شاراينا
سارسەنبى, 11 شىلدە 2012 7:23
ايىپ ناقتى ما, الدە…
ليۆانداعى «حەزبوللا» يسلامدىق ۇيىمى اقش پەن يزرايلگە جاقتاسىپ,تىڭشىلىق جاسادى دەگەن كۇدىكپەن 3 ازاماتتى تۇتقىنعا الدى.كۇدىكتىلەر موحاممەد ءال-حۋسەيني, جيھاد جالۋل, موحاممەد ءال-ساباا2012 جىلدىڭ ماۋسىم ايىندا بەيرۋت قالاسىنىڭ وڭتۇستىك بولىگىندەۇستالعان بولاتىن.
سارسەنبى, 11 شىلدە 2012 7:23
ايىپ ناقتى ما, الدە…
ليۆانداعى «حەزبوللا» يسلامدىق ۇيىمى اقش پەن يزرايلگە جاقتاسىپ,تىڭشىلىق جاسادى دەگەن كۇدىكپەن 3 ازاماتتى تۇتقىنعا الدى.كۇدىكتىلەر موحاممەد ءال-حۋسەيني, جيھاد جالۋل, موحاممەد ءال-ساباا2012 جىلدىڭ ماۋسىم ايىندا بەيرۋت قالاسىنىڭ وڭتۇستىك بولىگىندەۇستالعان بولاتىن.
«ءال-ارابيانىڭ» مالىمەتىنشە, ولار «حەزبوللانىڭ» بەلسەندى مۇشەلەرى بولعان جانە وسى توپتىڭ جاۋىنگەرلەرى تۋرالى اقپاراتتارمەن اقش-تىڭ ورتالىق بارلاۋ باسقارماسىن, سونداي-اق, يزرايلدىك «موسساد» بارلاۋ توبىن قامتاماسىز ەتىپ وتىرعان. الايدا, «ان-ناحار» باسىلىمى ۇستالعانداردىڭ «حەزبوللانىڭ» قۇرامىنا كىرمەگەنىن العا تارتۋدا.
استا-توك تىرشىلىككە شەكتەۋ
قىتاي ۇكىمەتى مەملەكەتتىك مەكەمەلەرگە بيۋدجەت قارجىلارىن باعالىزاتتار مەن تىم قىمبات تۇراتىن شەتەلدىك ساپارلارعا بيلەتتەرساتىپ الۋعا جانە ۇلكەن قابىلداۋلار جاساۋعا شەكتەۋ قويىپ, تىيىمسالماق. بۇل تۋرالى Bloomberg اگەنتتىگى مالىمدەدى.
ارنايى مالىمەتتەرگە سۇيەنسەك, قىتاي شەنەۋنىكتەرى 2004 جىلى 408,5 ملرد. يۋانعا جۋىق قارجىنى (شامامەن 64 ملرد. دوللار) كولىك قىزمەت تۇرلەرىنە, 200 ملرد. يۋاندى مەملەكەت ەسەبىنەن تاماقتانۋعا جانە 300 ملرد. يۋاندى شەتەلدىك ءىس-ساپارلارعا جۇمساعان كورىنەدى. بىراق, بۇگىندە كەيىنگى جىلدارعا ساراپتاما جاسايتىن اقپارات ءالى دە جاريالانباي وتىر. ەگەر, سوڭعى جىلدارى بيۋدجەت شىعىندارىنىڭ بىرنەشە ەسە وسكەنىن ەسكەرسەك, سوڭعى جىلدارى ەلدەگى قارجىلىق شىعىنداردىڭ اناعۇرلىم وسكەنىن باعامداۋعا بولادى.
ءورت سوندىرۋشىلەر جۇمىسسىز قالا ما؟
رەسەي فەدەراتسياسىنىڭ توتەنشە جاعدايلار مينيسترلىگى ۆەدومستۆوعاقارايتىن فەدەرالدىق ورتكە قارسى كۇرەس قىزمەتىنىڭ قۇرامىن 40 مىڭازاماتقا دەيىن قىسقارتۋ جونىندە شەشىم قابىلدادى. بۇل تۋرالى «ريا نوۆوستي» اگەنتتىگى مالىمدەدى.
