«ەلىمىزدە قارىزدىق ەڭبەكتى قولدانۋ تاجىريبەسى جۇمىسشىلاردىڭ ەڭبەك قۇقىعىنىڭ بۇزىلۋىنا جانە ەڭبەككەرلەردىڭ نارازىلىعىنىڭ تۋىنداۋىنا اكەپ سوقتىرادى.
تاياۋدا پارلامەنت ءماجىلىسىنىڭ ءبىر توپ دەپۋتاتى قارىزدىق ەڭبەكتى رەتتەۋ جونىندە زاڭ جوباسىن ازىرلەۋ تۋرالى باستاما كوتەردى. بۇل جوبا ەڭبەككەرلەردى تولعاندىرىپ وتىرعان ناقتى ماسەلەلەردى شەشۋگە باعىتتالعان. سوعان وراي, ۇكىمەتتەن باستامانى قولداۋدى, سونىمەن قاتار جۇمىسشىلاردىڭ الەۋمەتتىك-ەڭبەك قۇقىعىن شەكتەيتىن زاڭناما اكتىلەرىنە موراتوري ەنگىزۋ مۇمكىندىگىن قاراستىرۋعا سۇرايمىز», دەدى ب.ءابدىرايىم.
ونىڭ ايتۋىنشا, حالىقتى جۇمىسپەن قامتۋدا وسى اتالعان نىسانعا زاڭنامالىق رەتتەۋ نورمالارىنىڭ جوقتىعى كەدەرگى جاساپ وتىر. سونداي-اق كاسىپوداقتار فەدەراتسياسىنىڭ توراعاسى حالىقارالىق ەڭبەك ۇيىمىنىڭ دەرەگى بويىنشا, الەمدە وندىرىستىك جاراقاتتانۋ - جۇرەك اۋرۋى مەن ونكولوگيادان كەيىنگى ءۇشىنشى ورىندا تۇرعانىن جەتكىزدى.
ء«بىزدىڭ ەلدە وندىرىستىك جاراقاتتانۋ دەڭگەيى ءبىرشاما تومەندەگەنىنە قاراماستان, ەڭبەك قاۋىپسىزدىگى بويىنشا جاعداي كۇردەلى كۇيىندە قالىپ وتىر. رەسمي دەرەك بويىنشا 2018 جىلى عانا 1568 ادام وندىرىستە جاراقات العان. ونىڭ 300-گە جۋىعى – ايەلدەر. جىل سايىن 200-دەن استام ادام مەرت بولادى», دەدى ب.ءابدىرايىم.
وسىعان بايلانىستى ب.ءابدىرايىم ەڭبەك مينيسترلىگى ۇسىنعان شارالاردى قولداۋدى جانە ەڭبەك قاۋىپسىزدىگىن جاقسى قامتاماسىز ەتكەن كاسىپورىنداردى ىنتالاندىرۋ جولدارىن ازىرلەۋدى ۇسىندى.
«وسى باعىتتا ەكونوميكالىق ىنتىماقتاستىق ۇيىمىنا (وەسر) مۇشە - دامىعان مەملەكەتتەر قولدانىپ وتىرعان «Vision Zero» – «نولدىك جاراقاتتانۋشىلىق» تاجىريبەسىن زەردەلەپ, قولدانىسقا ەنگىزۋ قاجەت», دەدى ول.
