ۇكىمەت • 18 ناۋرىز، 2019

ج. قاسىمبەك سۋ تاسقىنى كەزەڭىنە دايىندىق تۋرالى كەڭەس وتكىزدى

840 رەتكورسەتىلدى

قر پرەمەر-ءمينيسترىنىڭ ورىنباسارى جەڭىس قاسىمبەك ورتالىق جانە جەرگىلىكتى اتقارۋشى ورگانداردىڭ 2019 جىلعى سۋ تاسقىنى كەزەڭىنە دايىندىعى ماسەلەلەرى جونىندە كەڭەس وتكىزدى.

كەڭەس جۇمىسىنا ورتالىق مەملەكەتتىك جانە جەرگىلىكتى اتقارۋشى ورگانداردىڭ وكىلدەرى قاتىستى.

قازگيدرومەتتىڭ كوكتەمگى سۋ تاسقىنى بولجامىنا سايكەس ەلىمىزدىڭ كەيبىر وڭىرلەرىندە سۋ دەڭگەيىنىڭ كوتەرىلۋى قاۋىپتەرى بايقالادى.

قر ىشكى ىستەر مينيسترلىگىنىڭ دەرەكتەرىنە سايكەس، سۋ تاسقىنى قاۋىپتەرى قاراعاندى، اقمولا، سولتۇستىك قازاقستان، باتىس قازاقستان، قوستاناي وبلىستارىندا ساقتالعان.  

«سوڭعى 2 اپتادا 675 كم ارىق پەن ارنانى تازالاۋ جۇمىستارى جۇرگىزىلدى. ەلدى مەكەندەردەن 2 ملن 160 مىڭنان استام تەكشە مەتر قار شىعارىلدى. الماتى، اقمولا، اقتوبە، شىعىس قازاقستان، جامبىل، قاراعاندى، قىزىلوردا، پاۆلودار، سولتۇستىك قازاقستان جانە تۇركىستان وبلىستارىنىڭ اۆتوكولىك جولدارىندا 16 874 سۋ وتكىزگىش نىساندار تازارتىلدى»، — دەدى قر ءىىم توتەنشە جاعدايلار كوميتەتىنىڭ توراعاسى ۆ. بەككەر.

ونىڭ ايتۋىنشا، تۇركىستان، جامبىل، قىزىلوردا، الماتى (جازىق بولىگى)، ماڭعىستاۋ، اتىراۋ وبلىستارىندا سۋ تاسقىنى قاۋىپىنىڭ جوعارى دەڭگەيى بەلگىلەنگەن.

ورتتەن قۇتقارۋ بولىمشەلەرى جوعارى دايىندىق ۇستىندە، وڭتۇستىك وڭىرلەردەن اقمولا، سولتۇستىك قازاقستان جانە باتىس قازاقستان وبلىستارىنا جونەلتۋگە جوسپارلانعان قۇتقارۋ وتريادتارىنىڭ كۇشتەرى مەن قۇرالدارى ەسەپتەلدى.

جالپى، ازاماتتىق قورعاۋ ورگاندارىنىڭ بارلىق بولىمشەلەرى تولىق ءازىر.

يندۋستريا جانە ينفراقۇرىلىمدىق دامۋ ۆيتسە-ءمينيسترى ق. وسكەنباەۆ ەلىمىزدە كۇن سايىن پاترۋلدەۋ جۇمىستارى جۇرگىزىلىپ جاتقانىن، 400-دەن استام قاۋىپتى ۋچاسكەلەر باقىلاۋعا الىنعانىن حابارلادى. 689 بىرلىك بارلىق قاجەتتى تەحنيكا بەكىتىلگەن.

ءوز كەزەگىندە اۋىل شارۋاشىلىعى ۆيتسە-ءمينيسترى ە. نىسانباەۆ كۇندەلىكتى بارلىق سۋ قويمالارىنىڭ جاعدايى تەكسەرىلىپ تۇراتىنىن ايتتى. بۇگىندە سۋ قويمالارى تاسقىن سۋلاردى قابىلداۋعا دايىن. جالپى العاندا، جاعداي تۇراقتى.  

ەنەرگەتيكا مينيسترلىگىنىڭ مالىمەتتەرىنشە، قازاقستان اۋماعىن قار باسۋ كولەمى 7 ناۋرىزدان 15 ناۋرىز ارالىعىندا 11% (66%-دان 55 %-عا دەيىن) تومەندەگەن. 7 ناۋرىزدان 14 ناۋرىزعا دەيىنگى ارالىقتا جامبىل، تۇركىستان، قىزىلوردا، ماڭعىستاۋ، اتىراۋ وبلىستارىندا قار ەرىپ كەتتى. قالعان اۋماقتاردا قار جابىنىنداعى ىلعال قورىنىڭ كولەمى ورتا ەسەپپەن 20-30%-عا، كەي جەرلەردە 70%-عا دەيىن ازايعان (اقتوبە وبلىسى)، بقو مەن اقتوبە وبلىستارىندا توپىراقتىڭ قاتۋ تەرەڭدىگى ورتا ەسەپپەن 15 سم-گە كەمىدى.  

وڭىرلەردەگى اعىمداعى جاعداي مەن قابىلدانىپ جاتقان شارالار تۋرالى ونلاين رەجيمىندە قاراعاندى، اقمولا، سولتۇستىك قازاقستان، قوستاناي، شىعىس قازاقستان، باتىس قازاقستان وبلىستارىنىڭ اكىمدەرىنىڭ ورىنباسارلارى باياندادى.

كەڭەس قورىتىندىسى بويىنشا، ج. قاسىمبەك سالالىق مەملەكەتتىك ورگاندارعا جانە جەرگىلىكتى اتقارۋشى ورگاندارعا تۇراقتى مونيتورينگ جۇرگىزىپ، جاعدايدى ۇنەمى باقىلاۋدا ۇستاپ، سونىمەن قاتار تۇرعىندار اراسىندا اقپاراتتىق-ءتۇسىندىرۋ جۇمىستارىن بەلسەندى جۇرگىزۋدى تاپسىردى.

ء«بىز قار ەڭ قاتتى ەريتىن كەزەڭگە كەلدىك، بۇل سۋ تاسقىنىنىڭ ناعىز قيىن كەزەڭى. وڭىرلەردە ۇلكەن جۇمىستار اتقارىلىپ جاتىر، تۇرعىنداردى حاباردار ەتۋ كەرەك، ادامدار وزدەرىنىڭ قاۋىپسىزدىگىن قامتاماسىز ەتۋ ءۇشىن قانداي شارالار قابىلداۋ كەرەكتىگىن ءبىلۋى ءتيىس»، — دەدى ج. قاسىمبەك.

پرەمەر-ءمينيستردىڭ ورىنباسارى سونىمەن قاتار ۇكىمەتتىك توپتىڭ سۋ تاسقىنى كەزەڭىنە ازىرلىگىن باقىلاۋ ءۇشىن وڭىرلەرگە جۇمىس ساپارلارىن باستايتىنىن حابارلادى.  

 

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار