قازاقستان • 19 ناۋرىز، 2019

ناننىڭ قىمباتتاۋىنا نەگىز جوق

689 رەتكورسەتىلدى

كەشە ۇكىمەت ۇيىندەگى ءباسپاسوز ءماسليحاتىندا اۋىل شارۋاشىلىعى ءمينيسترى ساپارحان وماروۆ ەلىمىزدىڭ استىق الەۋەتى تۋرالى كەڭىنەن بايانداپ بەردى. ول نان باعاسىنىڭ قىمباتتاۋىنا ەش نەگىز جوق ەكەنىن ايتتى.

− كەيىنگى كەزدە اقپارات قۇرالدارىندا وڭدەۋشى كاسىپورىنداردا استىقتىڭ تاپ­شىلىعى سەزىلىپ جاتقانى، سونىڭ سالدارىنان نان باعاسىنىڭ قىمباتتاعانى تۋرالى اقپارات تارادى. ايتا كەتەرلىگى، وتكەن جىلدىڭ سوڭىندا، بيىلعى جىلدىڭ باسىندا استىق باعاسىنىڭ وسكەندىگىن كورىپ وتىرمىز. اتالعان مەرزىمدە استىق­تىڭ تونناسى 75 مىڭ تەڭگەگە دەيىن جەتتى. باعانىڭ كۇرت قۇبىلۋى ورتالىق ازيا، يران جانە الەمدىك نارىقتا استىق باعا­سى­نىڭ جوعارىلاۋىمەن تىعىز بايلانىس­تى بولىپ وتىر. بۇل ءبىر جاعىنان ءتيىمدى دەۋگە بولادى. ويتكەنى ءبىزدىڭ استىق وڭدەۋ­شى­لەرىمىز وزدەرىنىڭ ءونىمىن جوعارى باعامەن ساتىپ، قارىزدارىنان قۇتىلىپ، كوكتەمگى جۇمىس ناۋقانىنا قاراجات جيناپ الادى. بۇل ماسەلەنىڭ ەكىنشى ءبىر جاعىمسىز تۇسى، نان باعاسىنىڭ قىمباتتاۋىنا كەلىپ تىرەلەدى. بىراق كەيىنگى ەكى اپتانىڭ ىشىندە استىق باعاسى ءتۇستى، – دەدى مينيستر.

ونىڭ ايتۋىنشا، قازىر بيدايدىڭ 1 تون­ناسى – 65 مىڭنان 67 مىڭ تەڭگە شاماسىن­دا. باعا ايىرماشىلىعى استىقتىڭ ساپاسىنا بايلانىستى.

− قازىر رەسپۋبليكادا رەسمي ستا­تيس­تيكاعا جانە اكىمدىكتەردىڭ جەدەل دەرەك­تەرىنە سايكەس 10،5 ملن تونناعا جۋىق اس­­تىق بار. ونىڭ ىشىندە ليتسەنزياسى بار اس­­تىق قابىلداۋ كاسىپورىندارىندا – 3،7 ملن 

توننا، ۇن تارتۋ كاسىپورىندارىندا – 462 مىڭ توننا، اۋىل شارۋاشىلىعى تاۋا­­رىن وندىرۋشىلەردە – 6،3 ملن توننا اس­تىق بار. ەسەپتىك مالىمەتتەر بويىنشا، قول­دا بار استىق كولەمى ەكسپورتتىڭ جوس­پار­لى كورسەتكىشتەرىن قامتاماسىز ەتۋگە جانە ەلدىڭ ىشكى سۇرانىسىن قامتۋعا جەتكىلىكتى. قازىر 8،3 ملن توننا بيداي بار. ونىڭ 690 مىڭ تونناسى – ازىق-ت ۇلىك قاجەتتىلىكتەرىنە، 1،6 ملن تونناسى – تۇقىمدىق ماقساتقا، 730 مىڭ تونناسى – جەمدىك استىققا، 128 مىڭ تونناسى ونەركاسىپتىك وڭدەۋگە جۇمسالاتىن بولادى، – دەدى مينيستر. ونىڭ ايتۋىنشا، جىل سوڭىنا دەيىن ەكسپورتقا 2،2 ملن توننا استىق جونەلتۋ جوسپارلانىپ وتىر، وسىعان دەيىن 6،7 ملن توننا استىق تيەلىپ قويىلعان. ناتيجەسىندە، كەلەسى جىلعا اۋىساتىن قالدىق رەتىندە 2،9 ملن توننا قالادى. دەمەك، ەلىمىزدەگى وڭدەۋشى كاسىپورىنداردا استىق جەتىسپەي جاتىر دەگەن اڭگىمە قيسىنسىز كورىنەدى.

