شاراعا ەلىمىزگە تانىمال سۋرەتشىلەر تۋىندىلارىنىڭ بارەلەف-كوشىرمەلەرى قويىلدى. ال 14 كارتينانى وقۋشىلار سارايىنداعى كوركەمسۋرەت مەكتەبىنىڭ تاربيەلەنۋشىلەرى سالىپ اكەلدى.
بىرەگەي كورمەنىڭ ەرەكشەلىگى سول, كارتينالاردىڭ ەكى بىردەي نۇسقاسى ۇسىنىلعان. ءبىرىنشىسى – سۋرەتشىنىڭ ءوزى سالعان تۇپنۇسقا بولسا, ونىڭ استىنا زاعيپ جاندار ءۇشىن ارنايى جاسالعان تۋىندىلار جايعاستىرىلعان. وسىلايشا, كوزى ناشار كورەتىن جەرلەستەرىمىز ءابىلحان قاستەەۆ, اۋباكىر ىسمايىلوۆ, ساحي رومانوۆ سىندى بەلگىلى ونەر يەلەرىنىڭ جۇمىستارىن تاماشالاي الدى.
«بىلتىر الماتى قالاسىنا ىسساپارمەن بارعان كەزدە ءا.قاستەەۆ اتىنداعى مۋزەيدە وسىنداي تۋىندىلاردى كورگەن ەدىك. سودان جەرگىلىكتى جەردە نەگە قولعا الماسقا دەگەن وي تۋدى. وقۋشىلار سارايىنداعى كوركەمسۋرەت مەكتەبى ۇسىنىسىمىزدى بىردەن قابىل الدى. جوعارى دەڭگەيدە ورىندالعان جۇمىستار بىردەن نازار اۋدارتادى», دەيدى بەينەلەۋ ونەرى مۋزەيىنىڭ قىزمەتكەرى جىبەك جۇزەنوۆا.
16 جاستاعى ۋليانا پوپۋلوۆا رەسەيدىڭ حالىق سۋرەتشىسى باقي ۋرمانچەنىڭ تابيعات كورىنىستەرىنە ارنالعان تۋىندىسىن اينىتپاي كەلتىرۋ ءۇشىن ءبىر اي ۋاقىتىن جۇمساپتى. اعاشتى بەينەلەۋ ءۇشىن بۇتاقتاردى قولدانىپتى. بويجەتكەن زاعيپ جاندارعا كەرەمەت كارتينانى سەزىنۋ مۇمكىندىگىن سىيلاعانىنا وتە قۋانىشتى. الداعى ۋاقىتتا دا بارەلەفتى-كوشىرمەلەر جاساۋمەن اينالىسپاق
جاس سۋرەتشىلەر ءاربىر پەيزاج, پورترەت پەن ناتيۋرمورتتاعى دەتالداردى دا ەرەكشە دالدىكپەن جەتكىزە بىلگەن.قىپ-قىزىل الما دەيسىڭ بە, الدە ورىسە جايىلىپ جۇرگەن ءتورت ت ۇلىك مال ما...ءبارىن قولمەن ۇستاپ, ايقىن سەزىنۋگە بولادى. كارتينانى كوز الدىنا ەلەستەتۋگە برايل شريفىمەن جازىلعان انىقتامالىق اقپارات كوپ سەپتىگىن تيگىزەدى.
ء«بىز بۇرىندارى مۋزەيدەگى مۇسىندەردىڭ كورمەسىنە عانا كەلەتىنبىز.ەندى سۋرەتشىلەردىڭ تۋىندىلارىن تاماشالاۋ مۇمكىندىگىنە يە بولىپ وتىرمىز. بالالار مەن مۇراجاي قىزمەتكەرلەرىنە ايتار العىسىم شەكسىز», دەيدى زاعيپ جاندار.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
