ايماقتار • 12 ناۋرىز، 2019

iKOMEK 109 ءموبيلدى قوسىمشاسى ىسكە قوسىلدى

898 رەتكورسەتىلدى

استانا قالاسىنىڭ مونيتورينگ جانە جەدەل ارەكەت ەتۋ ورتالىعى iKOMEK109 بىرىڭعاي بايلانىس ورتالىعىنا ءوتىنىش بەرۋگە ارنالعان iKOMEK 109 ءموبيلدى قوسىمشاسىن ىسكە قوستى، دەپ حابارلايدى ەلوردا اكىمدىگىنىڭ رەسمي سايتى.

ء«موبيلدى قوسىمشا ارقىلى استانانىڭ تىنىس-تىرشىلىگى تۋرالى وزەكتى اقپاراتتى، اتاپ ايتقاندا جوسپارلى-جوندەۋ جۇمىستارى، جولداردىڭ، تاسجولداردىڭ جابىلۋى، مەكتەپتەردە ساباق بولمايتىنى جانە باسقا دا ماڭىزدى حابارلاندىرۋلاردى تابا الاسىزدار. اقپارات سەكۋند سايىن جاڭارىپ وتىرادى»،– دەلىنگەن ورتالىق تاراتقان حابارلامادا.

قوسىمشا ازاماتتارعا وتىنىشتەردى جىبەرىپ قانا قويماي، مەكەنجايدى كارتادا كورسەتىپ، فوتوماتەريالداردى تىركەۋگە مۇمكىندىك بەرەدى.

iKOMEK 109 قوسىمشاسىن PlayMarket-تەن نەمەسە Apple store-دان جۇكتەۋگە بولادى.

سوڭعى جاڭالىقتار

ۇقساس جاڭالىقتار