2019 جىلدىڭ قاڭتار ايىندا بىرىڭعاي جيناقتاۋشى زەينەتاقى قورىنىڭ بازاسىندا اۆتوماتتى تۇردە 9 409 جەكە زەينەتاقى شوتى اشىلعان.
2019 جىلدىڭ 8 قاڭتارىنان باستاپ جەكە تۇلعاعا مىندەتتى زەينەتاقى جارنالارى بويىنشا شوت اشۋ ءۇشىن بىرىڭعاي جيناقتاۋشى زەينەتاقى قورىنا, ونىڭ ىشىندە قوردىڭ ۆەب-سايتى ارقىلى دا جۇگىنۋدىڭ قاجەتى جوق. ەندى جەكە تۇلعانىڭ قوردا مىندەتتى زەينەتاقى جارنالارى بويىنشا اشىلعان شوتى جوق بولسا, وندا العاشقى جارنا كەلىپ تۇسكەن كەزدە زەينەتاقى شوتى اۆتوماتتى تۇردە اشىلادى. بۇل تۋرالى قازاقستان رەسپۋبليكاسىنىڭ زەينەتاقى زاڭناماسىنا ءتيىستى وزگەرىستەر ەنگىزىلدى.
بۇل رەتتە جەكە تۇلعا جارنالاردى اۋدارۋ بارىسىندا تولەم تاپسىرماسىنىڭ ەلەكتروندىق فورماتىندا كورسەتىلگەن دەربەس دەرەكتەر (تەگى, اتى, اكەسىنىڭ اتى, جەكە سايكەستەندىرۋ ءنومىرى, تۋعان كۇنى) بويىنشا تانىلادى. ال جەكە تۇلعانىڭ جەكە باسىن كۋالاندىراتىن قۇجاتتىڭ دەرەكتەمەلەرى بويىنشا قاجەتتى مالىمەتتەردى قور مەملەكەتتىك ورگانداردىڭ اقپاراتتىق جۇيەلەرىنەن الاتىن بولادى.
ايناش ەسالي,
«Egemen Qazaqstan»
الماتى