اگەنتتىكتىڭ حابارلاۋىنشا, 2013 جىلى قىزمەتكەرلەر سانىن 20 پايىزعا دەيىن قىسقارتۋ كوزدەلىپ وتىرعان كورىنەدى. الايدا, اقپارات كوزى فەدەرالدىق ورتكە قارسى كۇرەس قىزمەتىنىڭ قۇرامىن قىسقارتۋ باستاماسىن كىم كوتەرگەنى جايلى ناقتى اقپارات بەرمەگەن. «ريا ءنوۆوستيدىڭ» حابارلاۋىنشا, ءورت سوندىرۋشىلەر سانىن قىسقارتۋ توتەنشە جاعدايلار مينيسترلىگىن قايتا رەفورمالاۋ ۇدەرىسى اياسىندا جۇرگىزىلمەك.
بيلىكتەن كەتۋ-كەتپەۋى بەلگىسىز
رۋمىنيا پرەزيدەنتى ترايان بەسەسكۋ ەلدەگى جوعارى بيلىك تىزگىنىن پارلامەنت سپيكەرى كرين انتونەسكۋگە بەرۋ تۋرالى ۇيعارىمعا كەلدى. بەسەسكۋ مۇنداي قادامعا كونستيتۋتسيالىق سوت پارلامەنت شەشىمىن قابىلداعاننان كەيىن بارىپ وتىر. پارلامەنت شەشىمىندە مەملەكەت باسشىسىنا يمپيچمەنت جاريالانعان بولاتىن.
رۋمىنيادا 29 شىلدەدە رەفەرەندۋم وتكىزىلىپ, وندا پارلامەنتتىڭ يمپيچمەنت جاريالاۋ تۋرالى شەشىمىن قابىلداۋ يا قابىلداماۋ ماسەلەسى تۇبەگەيلى شەشىلەتىن بولادى. ال ەگەر, بەسەسكۋ بيلىكتەن ءوز ەركىمەن كەتۋ تۋرالى شەشىمگە كەلەتىن بولسا, ەلدە قانداي جاعداي ورىن الاتىنى بەلگىسىز. 6 شىلدە كۇنى رۋمىنيالىق پارلامەنتشىلەر قازىرگى پرەزيدەنتتى بيلىكتەن كەتىرۋ تۋرالى ماسەلە كوتەرگەن بولاتىن.
قىلمىستىڭ سەبەبى انىقتالمادى
فرانتسياداعى ۆيتري-سيۋر-سەن قالاسىنداعى بالاباقشاعا باسا-كوكتەپ كىرىپ, ونداعى ازاماتتار مەن تاربيەلەنۋشىلەردى تۇتقىنعا العان قىلمىسكەر قۇرىقتالدى.
بۇدان بۇرىن اقپارات كوزدەرىندە قىلمىسكەر سوڭعى تۇتقىندى – بالاباقشا تاربيەلەنۋشىسىنىڭ جاقىنىن بوساتتى دەگەن مالىمەت تارالعان.
«Agence France-Presse»-ءتىڭ كەلتىرگەن دەرەكتەرى بويىنشا, بۇل جاعداي پوليتسيا وكىلدەرىمەن بولعان كەلىسسوزدەردەن كەيىن جۇزەگە اسقان. ارنايى مالىمەتتەر بويىنشا, ولاردىڭ ەشقايسىسى زارداپ شەكپەگەن. 30 جاستاعى قىلمىسكەر بۇرىن اسكەري ازامات بولعان. ونى مۇنداي ءىس-ارەكەتكە قانداي جاعداي يتەرمەلەگەنى جانە قىلمىسقا نە ءۇشىن بارعانى جايلى ءالى ناقتى اقپارات تاراتىلماي وتىر.
