كومپانيادا سالاۋاتتى ءومىر سالتىن قۇرۋ, قىزمەتكەرلەر دەنساۋلىعى مەن ەڭبەكتى قورعاۋعا ۇلكەن كوڭىل بولىنۋدە. جامان ادەتتەن ارىلىپ, سپورتتى ۇستانۋ – ءومىر ساپاسىنىڭ ماڭىزدى بولىگى.
قتج عيماراتىندا ۇيىمداستىرىلعان فلەشموب قاتىسۋشىلارىن پەرسونالدى باسقارۋ جونىندەگى ديرەكتور, HR باسقارۋشى ديرەكتورى تاميلا ميكۋليچ, ارداگەر-تەمىرجولشىلار كەڭەسىنىڭ توراعاسى بولاتبەك دۇيسەماليەۆ, «قازپروفترانس» قب توراعاسى ورازعالي احمەتباەۆ, سونداي-اق قر پرەزيدەنتى جانىنداعى جاستار ساياساتى جونىندەگى كەڭەس مۇشەسى, قر شاحمات فەدەراتسياسىنىڭ ۆيتسە-پرەزيدەنتى دارمەن سادۋاقاسوۆ قۇتتىقتادى. تەمىرجولشىلار مۋزىكانىڭ ىرعاعىمەن جاقسى كوڭىل كۇي مەن قۋات سىيلاعان وندىرىستىك گيمناستيكانىڭ پايدالى كەشەندى جاتتىعۋلارىن جاسادى.
ۇيىمداستىرۋشىلاردىڭ پايىمداۋىنشا, جۇمىس ۋاقىتىندا دەنە شىنىقتىرۋ مينۋتىن وتكىزىپ تۇرۋ ءداستۇرى قىزمەتكەرلەردىڭ وزدەرىن سەرگەك سەزىنۋگە جانە جۇمىس قابىلەتىن ارتتىرۋلارىنا كومەكتەسەدى.
سونداي-اق وسى كۇنى «نيكوتين – نا ۆيتامين» اكتسياسى بولىپ ءوتتى.
ۇيىمداستىرۋشىلار مەن بەلسەندى جاستار ارىپتەستەرىن وزدەرىنىڭ جانە جاقىندارىنىڭ دەنساۋلىقتارى ءۇشىن جامان ادەتتەن ارىلۋعا شاقىرىپ, تەمەكى تارتاتىن قىزمەتكەرلەردى شىلىمىن الماعا ايىرباستاۋدى ۇسىندى.
سپورتتىق فلەشموب, «نيكوتين – نا ۆيتامين» اكتسياسى ەلىمىز وڭىرلەرىنىڭ بارلىق تەمىرجولى كاسىپورىندارىندا وتەدى. بۇل دەنە شىنىقتىرۋ قۇندىلىقتارىن, سالاۋاتتى ءومىر سالتىن ۇستانۋدىڭ جاقسى ناسيحاتى.
