جەتىسۋداعى «جاقسىلىق جاساۋ جارىسىنىڭ» تىزگىنىن قولدارىن العان كەربۇلاق اۋدانىنىڭ كاسىپكەرلەرى باس-اياعى ەكى-ءۇش كۇن ىشىندە 3 وتباسىنا ءۇي سىيلاپ, قۋانىشقا كەنەلتتى. مىسالعا. سارىوزەك اۋىلىندا ورنالاسقان «الاتسەم» زاۋىتىنىڭ باس ديرەكتورى ستانيسلاۆ ششەرباكوۆ الەۋمەتتىك جاعدايى تومەن وتباسى ساناتىنداعى جالعىز باستى انا جۇماعىز مەدەتوۆاعا تۇرعىن ءۇيدىڭ كىلتىن تابىستادى.
- 2013 جىلدان بەرى ءۇش بالامەن ءۇيسىز پاتەردەن پاتەرگە كوشىپ ءجۇرمىن. بالالارىم وقۋشى, تاپقان تابىسىم ولاردىڭ كيىمى مەن تاماعىنان ارتىلمايدى. ەندى, مىنە, ءوزىمىزدىڭ شاڭىراعىمىز بار. ازاماتتارعا راحمەت, - دەيدى قۋانىشتان كوزىنە جاس العان جۇماعىز مەدەتوۆا.
ال وسى اۋداننىڭ قوعالى اۋىلىندا تۇراتىن جەكە كاسىپكەر, ءماسليحات دەپۋتاتى قايرات بەكيەۆ تە جاقسىلىق ۇردىسىنە ۇلەس قوسىپ, اۋىلداسى, التى بالانىڭ اناسىن ايگۇل ەشپاەۆاعا ءزاۋلىم ءۇي تارتۋ ەتتى.
- مەيىرىمدىلىك - ادام بويىنداعى ەڭ ىزگى قاسيەتتەردىڭ ءبىرى. انا-ومىردەگى ەڭ ۇلكەن قۇرمەتكە لايىق ادام. سوندىقتان دا, كوپ بالانى دۇنيەگە اكەلىپ, ۇلتىمىزدىڭ كوبەيۋىنە ۇلكەن ۇلەس قوسىپ جۇرگەن انالارعا قۋانىش سىيلاۋ- ءبىز ءۇشىن ۇلكەن باقىت, - دەيدى كاسىپكەر قايرات بەكيەۆ.
ءدال وسىنداي قۋانىشقا تالدىبۇلاق اۋىلىنداعى كوپ بالالى انا نادەجدا لەمەشكو دا كەنەلدى. 6 بالالاسى بار وتباسىعا تالدىبۇلاقتىق ىسكەر ازامات كالەن تۇرسىنباەۆ ءوز قارجىسىنا باسپانا ساتىپ الىپ بەردى.
سونداي-اق وسى اۋدانداعى قاسپان اۋىلىنىڭ كاسىپكەرلەرى سلامباي توقاباەۆ جانە ۆيتالي تاراسەنكو 11 بالانىڭ اناسى گۇلناز شاكەنوۆا مەن الەۋمەتتىك جاعدايى تومەن 3 بالالى وتباسىن قاجەتتى ازىق-ت ۇلىكپەن قامتاماسىز ەتتى.
قالماحانبەت مۇقامەتقالي,
«Egemen Qazaqstan»
الماتى وبلىسى
