19 ناۋرىز، 2019

ۇلتتىق مۇراجايدا اتا-اناسىنىڭ قامقورلىعىنسىز قالعان بالالاردىڭ تۇساۋلارى كەسىلدى

785 رەتكورسەتىلدى

ءىس-شارا قازاقتىڭ كيەلى سالت-داستۇرلەرىن ناسيحاتتاۋ ماقساتىندا وتكىزىلدى، دەپ حابارلايدى استانا اكىمدىگىنىڭ رەسمي سايتى.

بۇگىن قازاقستاننىڭ ۇلتتىق مۋزەيىندە «جاقسىلىق جاسا» اتتى حالىق جوباسى اياسىندا «تۇساۋ كەسەر» قايىرىمدىلىق جوباسى ءوتتى. مۇراجاي وسى جوبانى ءتورتىنشى جىل قولداپ، اتا-اناسىنىڭ قامقورلىعىنسىز قالعان بالالار ءۇشىن ءداستۇرلى تۇردە وتكىزەدى.

«بيىل ءبىز ناۋرىز مەيرامىن ەرەكشە فورماتتا قارسى الامىز. قازاقتار ءۇشىن «جەتى» سانى قاسيەتتى بولىپ تابىلادى. وسىعان بايلانىستى بەلگىلى ادامدار بالالار ۇيىندە تاربيە الىپ جاتقان بۇلدىرشىندەردىڭ تۇساۋىن كەسەدى. الداعى ۋاقىتتا وسى بالالارمەن جۇمىس ىستەۋ اياسىندا ولارعا كومەك كورسەتۋ جانە ولاردى جان-جاقتى قولداۋ جالعاستىرىلاتىن بولادى. بولاشاقتا ءبىزدىڭ اكتسيا رەسپۋبليكا بويىنشا جالعاسىن تاپقانىن قالايمىز»، – دەدى ۇلتتىق مۋزەي ديرەكتورىنىڭ مىندەتىن اتقارۋشى الماز ورازحان.

شاراعا مادەنيەت جانە سپورت ءمينيسترى ارىستانبەك مۇحامەدي ۇلى، بەلگىلى ءانشى مايرا ءىلياسوۆا مەن ايگۇل قوسانوۆا، توكيو ۋنيۆەرسيتەتىنىڭ پروفەسسورى كەنەتاكو مايۋزاتو، قازاقستانداعى ەۋرووداق ەلشىسى سۆەن-ولوۆ كارلسسون، ارحەولوگ، پروفەسسور جامبىل ارتىقباەۆ جانە بەلگىلى فيلولوگ، اقىن امانجول التاەۆ قاتىستى.

بارلىق بالالارعا سىيلىقتار بەرىلدى.

سوڭعى جاڭالىقتار

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار