قۇرايدى. قارىز الۋشىلار ءۇشىن سىياقىنىڭ اتاۋلى مولشەرلەمەسى  «بيزنەستىڭ جول كارتاسى-2020» باعدارلاماسى شەڭبەرىندەگى سۋبسيديالاۋ ەسەبىنەن 8 پايىزعا تەڭ.

باعدارلاما اياسىندا دايىن ءونىم وندىرىسىنە عانا ەمەس، سونداي-اق، قاجەتتى شيكىزات جانە باستاپقى وڭدەۋ ونىمدەرىن شىعارۋ (ماسەلەن، قانت قىزىلشاسى; قانت; كونديتەر ونىمدەرى) سونىمەن قاتار دايىن ءونىمدى وتكىزۋگە قولداۋ كورسەتىلەدى.

كەشەندى جۇمىس جاڭا وندىرىستەردى قۇرۋ، قولدانىستاعى كاسىپورىنداردى مودەرنيزاتسيالاۋعا مۇمكىندىك بەرەدى. اتالعان اعدارلاما جۇمىسىنا ەلىمىزدەگى ەكىنشى دەڭگەيلى 8 بانك قوسىلدى.

جالپى باعدارلاما 2025 جىلعا دەيىن تاۋاردىڭ 365 ءتۇرى بويىنشا ءوندىرىستى 2،4 ەسەگە ۇلعايتۋعا، سونىمەن قاتار، يمپورتتىڭ ۇلەسىن 37 پايىزعا قىسقارتۋعا مۇمكىندىك بەرمەك.

نۇرشات توكەن،

«Egemen Qazaqstan»

شىمكەنت

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

زاۋالدى بىرلىك جەڭەدى

قوعام • بۇگىن، 07:35

ۇقساس جاڭالىقتار