– رەسپۋبليكادا استىق تولىق جەتكى­لىك­تى. ەسكەرەتىنى، استىقتىڭ باعاسى دا قات­تى قىمباتتاپ جاتقان جوق. سول سەبەپتى نان­نىڭ باعاسى شارىقتامايدى. بىزدە ەكى ءتۇرلى نان بار! – جوعارعى سۇرىپتى ۇننان جاسالاتىن نان جانە ءبىرىنشى سورت ۇننان جاسالاتىن نان. جوعارعى سۇرىپ ۇننان جاسالعان ناننىڭ باعاسى 130-140 تەڭگە، ال ءبىرىنشى سۇرىپ ۇننان پىسكەن نان – 75-78 تەڭگە. ءبىزدىڭ نەگىزگى ءوزىمىزدىڭ قولدانىپ جاتقان نانىمىز – ءبىرىنشى سۇرىپتاعى نان، – دەدى س.وماروۆ.

ايتا كەتەرلىگى، 2015 جىلى ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيا شەشىمى بويىنشا مەملەكەت نان باعاسىن رەتتەپ وتىرۋدان باس تارتقان بولاتىن. مينيسترلىك كەلتىر­گەن مالىمەتكە سۇيەنسەك، 2016 جىل­عى باعامەن سالىستىرعاندا، 2019 جىلى الەۋمەتتىك نان باعاسى 6 تەڭگەگە وسكەن. س.وماروۆ­تىڭ پايىمداۋىنشا، استىق باعاسى­نىڭ جىل سايىن وسۋىنە ءتۇرلى فاكتور­لار اسەر ەتەدى. الايدا، استىق باعاسى­نىڭ ناننىڭ وزىندىك قۇنىنداعى ۇلەسى 50%-دى قۇرايدى، قالعانى – جانار-جاعار­ماي، جالاقى، ەلەكتر ەنەرگياسى، اكىمشى­لىك جانە باسقا دا شىعىندار ەسەبىنەن قوسىلادى.

وسى جيىندا ايتىلعانداي، وڭىرلەردەگى اكىم­دىكتەر تۇرعىندارعا ارنالعان الەۋ­مەتتىك ماڭىزى بار تاۋارلاردىڭ قىمبات­تاۋىنا جول بەرمەۋ بويىنشا شارالار قابىلداۋدا. وڭىرلىك تۇراقتاندىرۋ قورلارىن قالىپتاستىرۋ تەتىگى بەلسەندى قولدانىلىپ كەلەدى، ولارعا كەيىننەن تۇرعىندار قامتاماسىز ەتىلەتىن بىرقاتار تاۋار تۇرلەرى ساتىپ الىنۋدا. قازىر تۇراقتاندىرۋ قورلارىن قالىپتاستىرۋعا ارنالعان 3،1 ملرد تەڭگە كولەمىندە قارجى بار، بۇل قاراجاتتى اكىمدىكتەر نان باعاسىن تۇراقتاندىرۋعا دا باعىتتاي الادى.

ەركەجان ايتقازى،

«Egemen Qazaqstan»

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار