شاراينا
سەنبى, 14 شىلدە 2012 6:50
قارا كۇيە جاعۋ جالعاسۋدا
سيريا وپپوزيتسياسىنىڭ وكىلدەرىنە سىلتەمە جاساعان «رەيتەر»اگەنتتىگى سيريا پرەزيدەنتى باشار اسادقا باعىنىستاعى كۇشتەردىڭحاما پروۆينتسياسىنداعى ترەمسەح ەلدى مەكەنىنە شابۋىل جاساپ, سونىڭسالدارىنان 200-دەن استام ادام, كوپشىلىگى بەيبىت تۇرعىندار بولىپتابىلادى, قازا تاپتى دەپ حابارلادى.
سەنبى, 14 شىلدە 2012 6:50
قارا كۇيە جاعۋ جالعاسۋدا
سيريا وپپوزيتسياسىنىڭ وكىلدەرىنە سىلتەمە جاساعان «رەيتەر»اگەنتتىگى سيريا پرەزيدەنتى باشار اسادقا باعىنىستاعى كۇشتەردىڭحاما پروۆينتسياسىنداعى ترەمسەح ەلدى مەكەنىنە شابۋىل جاساپ, سونىڭسالدارىنان 200-دەن استام ادام, كوپشىلىگى بەيبىت تۇرعىندار بولىپتابىلادى, قازا تاپتى دەپ حابارلادى.
وپپوزيتسياداعىلاردىڭ دەرەكتەرى بويىنشا, بەيسەنبى كۇنى ترەمسەحقا ارتيللەريادان سوققى بەرىلىپ, تىكۇشاق جانە تانكتەرمەن اتقىلانعان. سيريا باسشىلىعى بولسا, وزدەرىنىڭ تاراپىنا باعىتتالعان بارلىق ايىپتاۋلاردى تەرىسكە شىعارىپ وتىر. ولاردىڭ ايتۋىنشا, ارميا تەك لاڭكەستەرگە قارسى ارنايى وپەراتسيالار جاسايدى.
يرانعا قارسى سانكتسيانى كەڭەيتتى
اقش-تىڭ قارجى مينيسترلىگى مەن مەملەكەتتىك دەپارتامەنتى يراننىڭبىرقاتار مەملەكەتتىك كومپانيالارىنا قارسى جاڭا سانكتسيالار ەنگىزدى.جاڭا سانكتسيالاردىڭ 11 كومپانيا مەن 4 جەكە ادامعا قاتىسى بار دەلىنىپ وتىر.
ۆاشينگتوننىڭ پىكىرىنشە, بۇل كومپانيالار مەن جەكە ادامدار تەھراننىڭ يادرولىق باعدارلاماسىن جۇزەگە اسىرۋمەن اينالىسادى. بۇعان قوسا, اقش قارجى مينيسترلىگى يراننىڭ وزىنە سالىنعان سانكتسيالارىن اينالىپ وتۋگە كومەكتەسكەن, ءسويتىپ, ساۋدا-ساتتىقپەن اينالىسۋىنا, ونىڭ ىشىندە مۇناي ساتۋىنا جاردەمدەسكەن الەمنىڭ ءتۇرلى ەلدەرىندەگى 50 ۇيىمدى انىقتاپتى. «قارا تىزىمگە» ەنگەن بارلىق كومپانيالار بۇدان بىلاي قاراي اقش اۋماعىنا كىرە المايدى.
ءىستى جالعاستىرۋ تالاپ ەتىلدى
پاكستاننىڭ جوعارعى سوتى ەلدىڭ جاڭا پرەمەر-مينيسترى رادجي پەرۆەز اشرافتان ەل پرەزيدەنتى اسيف الي زارداريگە قاتىستى ءىستى قايتا جالعاستىرۋدى تالاپ ەتتى. زارداري شۆەيتساريا بانكتەرى ارقىلى زاڭسىز جولمەن الىنعان 12 ميلليون دوللاردى جىلىستاتقان دەگەن كۇدىك بار.
سوتتىڭ تالابىنا سايكەس, اشراف شۆەيتساريا باسشىلىعىنا 25 شىلدەگە دەيىن زارداريگە قاتىستى ءىستى جاڭعىرتۋ وتىنىشىمەن شىعۋى ءتيىس. جوعارعى سوتتىڭ مالىمدەمەسىندە, ەگەر تالاپ ورىندالماعان جاعدايدا قولدانىستاعى كونستيتۋتسيا مەن زاڭنامالاردا قاراستىرىلعانىنداي, پرەمەر-مينيسترگە قاتىستى شارا قولدانىلاتىنى اتاپ كورسەتىلەدى.
قۇرمەتتى لەگيون وردەنىنىڭ كوماندورى
قىرعىزستاننىڭ بۇرىنعى باسشىسى روزا وتۋنباەۆا قۇرمەتتى لەگيون وردەنىنىڭ كوماندورى اتاندى. وعان قۇرمەتتى اتاق فرانتسيا پرەزيدەنتىنىڭ ءۇستىمىزدەگى جىلدىڭ 20 ساۋىرىندەگى جارلىعى بويىنشا بەرىلدى. بۇل كەزدە فرانتسيا پرەزيدەنتى نيكوليا ساركوزي بولعانى بەلگىلى.