ءبىر ايىپتان ءبىر ايىپ
يەرۋساليمنىڭ وڭىرلىك سوتى ءيزرايلدىڭ بۇرىنعى پرەمەر-ءمينيسترى ەحۋد ولمەرتكە تاعىلعان ءوز وكىلەتتىلىگىن اسىرا پايدالاندى جانە سايلاۋ ناۋقانى كەزىندە پارا الدى دەگەن ايىپتان بوساتۋ تۋرالى شەشىم قابىلدادى. الايدا, Associated Press اگەنتتىگىنىڭ مالىمەتى بويىنشا, سوت ە. ولمەرتتى ونى باسقا دا قىلمىستىق ءىس-ارەكەتىنە قاتىستى ايىپتى رەتىندە تانىپ وتىر.
ەگەر دە ونىڭ جاساعان قىلمىسى اشكەرەلەنەتىن بولسا, بۇرىنعى پرەمەر-مينيستر 5 جىلدىق مەرزىمگە تۇرمەگە وتىرعىزىلاتىن بولادى. سوتتىڭ شەشىمىنە سايكەس, ە. ولمەرت 2003-2005 جىلدار ارالىعىندا ونەركاسىپ, ساۋدا جانە ەڭبەك ءمينيسترى لاۋازىمىن اتقارىپ تۇرعان كەزىندە مەملەكەتتىك ينۆەستيتسيالىق قورعا قىسىم كورسەتكەن, سول ارقىلى ءوزىنىڭ تانىس كاسىپكەرلەرىنە سۋبسيديالار مەن جەڭىلدىكتەر الىپ بەرۋ قادامدارىنا بارعان.
قىسقا قايىرىپ ايتقاندا:
«فۋكۋسيما-1» اەس-ىندەگى الاپات اپاتقا, بۇعان دەيىن ءمالىمدەلگەندەي, تابيعي كاتاكليزمدەر ەمەس, ادامي فاكتور, ياعني سالا ماماندارى مەن تەرسو كومپانيا-وپەراتورىنىڭ ءوز ىسىنە دەگەن جاۋاپسىزدىعى مەن نەمقۇرايلىلىعى سەبەپ بولعان. مۇنداي ءمالىمەت جاپونيا پارلامەنتىندەگى كوميسسيا ساراپشىلارىنىڭ جاريالاعان بايانداماسىندا كەلتىرىلىپ وتىر.
گەرمانيا كەزىندە كەڭەس وداعى شەكاراسىندا ءجۇرىپ, سوعىستىڭ زالال-زاردابىن تارتقان 80 مىڭعا جۋىق ەۆرەيگە 300 ملن. دوللار كولەمىندە وتەماقى تولەۋ تۋرالى «ۇيعارىمعا» كەلگەن. The Jerusalem Post اقپارات قۇرالىنىڭ مالىمەتىنشە, بۇعان دەيىن بۇل ازاماتتاردىڭ باسىم كوپشىلىگى باتىس جانە ورتالىق ەۋروپا ەلدەرىندەگى ەۆرەيلەرمەن سالىستىرعاندا مۇنداي وتەماقىنى الماعان كورىنەدى.
گااگاداعى حالىقارالىق قىلمىستىق سوت كونگو دەموكراتيالىق رەسپۋبليكاسى قارۋلى كۇشتەرىنىڭ بۇرىنعى كومانديرى توماس لۋبانگا ديلونى 14 جىلعا باس بوستاندىعىن ايىرۋ تۋرالى شەشىم شىعاردى. بيىلعى جىلدىڭ ناۋرىز ايىندا ول بىرقاتار اسكەري قىلمىستارعا قاتىسى بار دەگەن ايىپپەن قاماۋعا الىنعان بولاتىن. لۋبانگا بۇعان دەيىن «كونگو پاتريوتتارىنىڭ وداعىن» باسقارعان.
ينتەرنەت ماتەريالدارى نەگىزىندە ازىرلەندى.
