وسى ۋاقىت ارالىعىندا كوگىلدىر ەكرانعا كوز قاداعان كورەرمەننىڭ سۇيىكتى ديدارىنا اينالعان ارنانىڭ ادىمى الماتى وبلىسىنىڭ اۋماعىنان ۇزاپ, جالپاق ەل جاڭالىقتارىنىڭ جارشىسىنا اينالدى. تەلەكومپانيا ونىمدەرى «التىن جۇلدىز», «نۇر سۇڭقار», «تۇمار» سىيلىقتارىمەن ماراپاتتالدى.
تالدىقورعان قالاسىندا قونىس تەپكەن تەلەارنا العاشقى حابارىن الماتى قالاسىنداعى وبلىستىق اكىمدىكتىڭ ءبىر بولمەسىندە جاساعان ەكەن. قازىر جاڭالىقتار قىزمەتى مەن ارنايى باعدارلامالارىنان بولەك كينو سالاسىنا تۇرەن سالعان ارنانىڭ رەيتينگى وتە جوعارى.
- كەيىنگى جىلدارى تەلەكومپانيا ۇجىمى كينو ءتۇسىرۋ سالاسىنا بەت بۇردىق. ىزدەنىسىمىز جەمىستى. «جەتىسۋلىقتار» تۇسىرگەن «قۇدايى قوناق», «و, ءلايلا!», ء«بىر ۋىس بيداي», «وماربەك مەرگەن» اتتى كوركەم فيلمدەر كورەرمەن كوڭىلىنەن شىعىپ, كينو ماماندارىنىڭ جوعارى باعاسىن الدى, - دەيدى «جەتىسۋ »تەلەارناسىنىڭ ديرەكتورى بەيسەن قۇرانبەك.
بۇيىرسا, تەلەارنانىڭ 20 جىلدىعىنا وراي «جەتىسۋ» راديوسى دا جۇمىسىن باستاماق. اۋە تولقىنىنداعى جاڭالىقتار مەن جاعىمدى حابارلاردىڭ جارشىسى بولاتىن راديو قىزمەتىن قۇرۋعا قاجەتتى قادامدار جاسالىپ جاتىر ەكەن. مۇنان بولەك, مەرەيلى جىلدى «جەتىسۋلىقتار» اتاۋلى شارالار وتكىزۋمەن ەستە قالدىرماقشى. «20 جىلدىققا – 20 كوشەت» كوگالداندىرۋ اكتسياسى, باق وكىلدەرى اراسىنداعى فۋتبولدان جارىس, ءداستۇرلى انشىلەردىڭ كونتسەرتى, تەلەارنا ومىرىنەن سىر شەرتەتىن جيناق باسىپ شىعارۋ سياقتى كوزايىم شارالاردان بولەك, حالىق ءانشىسى ماقپال ءجۇنىسوۆانىڭ قاتىسۋىمەن قايىرىمدىلىق كونتسەرتى ۇيىستىرىلماق.
قالماحانبەت مۇقامەتقالي,
«Egemen Qazaqstan»
الماتى وبلىسى
