قازاقستان • 19 ناۋرىز، 2019

قازپوشتا كاسىپكەرلەردى وقىتۋدى قولعا الادى

772 رەتكورسەتىلدى

«قازپوشتا» اق 2018 جىلعى جۇمىسىن قورىتىندىلاۋ، 2019 جىلعا ارنالعان جوسپارلاردى تانىستىرۋ ماقساتىندا ءباسپاسوز كونفەرەنتسياسىن وتكىزدى. شارانىڭ شىمىلدىعىن اشقان باسقارما توراعاسى ساكەن سارسەنوۆتىڭ ايتۋىنشا،  كومپانيا وتكەن جىلى ايتارلىقتاي جەتىستىككە جەتكەن. اتاپ ايتار بولساق،  فرانچايزينگتىك بولىمشەلەر جەلىسىن، تسيفرلى كەڭسەلەردى، ونلاين قىزمەتتەردى دامىتىپ، دروندارمەن جەتكىزىلەتىن مەرزىمدى باسىلىمداردىڭ كولەمىن وسىرگەن.

2018 جىلى 2017 جىلمەن سالىستىرعاندا قازپوشتا  كىرىسى 11%-عا ءوسىپ، تازا پايدا 272 ملن تەڭگەنى قۇراعان. وتكەن جىلدىڭ ماۋسىمىندا سەرىكتەستىك جەلىلەرىن ىسكە قوسقان پوشتا وپەراتورى بۇگىنگى كۇنى 200 ساۋدا نۇكتەسى بار 160 فرانچايزينگپەن اينالىساتىن كاسىپكەردى سەرىكتەستىككە تارتقان.

- جونەلتىلىمدەردى تەز ارادا وڭدەپ، ولاردى جەتكىزۋ ۋاقىتىن بارىنشا قىسقارتۋ ءۇشىن، سونداي-اق مۇمكىندىگىنشە ىڭعايلى قاداعالاۋدى جۇزەگە اسىرۋ ءۇشىن ءبىز جاقىندا جاڭا ەسەپكە الۋ جۇيەسىن ىسكە قوستىق،-دەدى ساكەن سارسەنوۆ.

ونىڭ ايتۋىنشا، ول ينتەرنەت-دۇكەندەرمەن ءوزارا ارەكەتتەسۋدى جەڭىلدەتەدى. بۇل كەز كەلگەن جۇيەلىك ينتەگراتسيا مەن دەرەكتەر الماسۋدى جۇزەگە اسىرۋعا مۇمكىندىك بەرەدى. وسىدان سوڭ سالەمدەمەلەردى جەتكىزۋ ۋاقىتى دا ايتارلىقتاي قىسقارادى دەپ كۇتىلىپ وتىر. مىسالى، ەندى  سالەمدەمەلەر قازاقستان بويىنشا 4 كۇن ىشىندە جەتكىزىلمەك.

كومپانيا 2019 جىلعى «قورعاس» شەكارا ماڭى ىنتىماقتاستىعىنىڭ حالىقارالىق ورتالىعىنداعى كەدەن قويماسىن اشۋ، قىتايدان ەۋروپاعا جانە ورتالىق ازياعا پوشتالىق جونەلتىلىمدەردىڭ ءترانزيتىن، ەلەكتروندىق كوممەرتسيا مەن فرانچايزينگتىك جەلىنى، سونداي-اق تسيفرلىق جوبالاردى دامىتۋ سياقتى ماقساتتار قويىپ وتىر.

ساكەن سارسەنوۆ 2018 جىلى «قازپوشتا» اق post.kz ونلاين-قىزمەتتەرىنىڭ گيپەرماركەتىن دامىتۋعا جەتە نازار اۋدارعانىن ايتىپ ءوتتى.

سونىمەن قاتار كومپانيا شاعىن جانە ورتا بيزنەس وكىلدەرىنە ەلەكتروندىق كوممەرتسيا نەگىزدەرىن E-commerce ورتالىقتارىندا وقىتۋدى جالعاستىرادى. وسى جىلى 1500-دەن استام كاسىپكەردى وقىتۋدى جوسپارلاپ وتىر.

سالتانات شىءنادىل،

ەۇۋ ستۋدەنتى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار