بىلتىر يندونەزيادا وتكەن ازيا ويىندارىندا دجيۋ-دجيتسۋدان جارىس سىناقتىق رەجيمدە ۇيىمداستىرىلعان بولاتىن. جەرلەستەرىمىز ايتۋلى دودادا كەرەمەت ونەر كورسەتىپ, 2 التىن جانە 3 قولا مەدالدى قورجىنعا سالدى. اتاپ ايتساق, دارحان نورتاەۆ پەن رۋسلان يسرايلوۆ التىن تۇعىرعا كوتەرىلسە, نۇرجان سەيدۋالي, نارتاي قاجەكوۆ جانە ريزات ماقاشەۆ ءۇشىنشى ساتىعا تابان تىرەدى. جالپى كوماندالىق ەسەپتە قازاقستان قۇراماسى ەكىنشى ورىندى ولجالادى.
سونىمەن قاتار, ۇستىمىزدەگى جىلدىڭ 19-23 ماۋسىم ارالىعىندا استانادا دجيۋ-دجيتسۋدان Grand Prix Astana Open اسا ءىرى حالىقارالىق ءتۋرنيرى ۇيىمداستىرىلادى. سول جارىستا 60 مەملەكەتتەن كەلگەن ساقا سپورتشىلار كۇش سىناسادى دەپ كۇتىلۋدە.
عالىم سۇلەيمەن,
«Egemen Qazaqstan»
