شاراينا
سەيسەنبى, 24 ءساۋىر 2012 6:59
وللاند – ءبىرىنشى تۋر جەڭىمپازى
جەكسەنبىدە فرانتسيادا وتكەن پرەزيدەنتتىك سايلاۋدىڭ ءبىرىنشى تۋرىنىڭ قورىتىندىسى بويىنشا 28,61 پايىز داۋىس جيناعان سوتسياليست فرانسۋا وللاند الدىڭعى ورىنعا شىقتى.
27,08 پايىز جيناعان قازىرگى پرەزيدەنت نيكوليا ساركوزي ەكىنشى ورىندا بولسا, 18,05 جانە 11,12 پايىز داۋىس جيناعان مارين لە پەن مەن جان-ليۋك مەلانشون تيىسىنشە, ءۇشىنشى جانە ءتورتىنشى ورىنداردى يەلەندى. سايلاۋشىلاردىڭ سايلاۋ ۋچاسكەلەرىنە كەلۋى 80,43 پايىزدى قۇراعان. بۇل بيۋللەتەندەردىڭ 99,9 پايىزى وڭدەلگەننەن كەيىن بەلگىلى بولىپ وتىرعان مالىمەت. تۇپكىلىكتى ناتيجەلەر سارسەنبى كۇنى جەرگىلىكتى ۋاقىتپەن 20.00-گە دەيىن بەلگىلى بولۋى ءتيىس.
سەيسەنبى, 24 ءساۋىر 2012 6:59
وللاند – ءبىرىنشى تۋر جەڭىمپازى
جەكسەنبىدە فرانتسيادا وتكەن پرەزيدەنتتىك سايلاۋدىڭ ءبىرىنشى تۋرىنىڭ قورىتىندىسى بويىنشا 28,61 پايىز داۋىس جيناعان سوتسياليست فرانسۋا وللاند الدىڭعى ورىنعا شىقتى.
27,08 پايىز جيناعان قازىرگى پرەزيدەنت نيكوليا ساركوزي ەكىنشى ورىندا بولسا, 18,05 جانە 11,12 پايىز داۋىس جيناعان مارين لە پەن مەن جان-ليۋك مەلانشون تيىسىنشە, ءۇشىنشى جانە ءتورتىنشى ورىنداردى يەلەندى. سايلاۋشىلاردىڭ سايلاۋ ۋچاسكەلەرىنە كەلۋى 80,43 پايىزدى قۇراعان. بۇل بيۋللەتەندەردىڭ 99,9 پايىزى وڭدەلگەننەن كەيىن بەلگىلى بولىپ وتىرعان مالىمەت. تۇپكىلىكتى ناتيجەلەر سارسەنبى كۇنى جەرگىلىكتى ۋاقىتپەن 20.00-گە دەيىن بەلگىلى بولۋى ءتيىس.
قاقتىعىس تىيىلار ەمەس
حەگليگ ءوڭىرى ءۇشىن كورشىلەس سۋدانمەن بولعان قاقتىعىس سالدارىنان وڭتۇستىك سۋداننىڭ 1,2 مىڭعا جۋىق ازاماتى قازا تاپقان.
بۇل تۋرالى وڭتۇستىك سۋدان ارمياسىنىڭ قولباسشىسى كامال ءمارۋفتىڭ مالىمدەمەسىنە سىلتەمە جاساي وتىرىپ, فرانس-پرەسس اگەنتتىگى حابارلاعان. ءوڭتۇستىكسۋداندىق ارميانىڭ شەگىنگەنىنە قاراماستان, كورشىلەس مەملەكەت بيلىگى بەنتيۋ قالاسىنا اۋەدەن شابۋىل جاساۋدى جالعاستىرا بەرگەن كورىنەدى. وسىلايشا بازارعا جانە قالاداعى ورتالىق كوپىرگە بومبالار تاستالعان. وڭتۇستىك سۋدان بۇل بومبالاۋلاردى ارانداتۋ رەتىندە قابىلداپ وتىر.
قىلمىسكەر وكىنىش ءبىلدىردى
نورۆەگيالىق تەررورشى اندەرس برەيۆيك كەزدەيسوق ءوتىپ بارا جاتقان ادامداردىڭ قازا تاپقانىنا ءوز وكىنىشىن بىلدىرگەن.
ول سوتتا ءىسى قارالىپ جاتقان كەزدە وتكەن جىلدىڭ 22 ءشىلدەسىندە وسلونىڭ ۇكىمەتتىك كۆارتالىندا جاسىرىلعان بومبانىڭ جارىلىسىنان قازا تاپقاندار مەن زارداپ شەككەندەردىڭ تۋعان-تۋىستارى الدىندا كەشىرىم سۇراعان كورىنەدى. سونىمەن بىرگە, ول ۋتويا ارالىندا جۇمىسشىلار پارتياسىنىڭ جاستار لاگەرىنە قاتىسۋشىلاردى ولتىرگەنى ءۇشىن كەشىرىم سۇراي قويماعان. برەيۆيك وسى قىلمىستاردىڭ ءبارىن ساياسي كوزقاراسىنا وراي جاساعانىن تاعى دا اتاپ كورسەتكەن.
ۇشاق قۇپياسى اشىلىپ قالدى
يراندىق ماماندار امەريكالىق RQ-170 «سەنتينەل» ۇشقىشسىز ۇشاتىن اپپاراتتىڭ جۇمىس ءتاسىلىن اشىپ, قۇپياسىن انىقتاپ العان.
