قازاقستان حالقى اسسامبلەياسىنىڭ قۇرىلعان كۇنى, ياعني 1 ناۋرىز – پرەزيدەنتتىڭ ۇسىنىسىمەن جىل سايىن بارلىق ەتنوستىڭ ءبىر-بىرىنە جانە مەيىرباندىق تانىتىپ, ول ادامداردى ءوز تۋعانىنداي قابىلداعان قازاقتارعا العىس ايتۋ كۇنى رەتىندە اتاپ وتىلەدى.
وسى مەرەكەگە وراي وتكەن بايقاۋعا 16 ۇمىتكەر قاتىسىپ, باق سىنادى. ولاردىڭ اراسىندا وزبەك, تۇركىمەن, نەمىس, شەشەن, ۋكراين, ورىس حالقىنىڭ وكىلدەرى بار. قاتىسۋشى جاستار ۇلى ابايدىڭ, ماحامبەتتىڭ, سۇلتانماحمۇت تورايعىروۆتىڭ, مۇقاعالي ماقاتاەۆتىڭ, تولەگەن ايبەرگەنوۆتىڭ, جۇبان مولداعاليەۆتىڭ, ءابدىلدا تاجىباەۆتىڭ, قادىر مىرزا ءالىنىڭ ولەڭدەرىن ناقىشىنا كەلتىرە وقىدى.
قازىلار القاسىنىڭ مۇشەلەرى – ۋنيۆەرسيتەتتەگى «قازاقستان حالقى اسسامبلەياسى» كافەدراسىنىڭ مەڭگەرۋشىسى تۇرار شايحيەۆ, «اعايىن» قازاق ەتنومادەني بىرلەستىگىنىڭ توراعاسى ماقسوت بەرگەن, «تاتار مادەني ورتالىعى» قوعامدىق بىرلەستىگىنىڭ وكىلى ءالفيا جاپاروۆالار ەل بىرلىگى مەن تاتۋلىعىن نىعايتىپ, بەيبىتشىلىك پەن كەلىسىمگە ۇيىتقى بولاتىن وسىنداي شارالار ءداستۇرلى تۇردە وتسە ەكەن دەگەن تىلەگىن جەتكىزدى.
بايقاۋ قورىتىندىسىندا اناستاسيا بادەەۆا مەن كاميلا چارىكۋلىەۆا جۇلدەلى ءبىرىنشى ورىندى تەڭ بولىسسە, ءمادينا ارتاەۆا ەكىنشى ورىندى, ۆارۆارا وسينوۆسكايا مەن ۆالەنتين كوزلوۆ ءۇشىن جۇلدەنى يەلەندى. جەڭىمپازدار ديپلوم, العىس حاتتار مەن باعالى سىيلىقتارمەن ماراپاتتالدى.
قازبەك قۇتتىمۇرات ۇلى,
«Egemen Qazaqstan»
باتىس قازاقستان
سۋرەتتى تۇسىرگەن ريتا سۇلتانعاليەۆا
