ۆيكتور ماماەۆ ءتورت ت ۇلىك وسىرۋمەن كوپتەن بەرى اينالىسادى. بىلتىر مەملەكەتتىك باعدارلاماعا قاتىسۋ ارقىلى 4 ميلليون تەڭگە سۋبسيديا الماق ماقساتىنا ءالى كۇنگە دەيىن قول جەتكىزە الماي ءجۇر. بىرىڭعاي تسيفرلىق باعدارلامانىڭ «قاتەلىگىنەن» وسىنداي كەلەڭسىز جاعدايعا تاپ بولعان. ءتيىستى ورگاندارعا جۇگىنگەنىمەن, دوپ سياقتى قاقپاقىلداپ, ءبىر-بىرىنە جۇمساعان. امالى تاۋسىلعاننان كەيىن جەرگىلىكتى كاسىپكەرلەر پالاتاسىنا ارىزدانۋعا ءماجبۇر بولعان. ويتكەنى, زاۋىتتان 8 ميلليون تەڭگەگە مينەرالدىق تىڭايتقىش ساتىپ العاندىقتان, جۇمسالعان قاراجاتتىڭ 50 پروتسەنتىن مەملەكەت سۋبسيديا تۇرىندە قايتارۋ كەرەك. الايدا, ول قاراجاتتى قاشان الارى بەلگىسىز.
سۋبسيديا الاتىن شارۋالاردىڭ ءتىزىمى تسيفرلىق باعدارلاما ارقىلى انىقتالعان. كاسىپكەرلەر پالاتاسىنىڭ وتىرىسىندا بەلگىلى بولعانداي باعدارلامانى استانا قالاسىنداعى «اقپاراتتىق ەسەپتىك ورتالىق» اق-ى ازىرلەگەن. جوبادا شيكىلىك تۇستار كوپ كورىنەدى. ءبىر تسيفردى دۇرىس جازباۋ سالدارىنان ۆ. ماماەۆتى ادىلەت ورگاندارىنداعى بىرىڭعاي بازاعا جەكە تۇلعا ەمەس, زاڭدى تۇلعا ساناتىنا قوسىپ قويىپتى. قارجى مينيسترلىگى تاراپىنان كەتكەن جاڭساقتىق سولتۇستىكقازاقستاندىق 84 فەرمەردى سان سوقتىرعان.
«بۇل جايتتى باس پروكۋراتۋراعا دەيىن جەتكىزەمىز. ءتىپتى سوتقا جۇگىنۋگە تۋرا كەلەتىن شىعار. قالاي دەسەك تە, شەشىمىن تابۋدىڭ جولىن تاپپايىنشا ماسەلەنى اياقسىز قالدىرمايمىز», دەيدى پالاتا جانىنداعى كاسىپكەرلەردىڭ قۇقىعىن قورعاۋ كەڭەسىنىڭ ءتورايىمى ينەسسا قۋانوۆا.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