فرانتسيانىڭ قىرعىزستانداعى ەلشىسىنىڭ اتاپ وتۋىنشە, ناگرادا وتۋنباەۆانىڭ وتپەلى كەزەڭدەگى قيىندىقتارعا قاراماستان, شەشىمدى دە باتىل ءىس-قيمىل تانىتقان ەڭبەگىن تانۋدىڭ ناتيجەسى بولىپ تابىلادى. اتالعان وردەندى ءحىح عاسىردىڭ باسىندا ناپولەون بوناپارت تاعايىنداعان جانە ول فرانتسياداعى اسا جوعارى ايىرما بەلگىسى بولىپ سانالادى. وتستاۆكاعا كەتەرىنىڭ الدىندا قىرعىزدار وتۋنباەۆانى نوبەل سىيلىعىنا ۇسىنعان ەدى.
ەسكىرگەن تانكتەردى ساتۋ نيەتىندە
چەحيانىڭ قورعانىس مينيسترلىگى جاقىن ۋاقىتتاردا كونەرگەن 134 ت-72 تانكىن ساتۋدى باستاماق. جالپى, چەح تارابى اسكەري تەحنيكانى شەتەلدىكتەرگە ءوز بەتىنشە ساتا المايدى. جەرگىلىكتى زاڭناماعا سايكەس, اسكەري ۆەدومستۆو ارتىق تانكتەردى تەك جەكە كومپانيالارعا ساتا الادى.
تيىسىنشە, كەلىسىم-شارت جاسالعاننان كەيىن ەكى جىلدىڭ ىشىندە كومپانيالار تەحنيكانى قايتا ساتۋعا نەمەسە ۋتيليزاتسياعا جىبەرۋگە قۇقىلى. ساتىپ الىنعان تانكتەردى جاڭعىرتىپ, ارميا ساپىنا قايتا قويۋ جاعدايلارى دا كەزدەسەدى. ونداي تانكتەر بۇگىندە, اسىرەسە, افريكا ەلدەرىندە بارشىلىق كورىنەدى. چەحياداعى بارلىق تانكتەر كسرو-دان قالعان. كسرو ىدىراعان كەزدە چەحوسلوۆاكيانىڭ يەلىگىندە ءتۇرلى ۇلگىدەگى 3 مىڭنان استام تانك بولىپتى.
بىشكەكتە يسلاميست جاستار ۇستالدى
بىشكەكتە «حيزب-ۋت-تاحرير» يسلاميست ۇيىمى جاستار قاناتى قىزمەتىنىڭ جولى كەسىلگەن. جالپى, قىرعىزستاندا بۇل ۇيىم جۇمىسىنا تىيىم سالىنعان. رەسپۋبليكا ىشكى ىستەر مينيسترلىگىنىڭ اقپاراتتارىنا قاراعاندا, ۇيىم ەلدەگى بەدەلدى جوو-لاردىڭ ستۋدەنتتەرىن وزدەرىنە ۇگىتتەپ تارتۋمەن اينالىسىپتى.
باسىمدىق اسا قابىلەتتى جاستارعا بەرىلىپ كەلگەن. ال ۇيىمنىڭ قانشا مۇشەسى ۇستالعانى تۋرالى ناقتى اقپارات جوق. العاشقى وقۋدان وتكىزىلگەن جاستاردىڭ اسا بەلسەندى مۇشەلەرى ءدىني ادەبي كىتاپتار تاراتۋمەن اينالىسقان. جاڭادان الىنعاندارعا لەكتسيالار بىشكەكتىڭ مەشىتتەرى مەن ساياباقتارىندا اپتاسىنا ەكى مارتە وقىلىپ كەلگەن. ۇيىمنىڭ جەكەلەگەن مۇشەلەرى اي سايىن 200-300 سوم (4-6 دوللار) كولەمىندە جارنا تولەپ وتىرعان.
قىسقا قايىرىپ ايتقاندا:
وڭتۇستىك افريكا رەسپۋبليكاسىندا ورىن العان پويىز اپاتىنان 30-دان استام ادام قازا تاپتى. پويىز فەرماعا جۇمىسشىلار اپارا جاتقان جۇك كولىگىمەن سوقتىعىسقان. جۇك كولىگىندە بارلىعى 50 ادام بولسا كەرەك.
جاپونيانىڭ وڭتۇستىك-باتىسىندا جاۋعان نوسەر جاڭبىردىڭ سالدارىنان وپات بولعاندار سانى 18 ادامعا جەتتى. ولاردىڭ 17-ءسى كۋماموتو پرەفەكتۋراسىندا مەرت بولسا, بىرەۋى ويتا پرەفەكتۋراسىندا كوز جۇمعان. 8 ادامنىڭ تاعدىرى بەلگىسىز.
رەسەيدىڭ مەملەكەتتىك دۋماسى ەكىنشى جانە ءۇشىنشى وقىلىمداردا كولىكتى تەحنيكالىق باقىلاۋدان وتكىزەتىن تالوندى الىپ تاستاۋ جونىندە زاڭ قابىلدادى. ماقۇلدانعان زاڭ رەسمي جاريالانعان كۇننەن باستاپ كۇشىنە ەنەدى.
مولداۆيا پارلامەنتى كوممۋنيستىك رەجىمدى رەسمي تۇردە ايىپتاپ, كوممۋنيستىك سيمۆوليكالارعا تىيىم سالدى. سايكەس زاڭ جوباسى 12 شىلدەدە وتكەن پارلامەنت ماجىلىسىندە قابىلداندى. زاڭ جوباسىن ۇسىنعان – مولداۆيانىڭ ليبەرالدىق پارتياسى.
ينتەرنەت ماتەريالدارى نەگىزىندە ازىرلەندى.
