«Qazaqstan» تەلەارناسىنىڭ ديرەكتورى ەركىن مۇحامەدجانوۆ, «Qazsport» تەلەارناسىنىڭ ديرەكتورى پاۆەل تسىبۋلين, «Tamasha Tv» تەلەارناسىنىڭ ديرەكتورى ەسەن ەلەۋكەن, «balapan» تەلەارناسىنىڭ ديرەكتورى ماقپال جۇماباي جانە ايماقتىق حابار تاراتۋدى دامىتۋ ديرەكتسياسىنىڭ ديرەكتورى ەرجانار اشەيحان قاتىسقان شارادا ناۋرىز مەرەكەسىنە دايىنداعان ارنايى جوبالارىمەن تانىستىرىلدى.
«Qazsport» تەلەارناسى مەيرام كۇندەرى تىكەلەي ەفيردە فۋتبولدان قازاقستان ۇلتتىق قۇراماسىنىڭ ەۋروپا چەمپيوناتىنا ىرىكتەۋ ويىندارىن, بىرقاتار قىزىقتى باعدارلامالار, دەرەكتى فيلمدەر مەن سپورت ساڭلاقتارىنىڭ سۇحباتتارىن كورسەتەتىن بولادى.
2018 جىلدىڭ 1 قىركۇيەگىنەن حابار تاراتا باستاعان «Tamasha tv» ارناسىنىڭ ديرەكتورى ەسەن ەلەۋكەن دە بىرنەشە جاڭالىقتارىمەن ءبولىستى.
ونىڭ ايتۋىنشا, جاڭا ماۋسىم اياسىندا بيىل كورەرمەندەرگە 14 جوبا تارتۋ ەتپەك. العاشقى 8 جوبا ناۋرىز ايىندا شىقسا, قالعان 6 جوبانى ساۋىرگە جوسپارلانعان. ولاردىڭ بارلىعى جاڭادان شىعىپ جاتقان باعدارلامالار. ەڭ باستى ۇلكەن جوبالاردىڭ ءبىرى - «تاماشا Club». ء«بىر عانيبەت» جوباسىن دا ەرەكشە اتاپ وتكىم كەلەدى, ءبىزدىڭ بەلگىلى اعا-اپكەلەرىمىز وزدەرىنىڭ باسىنان وتكەن ازىلگە تولى قىزىقتى وقيعالارىمەن بولىسەدى» دەدى ە.ەلەۋكەن.
كىشكەنتاي كورەرمەندەرگە ارنالعان «balapan» تەلەارناسى وسى كوكتەمگى تەلەماۋسىمدا كورەرمەن نازارىنا بارلىعى 22 جوبا ۇسىندى. ونىڭ ىشىندە 6-ى ىشكى ءونىم, ال 10-ى شەتەلدىك ۇزدىك انيماتسيالار مەن دەرەكتى فيلمدەر توپتاماسى, 3 تەلەحيكايا جانە 3 You Tube –قا ارنالعان جوبالار. «balapan» ارناسى بيىل 22 ناۋرىز – ۇلىستىڭ ۇلى كۇنىنە وراي ارنايى مەرەكەلىك جوبالار دا دايىنداعان. تەلەارنامەن ۇنەمى شىعارماشىلىق بايلانىستا بولىپ, بەلسەندىلىك تانىتقان ەلوردا مەكتەپتەرى اراسىندا «نارۋىز-دۋمان» اتتى ۇلتتىق ويىندار وتكىزىلمەك. مۇندا 8-9 جاسار مەكتەپ وقۋشىلارى «بۇقا تارتىس», «كۇي تارتىس», «قازاقشا كۇرەس», «جامبى اتۋ», «اسىق اتۋ» سياقتى ۇلتتىق ويىندار بويىنشا سايىسقا ءتۇستى. بۇل جوبانىڭ تەلەۆيزيالىق نۇسقاسى مەرەكە قارساڭىندا ەفيردەن كورسەتىلەدى.
«قازاقستان» تەلەراديوكورپوراتسياسىنىڭ قۇرامىنا كىرەتىن ايماقتىق تەلەارنالار دا ناۋرىز مەرەكەسىنە وراي بىرقاتار ارنايى جوبالار دايىنداعانىن اتاپ ءوتتى.
ايماقتىق حابار تاراتۋدى دامىتۋ ديرەكتسياسىنىڭ ديرەكتورى ەرجانار اشەيحان بىرنەشە جوبالارعا توقتالىپ ءوتتى. 2019 جىلدىڭ 22 ناۋرىزىندا ۇلىستىڭ ۇلى كۇنىندە كورپوراتسيانىڭ ايماقتىق ارنالارىندا ءبىر مەزگىلدە كوكتەمگى جاڭا تەلەۆيزيالىق ماۋسىمى باستالماق. ايماقتىق تەلەارنالاردى قوسىپ العاندا, بارلىعى 61 جاڭا باعدارلاما ەفيرگە جوسپارلانعان. 22 ناۋرىز كۇنى «ALTAI», «OŃTÚSTIK», «AQTÓBE», «MAŃǴYSTAÝ» ارنالارى «QAZAQSTAN» ۇلتتىق ارناسىنا تىكەلەي ەفيردە قوسىلىپ, ايماقتاعى ناۋرىز مەرەكەسىنىڭ تويلانۋ تۋرالى قىزىقتى مالىمەتتەر مەن سيۋجەتتەر بەرەدى.