ايتا كەتۋ كەرەك, بۇل ۇشاقتى اسكەريلەر وتكەن جىلدىڭ جەلتوقسان ايىندا قولعا تۇسىرگەن بولاتىن. «يسلام رەۆوليۋتسياسىنىڭ ساقشىلارى» كورپۋسىنىڭ اەروعارىش ءبولىمىنىڭ باسشىسى گەنەرال امير الي حادجيزادەنىڭ حابارلاۋىنشا, يراندىق ماماندار قازىر ۇشاقتىڭ دالمە-ءدال كوشىرمەسىن جاساۋعا كىرىسكەن كورىنەدى. سونىمەن بىرگە, يراندىق ينجەنەرلەردىڭ ۇشقىشسىز ۇشاتىن اپپاراتتىڭ جۇيەلەرىنە جازىلعان اقپاراتتى قالپىنا كەلتىرۋمەن اينالىسىپ جاتقانى دا بەلگىلى بولىپ وتىر.
اتاسى ءۇشىن ايىپتى بولدى
وبامانىڭ باستى قارسىلاسى, اقش پرەزيدەنتتىگىنەن ۇمىتكەر رومنيگە ونىڭ اتاسى بىرنەشە ايەل العان دەگەن ايىپ تاعىلىپ وتىر.
ماسساچۋسەتس شتاتىنىڭ بۇرىنعى گۋبەرناتورىنا بۇقارالىق اقپارات قۇرالدارى الدىندا ءوز اتاسىنىڭ پوليگاميست بولماعاندىعى تۋرالى ايتىپ, اقتالۋعا تۋرا كەلگەن. مەن اكەم جانە انام, بىرنەشە اعا-ىنىلەرىم مەن ءبىر قارىنداسىم بولعان وتباسىندا ءوستىم. ولار مەكسيكادا تۇردى جانە مەنىڭ بىلۋىمشە, ءوز ومىرلەرىنە ريزا بولاتىن دەپ اتاپ كورسەتكەن ول. سونىمەن بىرگە ءحىح عاسىردا مورموندار ءۇشىن كوپ ايەل الۋدىڭ داعدىلى كورىنىس بولعانى دا ءمالىم بولىپ وتىر.
قۇرباندارعا ەسكەرتكىش ورناتىلدى
پولشانىڭ زاكوپانە قالاسىندا سمولەنسك تۇبىندە قۇلاعان تۋ-154 ۇشاعى اپاتىنىڭ قۇرباندارىنا ەسكەرتكىش اشىلدى.
كوستەل الدىنا ورناتىلعان ەسكەرتكىشكە بارلىق قازا تاپقانداردىڭ اتى-ءجوندەرى ويىپ جازىلعان كورىنەدى. ءراسىمدى ەپيسكوپ داميان مۋسكۋس اشقان. ءىس-شاراعا قازا تاپقانداردىڭ بارلىعىنىڭ وتباسىلارىنىڭ شاقىرىلعانىنا قاراماستان, سالتاناتقا كەلە الماعاندار دا بار ەكەن. ايتا كەتۋ كەرەك, ىشىندە ەل پرەزيدەنتى لەح كاچينسكي بولعان ۇكىمەتتىك اۆيالاينەردىڭ اپاتقا ۇشىراۋى پولشا ءۇشىن ۇلتتىق قايعى-قاسىرەتكە اينالىپ وتىر.
كورشىلەرىنە قىر كورسەتتى
كحدر باسشىلىعى زىمىران ۇشىرعانىن سىناعانىنا جاۋاپ رەتىندە ارنايى وپەراتسيا جۇرگىزەتىنىن ايتىپ, وڭتۇستىك كورەياعا قىر كورسەتتى.
سولتۇستىك كورەيا قاجەت بولعان جاعدايدا ءوز جاۋلارىنىڭ ك ۇلىن كوككە ۇشىراتىنىن مالىمدەگەن. 13 ساۋىردە كحدر ۇشىرعان زىمىران ساتسىزدىككە ۇرىنعان ەدى. ول ەل ءۇشىن 850 ميلليون دوللارعا تۇسكەن كورىنەدى. سەۋل بولسا وسىنشا قارجىنى قارۋ-جاراققا ەمەس, ءوز حالقىن تاماقتاندىرۋعا نەگە جۇمسامايدى دەپ سىناعان بولاتىن. پحەنياننىڭ رەنىشىن تۋدىرىپ وتىرعان دا وسى ءسوز.
يزرايل ءۇمىتىن ۇزبەك ەمەس
يزرايل سىرتقى ىستەر ءمينيسترى اۆيگدور ليبەرمان وسى ەلگە تابيعي گاز جەتكىزىپ بەرۋ تۋرالى ۇزاق مەرزىمدى كەلىسىمدى توقتاتۋ جونىندەگى ەگيپەت شەشىمىنە سابىرمەن قاراۋعا شاقىرىپ وتىر.
ساياساتكەر بۇل داۋدىڭ بيزنەستە كەزدەسەتىن كەز كەلگەن داۋلار ءتارىزدى شەشىم تاباتىنىنان ءۇمىتتى. ءبىز ەگيپەتتە بولىپ جاتقان جاعدايلاردى مۇقيات باقىلاپ وتىرمىز, جاعدايدىڭ جاقسى جاققا قاراي باعىت الاتىنىنا سەنىمىمىز مول, دەپ اتاپ كورسەتكەن ليبەرمان. سونداي-اق ول ازىرگە وڭ وزگەرىستەردىڭ بولماعانىنا قاراماستان, اسىعىس شەشىم شىعارۋدىڭ قاجەتى جوق ەكەنىنە دە نازار اۋدارعان.
ينتەرنەت ماتەريالدارى نەگىزىندە ازىرلەندى.
